ສູນສົ່ງເສີມ ຜະລິດຕະພັນລາວປອດສານພິດ ຕິດພັນກັບການສົ່ງເສີມສຸຂະພາບທີ່ດີຂອງຄົນລາວ

ສູນສົ່ງເສີມ ຜະລິດຕະພັນລາວປອດສານພິດ ຕິດພັນກັບການສົ່ງເສີມສຸຂະພາບທີ່ດີຂອງຄົນລາວ - DSC05413 - ສູນສົ່ງເສີມ ຜະລິດຕະພັນລາວປອດສານພິດ ຕິດພັນກັບການສົ່ງເສີມສຸຂະພາບທີ່ດີຂອງຄົນລາວ
ສູນສົ່ງເສີມ ຜະລິດຕະພັນລາວປອດສານພິດ ຕິດພັນກັບການສົ່ງເສີມສຸຂະພາບທີ່ດີຂອງຄົນລາວ - Untitled design - ສູນສົ່ງເສີມ ຜະລິດຕະພັນລາວປອດສານພິດ ຕິດພັນກັບການສົ່ງເສີມສຸຂະພາບທີ່ດີຂອງຄົນລາວ

      ສູນສົ່ງເສີມ ຜະລິດຕະພັນລາວ ປອດສານພິດ ເປັນສູນຜະລິດສິນຄ້າທີ່ນຳໃຊ້ວັດຖຸດິບຈາກພືດພັນທີ່ມີຢູ່ພາຍໃນປະເທດ ແລະໃຊ້ຕຳລາຈາກພູມປັນຍາຂອງບັນພະບູລຸດລາວເຮົາເພື່ອນຳໃຊ້ເຂົ້າໃນການປຸງແຕ່ງຮ້ອຍເປີເຊັນ ແລະກາຍເປັນສິນຄ້າທີ່ດີມີຄຸນນະພາບ, ໄດ້ຮັບຄວາມໄວ້ວາງໃຈຈາກຄົນລາວ ແລະຕ່າງປະເທດເປັນຈຳນວນຫລາຍ.

    ທ່ານຄຳສິງ ສີຫາເທບ ຜູ້ອຳນວຍການສູນດັ່ງກ່າວ ໃຫ້ຮູ້ວ່າ: ສູນສົ່ງເສີມຜະລິດຕະພັນ ສິນຄ້າປອດສານພິດ ສ້າງຕັ້ງຂຶ້ນມາແຕ່ປີ 2004 ທີ່ບ້ານວຽງຈະເລີນ ເມືອງໄຊເຊດຖາ ນະຄອນຫລວງວຽງຈັນ ແລະຢູ່ຄຽງຄູ່ກັບສັງຄົມລາວຈົນມາເຖິງປັດຈຸບັນ. ແຮງຈູງໃຈອັນທຳອິດທີ່ເຮັດໃຫ້ມີສູນດັ່ງກ່າວນີ້ ແມ່ນຍ້ອນການຫັນຈາກທຳມະຊາດໃຫ້ກາຍເປັນສິນຄ້າ ເພິ່ງຕົນເອງກຸ້ມຕົນເອງ ຕາມນະໂຍບາຍຂອງພັກ ແລະລັດຖະບານເຮົາວາງອອກ, ເພື່ອແນໃສ່ເຮັດໃຫ້ຊີວິດການເປັນຢູ່ຂອງປະຊາຊົນໄດ້ຮັບການພັດທະນາດີຂຶ້ນ, ຄຽງຄູ່ການຮັກສາສູດຕຳລາທີ່ເປັນພູມປັນຍາຂອງບັນພະບູລຸດລາວບໍ່ໃຫ້ເສຍປະໂຫຍດໄປລ້າໆ ແລະສິ່ງສຳຄັນສຸດຄືຢາກສົ່ງເສີມຜະລິດຕະພັນພາຍໃນໃຫ້ຫລາກຫລາຍ ເຮັດໃຫ້ຄົນລາວໄດ້ຊົມໃຊ້ຜະລິດຕະພັນຂອງຄົນລາວທີ່ປອດສານພິດ ແລະມີສຸຂະພາບທີ່ດີ.

