ເປີດຫໍພິພິທະພັນວຽງຈັນສິລະປະຮ່ວມສະໄໝ

ເປີດຫໍພິພິທະພັນວຽງຈັນສິລະປະຮ່ວມສະໄໝ - advert banner 728 90 728x90 - ເປີດຫໍພິພິທະພັນວຽງຈັນສິລະປະຮ່ວມສະໄໝ

ພິທີເປີດຫໍພິພິທະພັນວຽງຈັນສິລະປະຮ່ວມສະໄໝ​ ໄດ້​ຈັດ​ຂຶ້ນ​ໃນ​ວັນ​ທີ 20 ກຸມພາ​ນີ້ ຢູ່​ນະຄອນຫລວງ​ວຽງຈັນ, ໂດຍການ​ເຂົ້າ​ຮ່ວມຂອງ ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫລວງ, ທ່ານນາງ ນາລີ ສີສຸລິດ ພັນລະຍາທ່ານນາຍົກລັດຖະມົນຕີ ແຫ່ງ ສປປ ລາວ, ທ່ານ ບົວສອນ ບຸບຜາວັນ ອະດີດນາຍົກລັດຖະມົນຕີ ແຫ່ງ ສປປ ລາວ, ທ່ານ ສົມສະຫວາດ ເລັ່ງສະຫວັດ ອະດີດຮອງນາຍົກລັດຖະມົນຕີ ແຫ່ງ ສປປ ລາວ ເຂົ້າຮ່ວມນໍາ​ດ້ວຍ.

ທ່ານ ພິຊິດ ໄຊຍະທິດ ປະທານ ຫໍພິພິທະພັນວຽງຈັນຮ່ວມສະໄໝ ໄດ້ມີ​ຄໍາ​ເຫັນ​ໃນ​ພິທີວ່າ: ຮູ້ສຶກພູມໃຈທີ່ຈະໄດ້ເປັນສ່ວນໜຶ່ງໃນການປະກອບສ່ວນສ້າງສີສັນ, ສ້າງແຮງບັນດານໃຈ ແລະ ປະກອບສ່ວນເຂົ້າໃນການສົ່ງເສີມວຽກງານການທ່ອງທ່ຽວຂອງລາວ, ​ເຊິ່ງຫໍພິພິທະ​ພັນ​ດັ່ງກ່າວ ​ໄດ້ນໍາເອົາຜົນງານທີ່ສະສົມມາເປັນເວລາຫລາຍສິບປີ ດ້ວຍຄວາມມັກ-ຄວາມຮັກ ແລະ ຄວາມຫລົງໄຫລໃນທໍາມະຊາດ ປະສົມປະສານກັບຈິນຕະນາການ ແລະ ແນວຄິດ ຂອງນັກອອກແບບ, ນັກວິຈິດສິນ ແລະ ນັກແກະສະຫລັກອັນປານີດ ຈໍານວນຫລາຍພັນຜົນງານມາວາງສະແດງ ທັງຮັກສາໄວ້ໃຫ້ຄົນລາວ ແລະ ຊາວຕ່າງປະເທດໄດ້ມາທ່ຽວຊົມ.

ຫໍພິພິທະພັນ​ດັ່ງກ່າວ, ເປັນພິພິທະພັນໄມ້ແກະສະຫລັກຮູບຊົງຕ່າງໆ ເຊິ່ງຖືກສ້າງຂຶ້ນຈາກແຮງບັນດານໃຈ ໃນການຄືນຄຸນຄ່າຂອງໄມ້ ໂດຍການນໍາໃຊ້ຈິດປັນຍາ ແລະ ສີມືຂອງຄົນລາວ ໃນການແກະສະຫລັກລວດລາຍຕ່າງໆທີ່ສະທ້ອນໃຫ້ເຫັນເຖິງວັດທະນະທໍາ, ຮີດຄອງປະເພນີດັ້ງເດີມຂອງລາວ ແລະ ເປັນເອກະລັກຢູ່ຄູ່ຊາວ​ລາວ​ເຮົາ​ມາແຕ່ໃດໆມາ. 

ເປີດຫໍພິພິທະພັນວຽງຈັນສິລະປະຮ່ວມສະໄໝ - lattana 1 - ເປີດຫໍພິພິທະພັນວຽງຈັນສິລະປະຮ່ວມສະໄໝ
ເປີດຫໍພິພິທະພັນວຽງຈັນສິລະປະຮ່ວມສະໄໝ - 1 1 - ເປີດຫໍພິພິທະພັນວຽງຈັນສິລະປະຮ່ວມສະໄໝ

ສຳລັບ​ຜະລິດຕະພັນທີ່ນໍາມາວາງສະແດງໃນຫໍພິພິດທະພັນແຫ່ງນີ້ປະ ກອບມີ ງານສິລະປະຈາກໄມ້ທີ່ຖືກຄວັດ, ແກະສະຫລັກ, ລວດລາຍຕ່າງໆ, ຮູບປັ້ນຂອງພະພຸດທະຮູບອັນເປັນມິ່ງຂວັນຂອງຊາວລາວ ທີ່ໄດ້ຮັບການປັ້ນ, ຫລໍ່ ຢ່າງປານີດ ແລະ ບັນດາຮູບແຕ້ມທີ່ສື່ໃຫ້ເຫັນເຖິງ ການດໍາລົງຊີວິດຂອງ​ປະຊາຊົນ​ໃນແຕ່ລະຊົນເຜົ່າຂອງລາວ ລວມທັງປະເພນີຂອງບັນດາ​ປະ​ເທດ​ໃນ ກຸ່ມອາຊຽນອີກດ້ວຍ ​ເຊິ່ງຫໍພິພິທະ​ພັນ​​ແຫ່ງ​ນີ້ ຕັ້ງ​ຢູ່ບ້ານ​ຊ້າງ​ຄູ ​ເມືອງ​ໄຊ​ທານີ ນະຄອນຫລວງ​ວຽງຈັນ.

error: Content is protected !!