ຮອງ​ປະທານ​ປະ​ເທດ ເນັ້ນ​ໃຫ້​ແຂວງ​ສະ​ຫວັນ​ນະ​ເຂດເອົາ​ໃຈ​ໃສ່​ໂຄງ​ປະ​ກອບ​ບຸກ​ຄະ​ລາ​ກອນ

ຮອງ​ປະທານ​ປະ​ເທດ ເນັ້ນ​ໃຫ້​ແຂວງ​ສະ​ຫວັນ​ນະ​ເຂດເອົາ​ໃຈ​ໃສ່​ໂຄງ​ປະ​ກອບ​ບຸກ​ຄະ​ລາ​ກອນ - advert banner 728 90 728x90 - ຮອງ​ປະທານ​ປະ​ເທດ ເນັ້ນ​ໃຫ້​ແຂວງ​ສະ​ຫວັນ​ນະ​ເຂດເອົາ​ໃຈ​ໃສ່​ໂຄງ​ປະ​ກອບ​ບຸກ​ຄະ​ລາ​ກອນ

                ການ​ພົບ​ປະ​ໂອ້​ລົມ​ພະ​ນັກ​ງານ​ຫຼັ​ກແຫຼ່ງຢູ່​ແຂວງ​ສະ​ຫວັນ​ນະ​ເຂດ ຂອງ​ທ່ານ ພັນ​ຄຳ ວິ​ພາ​ວັນ ກຳ​ມະ​ການ​ກົມ​ການ​ເມືອງ​ສູນ​ກາງ​ພັກ, ຮອງ​ປະ​ທານ​ປະ​ເທດ​ແຫ່ງ ສປປ ລາວ ໃນ​ວັນ​ທີ 21 ກຸມ​ພານີ້ ຢູ່​ທີ່​ຫ້ອງ​ປະ​ຊຸມ​ໃຫຍ່ ຫໍ​ວັດ​ທະ​ນະ​ທຳ​ໄກ​ສອນ​ ພົມ​ວິ​ຫານ ໂດຍ​ມີທ່ານ ສັນ​ຕິ​ພາບ ພົມ​ວິ​ຫານ ກຳ​ມະ​ການ​ສູນ​ກາງ​ພັກ, ເລ​ຂາ​ພັກ​ແຂວງ, ເຈົ້າ​ແຂວງ​ສະ​ຫວັນ​ນະ​ເຂດ ພ້ອມ​ດ້ວຍ​ຄະ​ນະ​ປະ​ຈຳ​ພັກ​ແຂວງ, ກຳ​ມະ​ການ​ພັກ​ແຂວງ ​ແລະ ພະນັກງານຫຼັກ​ແຫຼ່ງ​ແຂວງ​ເຂົ້າ​ຮ່ວມ​ເປັນ​ຈຳນວນ​ຫລາຍ.

ຮອງ​ປະທານ​ປະ​ເທດ ເນັ້ນ​ໃຫ້​ແຂວງ​ສະ​ຫວັນ​ນະ​ເຂດເອົາ​ໃຈ​ໃສ່​ໂຄງ​ປະ​ກອບ​ບຸກ​ຄະ​ລາ​ກອນ - new3 - ຮອງ​ປະທານ​ປະ​ເທດ ເນັ້ນ​ໃຫ້​ແຂວງ​ສະ​ຫວັນ​ນະ​ເຂດເອົາ​ໃຈ​ໃສ່​ໂຄງ​ປະ​ກອບ​ບຸກ​ຄະ​ລາ​ກອນ

