ນ໊ອງ ຕົກລົງຍອມຂະຫຍາຍເສັ້ນຕາຍຈ່າຍຄ່າຕົວ ຊາລາ

ນ໊ອງ ຕົກລົງຍອມຂະຫຍາຍເສັ້ນຕາຍຈ່າຍຄ່າຕົວ ຊາລາ - advert banner 728 90 728x90 - ນ໊ອງ ຕົກລົງຍອມຂະຫຍາຍເສັ້ນຕາຍຈ່າຍຄ່າຕົວ ຊາລາ

      ນ໊ອງ ທີ​ມ​ໃນ​ລີກ ​ເອິງ ຝຣັ່ງ ບັນລຸ​ຂໍ້​ຕົກລົງກັບ ຄາ​ດິຟ ຊິ​ຕີ້ ທີ​ມ​ໃນ​ພຣີ​ເມຍ​ລີກ ອັງກິດ ​ເລື່ອງ​ການ​ຂະຫຍາຍ​ເສັ້ນຕາຍ​ການ​ຈ່າຍ​ຄ່າ​ຕົວ​ງວດ​ທຳ​ອິດ​ຈຳນວນ 5,27 ລ້ານ​ປອນ ຂອງ ​ເອມິ​ເລຍ​ໂນ ຊາ​ລາ ດາວ​ຍິງ​ຜູ້​ເສຍ​ຊີວິດ​ອອກ​ໄປ​ອີກ 1 ອາທິດ ຈາກ​ວັນ​ທີ 20 ກຸ​ມພາ ອອກ​ໄປ​ເປັນ​ວັນ​ທີ 27 ກຸມພາ ​ເປັນ​ທີ່​ຮຽບຮ້ອຍ​ແລ້ວ.

       ກ່ອນ​ໜ້າ​ນີ້ ນ໊ອງ ຮຽກຮ້ອງ​ໃຫ້ ຄາ​ດິຟ ຈ່າຍ​ເງິນ​ຈຳນວນ​ດັ່ງກ່າວ ​ເຊິ່ງ​ເປັນ​ຄ່າ​ຕົວ​ງວດ​ທຳ​ອິດ​ຈາກ 3 ງວດ​ໃຫ້​ພວກ​ເຂົາ ຫລັງ​ສະ​ໂມ​ສອນ​ບັນລຸ​ຂໍ້​ຕົກລົງ​ຂາຍ ຊາ​ລາ ​ໃຫ້​ໃນ​ເດືອນ​ມັງກອນ​ຜ່ານ​ມາ ກ່ອນ​ດາວ​ເຕະ​ຊາວ​ອາ​ເຈນ​ຕິ​ນາ​ຈະ​ເສຍ​ຊີວິດ​ຈາກ​ອຸປະຕິ​ເຫດ​ຍົນ​ຕົກ​ບໍລິ​ເວນ​ຊ່ອງ​ແຄບ​ອັງກິດ ​ວັນ​ທີ 21 ມັງກອນ​ຜ່ານ​ມາ ​ໂດຍ​ໄດ້​ສົ່ງ​ຈົດໝາຍ​ໄປ​ຫາ ​ເດິ ບລູ​ເບິດ ​ວັນ​ທີ 5 ກຸມພາ​ຜ່ານ​ມາ ​ເພື່ອ​ແຈ້ງ​ໃຫ້​ຊຳລະ​ເງິນ​ຈຳນວນ​ທຳ​ອິດ​ພາຍ​ໃນ 10 ວັນ. ​ເຖິງ​ຢ່າງ​ໃດ​ກໍ​ຕາມ ຫລັງ​ຈາກມີ​ການ​ເຈລະຈາ​ກັນ ທັງ 2 ທີ​ມຕົກລົງ​ຈະ​ເລື່ອນ​ເສັ້ນຕາຍ​ອອກ​ໄປ​ອີກ 1 ອາທິດ ​ແລະ ຖ້າ​ເຖິງ​ເວລາ​ດັ່ງກ່າວ​ຍັງ​ບໍ່​ອາດ​ຕົກລົງ​ກັນ​ໄດ້ ທີ​ມ​ໃນ​ລີກ​ສູງ​ສຸດ​ຂອງ​ອັງກິດ ​ເຊິ່ງຕ້ອງການ​ຄວາມ​ຈະ​ແຈ້ງຈາກ​ການ​ສອບ​ສວນສາ​ເຫດ​ຂອງ​ອຸປະຕິ​ເຫດ​ທີ່​ເກີດ​ຂຶ້ນກ່ອນ ອາດ​ສົ່ງ​ເລື່ອງ​ໃຫ້​ສະຫະພັນ​ບານ​ເຕະ​ນາໆ​ຊາດ (ຟີ​ຟາ) ຫລື ສານ​ອະນຸຍາ​ໂຕ​ຕຸລາການ​ດ້ານ​ກິລາ (CAS) ມີ​ການ​ພິຈາລະນາ​ຕໍ່​ໄປ.

ນ໊ອງ ຕົກລົງຍອມຂະຫຍາຍເສັ້ນຕາຍຈ່າຍຄ່າຕົວ ຊາລາ - Tiger Head 728x90 - ນ໊ອງ ຕົກລົງຍອມຂະຫຍາຍເສັ້ນຕາຍຈ່າຍຄ່າຕົວ ຊາລາ
ນ໊ອງ ຕົກລົງຍອມຂະຫຍາຍເສັ້ນຕາຍຈ່າຍຄ່າຕົວ ຊາລາ - 1 1 - ນ໊ອງ ຕົກລົງຍອມຂະຫຍາຍເສັ້ນຕາຍຈ່າຍຄ່າຕົວ ຊາລາ
error: Content is protected !!