                ​ໃນ​ການ​ໂອ້​ລົມ ​ເຊິ່ງທ່ານຮອງ​ປະທານ​ປະ​ເທດ ​ໄດ້​ກ່າວ​ສະ​ແດງ​ຄວາມ​ຍ້ອງ​ຍໍ​ຊົມ​ເຊີຍຕໍ່​ຜົນ​ງານ​ໃນ​ການ​ຊີ້​ນຳ-ນຳ​ພາ​ວຽກ​ງານ​ຮອບ​ດ້ານຂອງ​ອົງ​ຄະ​ນະ​ພັກ​ແຂວງ​ສະ​ຫວັນ​ນະ​ເຂດຍາດ​ມາ​ໄດ້​ໃນ​ຜ່ານ​ມາ ​ແລະ ທ່ານກໍ​ໄດ້​ຍົກ​ໃຫ້​ເຫັນ​ວ່າ: ພັກ​ເຮົາ​ໄດ້​ເອົາ​ໃຈ​ໃສ່​​ແກ້​ໄຂບັນ​ຫາ​ຢ່າງ​ຈິງ​ຈັງ ແລະ ​ມີ​ຜົນ​ສຳ​ເລັດ​ໃນ​ຫຼາຍ​ດ້ານ ເປັນ​ຕົ້ນມີ​ສະ​ຖຽນ​ລະ​ພາບ​ທາງ​ດ້ານ​ການ​ເມືອງ, ມີ​ຄວາມ​ສະ​ຫງົບ​ເປັນ​ລະ​ບຽບ​ຮຽບ​ຮ້ອຍ​ໃນ​ທົ່ວ​ສັງ​ຄົມ, ເສດ​ຖະ​ກິດ​ໄດ້​ຮັບ​ການ​ພັດ​ທະ​ນາ​ຢ່າງ​ຕໍ່​ເນື່ອງ, ສ່ວນ​ບັນ​ດາ​ປະ​ກົດ​ການ​ຫຍໍ້​ທໍ້​ໃນ​ສັງ​ຄົມກໍ​ໄດ້​ຮັບ​ການ​ແກ້​ໄຂເຊັ່ນ: ການ​ປະ​ຕິ​ບັດ​ຄຳ​ສັ່ງ​ເລກ​ທີ 15/ນຍ ເຫັນ​ວ່າ​ສ່ວນ​ຫຼວງ​ຫຼາຍ​ແມ່ນ​ໄດ້​ດີ, ອີກ​ຢ່າງ ການ​ປະ​ຕິ​ບັດ​ວິ​ໄນຕໍ່​ພະ​ນັກ​ງານ​ສະ​ມາ​ຊິກ​ພັກ​ຜູ້​ກະ​ທຳ​ຜິດ​ລະ​ບຽບໃນ​ແຕ່​ລະ​ດ້ານ ກໍເຫັນ​ວ່າ​ໄດ້​ປະ​ຕິ​ບັດ​ຢ່າງ​ຕໍ່​ເນື່ອງ ແລະ​ ມີ​ການກວດ​ກາ​ຫຼາຍ​ຂຶ້ນ, ອັນ​ທີ່​ຍັງ​ອ່ອນ​ອີກ​ອັນ​ໜຶ່ງ ເຫັນ​ວ່າພະ​ນັກ​ງານ​ສ່ວນ​ຫຼາຍການ​ຮ່ຳ​ຮຽນ​ຢາກ​ໄດ້​ແຕ່​ໃບ​ປະ​ກາ​ສະ​ນີ​ຍະ​ບັດ ແຕ່ບໍ່​ຄຳ​ນຶງ​ເຖິງ​ຄວາມ​ຮູ້ຄວາມ​ສາ​ມາດ ​ເມື່ອ​ມາ​ເຮັດ​ວຽກ​ຕົວ​ຈິງ ຊ້ຳ​ພັດ​ພົບ​ຂໍ້​ຫຍຸ້ງຍາກ, ຕໍ່​ກັບພະ​ນັກ​ງານ​ທີ່​ເຮັດ​ວຽກ​ງານ​ບໍ​ລິ​ການກໍ​ຍັງ​ເຮັດ​ບໍ່​ໄດ້​ດີເຮັດ​ພຽງ​ເອົາ​ໜ້າ. ດັ່ງ​ນັ້ນ ທ່ານ​ຝາກ​ເຖິງ​ທຸກ​ພາກ​ສ່ວນຈົ່ງ​ພ້ອມ​ກັນ​ນຳ​ໃຊ້​ຄວາມ​ຮູ້ຄວາມ​ສາ​ມາດ​ໃນ​ການ​ພັດ​ທະ​ນາ​ວຽກ​ງານ​ຂອງ​ຕົນ​ໃຫ້​ມີ​ປະສິດທິພາບ, ປະກອບສ່ວນ​ເຂົ້າ​ໃນ​ການ​ພັດທະນາ​ປະ​ເທດ​ຊາດ​ມີ​ຄວາມ​ຈະ​ເລີ​ນສີວິ​ໄລ.

                ນອກ​ນີ້ ທ່ານຍັງ​ໄດ້​ເນັ້ນ​ໜັກ​ໃຫ້​ຄະ​ນະ​ພັກ​ທຸກ​ຂັ້ນຂອງ​ແຂວງ​ສະ​ຫວັນ​ນະ​ເຂດ​ເອົາ​ໃຈ​ໃສ່ຕໍ່​ການ​ດຳ​ເນີນກອງ​ປະ​ຊຸມ​ໃຫຍ່ 3 ຂັ້ນ ໂດຍ​ສະ​ເພາະ​ກອງ​ປະ​ຊຸມ​ໃຫຍ່ ຄັ້ງ​ທີ IX ຂອງ​ອົງ​ຄະ​ນະ​ພັກ​ແຂວງ​ສະ​ຫວັນ​ນະ​ເຂດ ທີ່​ຈະ​ເປີດ​ຂຶ້ນ​ໃນ​ກາງ​ປີ 2020 ຈະ​ມາ​ເຖິງ​ນີ້​ໃຫ້​ມີ​ຄຸນ​ນະພາ​ບ. ດັ່ງ​ນັ້ນ ບົດ​ລາຍ​ງານ​ການ​ເມືອງຂອງ​ຄະ​ນະ​ພັກ​ແຕ່​ລະ​ຂັ້ນຕ້ອງ​ໃຫ້​​ແທດ​ເໝາະ​ກັບ​ຄວາມ​ຈິງ ມີ​ການ​ວິ​ເຄາະ, ວິ​​ໄຈ​ເນື້ອ​ໃນ​ບັນ​ຫາ, ບົດ​ຮຽນ​ໃນ​ດ້ານ​ຕ່າງໆ ເພື່ອ​ມາ​ປຽບ​ທຽບ​ກັບ​ໜ້າ​ທີ່​ວຽກ​ງານທີ່​ໄດ້​ປະ​ຕິ​ບັດ​ຜ່ານ​ມາ, ສ່ວນ​ໂຄງ​ປະ​ກອບ​ດ້ານ​ບຸກ​ຄະ​ລາ​ກອນ ຕ້ອງ​ມີ​ການ​ຄັດ​ເລືອກ ເຊິ່ງ​ໃນ​ນັ້ນໄດ້​ແບ່ງ​ອອກ​ເປັນ 3 ຮຸ່ນ​ຄື: ຮຸ່ນ​ອາ​ວຸ​ໂສ, ຮຸ່ນ​ກາງ ແລະ​ ຮຸ່ນ​ໜຸ່ມ, ສຳ​ລັບ​ສັດ​ສ່ວນ​ໃນ​ແຕ່​ລະ​ຮຸ່ນກໍ​ຕ້ອງ​ເບິ່ງວ່າ: ຮຸ່ນ​ກາງ ແລະ​ຮຸ່ນ​ໜຸ່ມຄວນ​ຈະ​ມີ​ອັດ​ຕາ​ສ່ວນ​ຫຼາຍ​ກວ່າ​ຮຸ່ນ​ອາ​ວຸ​ໂສ, ໃນ​ນັ້ນ ໃຫ້​ເບິ່ງ​ທັງ​ຄວາມ​ຮູ້, ຄວາມ​ສາ​ມາດ ແລະ ​ປະ​ສົບ​ການ ຫຼີກ​ລ້ຽງ​ຄົນ​ເຈົ້າຄົນ​ຂ້ອຍ, ຍາດ​ພີ່​ນ້ອງ, ຄົນ​ໃກ້ຊິດ ເຊິ່ງ​ຈະ​ກໍ່​ໃຫ້​ເກີດ​ມີຂໍ້​ຂັດ​ແຍ່ງ​ໃນ​ຫຼາຍ​ດ້ານ ເຮັດ​ໃຫ້​ການ​ຊີ້​ນຳ-ນຳ​ພາ​ພົບ​ຂໍ້​ຫຍຸ້ງ​ຍາກ. ບັນ​ຫານີ້​ຕ້ອງ​ຝາກ​ເຖິງ​ຄະ​ນະ​ພັກ​ທຸກ​ຂັ້ນຕ້ອງ​ເອົາ​ໃຈ​ໃສ່ ເພື່ອ​ໃຫ້​ໄດ້​ບຸກ​ຄະ​ລາ​ກອນ​ທີ່​ມີ​ຄຸ​ນນະ​ພາບ.

ຮອງ​ປະທານ​ປະ​ເທດ ເນັ້ນ​ໃຫ້​ແຂວງ​ສະ​ຫວັນ​ນະ​ເຂດເອົາ​ໃຈ​ໃສ່​ໂຄງ​ປະ​ກອບ​ບຸກ​ຄະ​ລາ​ກອນ - lattana 1 - ຮອງ​ປະທານ​ປະ​ເທດ ເນັ້ນ​ໃຫ້​ແຂວງ​ສະ​ຫວັນ​ນະ​ເຂດເອົາ​ໃຈ​ໃສ່​ໂຄງ​ປະ​ກອບ​ບຸກ​ຄະ​ລາ​ກອນ
error: Content is protected !!