    ຕະຫລອດໄລຍະ 15 ປີຜ່ານມາ, ທາງສູນໄດ້ເອົາໃຈໃສ່ຄົ້ນຄວ້າຜະລິດຕະພັນອອກມາແລ້ວ 100 ລາຍການ ເຊິ່ງແບ່ງອອກເປັນ 5 ໝວດຄື: ຜະລິດຕະພັນຮັບໃຊ້ໃນຄົວເຮືອນເຊັ່ນ: ນໍ້າຢາລ້າງຈານ, ນໍ້າຢາລ້າງຫ້ອງນໍ້າ, ນໍ້າຢາຊັກຜ້ານຸ່ມ, ສະບູອາບນໍ້າ. ໝວດທີ 2 ແມ່ນຜະລິດຕະພັນເພື່ອສຸຂະພາບເຊັ່ນ: ຊາບຳລຸງໝາກໄຂ່ຫລັງ, ຊາ  ໝາກຍໍ, ຊາໝາກຂາມປ້ອມ, ຊາຜັກອີ່ຮຸມ, ກາເຟເຫັດໝື່ນປີ ແລະຢາບຳລຸງທີ່ເຮັດຈາກເຫັດໝື່ນປີຊະນິດແຄັບຊູນອີກດ້ວຍ. ໝວດທີ 3 ແມ່ນຜະລິດຕະພັນຮັບໃຊ້ກະສິກຳ ເຊັ່ນ: ນໍ້າຢາປ້ອງກັນສັດຕູພຶດ, ປຸ໋ຍຊີວະພາບອັດເມັດ. ໝວດທີ 4 ຜະລິດຕະພັນນວດແຜນບູຮານ ແລະໝວດທີ 5 ແມ່ນຜະລິດຕະພັນພະລັງງານຊີວະພາບ ໂດຍຜະລິດຈາກນໍ້າມັນໝາກເຍົາ, ນໍ້າມັນປາມ ແລະອື່ນໆ. ຜະລິດທີ່ໄດ້ຮັບຄວາມນິຍົມທີ່ສຸດໃນປັດຈຸບັນແມ່ນຜະລິດຕະພັນເພື່ອສຸຂະພາບຈາກເຫັດໝື່ນປີ ທັງເປັນແບບແຄັບຊູນ, ຊາ ແລະກາເຟ ໂດຍຜູ້ຕ້ອງການສາມາດເລືອກບໍລິໂພກໄດ້..

    ຜູ້ອຳນວຍການສູນດັ່ງກ່າວໃຫ້ຮູ້ອີກວ່າ: ທາງສູນ ແມ່ນໃຊ້ກົນໄກການຜະລິດທີ່ຕິດພັນກັບການສົ່ງເສີມກະສິກຳຂອງຊາວບ້ານ ໂດຍມອບໃຫ້ຊາວບ້ານເປັນຜູ້ປູກພືດທີ່ມີຄວາມຈຳເປັນຕໍ່ການນຳໃຊ້ເຂົ້າໃນການຜະລິດເຊັ່ນ: ໝາກຍໍ, ໝາກເຍົາ, ງາດຳ, ໝາກຂີ້ຫູດ, ກົກມອນ, ຫວ້ານ ແລະອື່ນໆ ພາຍໃຕ້ການແນະນຳຂອງສູນ ໂດຍບໍ່ໃຫ້ໃສ່ປຸ໋ຍເຄມີໃດໆ ເພື່ອໃຫ້ຜົນຜະລິດທີ່ປອດສານພິດ.

ສູນສົ່ງເສີມ ຜະລິດຕະພັນລາວປອດສານພິດ ຕິດພັນກັບການສົ່ງເສີມສຸຂະພາບທີ່ດີຂອງຄົນລາວ - Wave100S AD to Website 2020 0 - ສູນສົ່ງເສີມ ຜະລິດຕະພັນລາວປອດສານພິດ ຕິດພັນກັບການສົ່ງເສີມສຸຂະພາບທີ່ດີຂອງຄົນລາວ

    ເຊິ່ງໃນຕໍ່ໜ້ານີ້ ສູນມີແຜນການຂະຫຍາຍສາຂາຈຳໜ່າຍໄປທຸກໆແຂວງໃນທົ່ວປະເທດ ແລະສົ່ງອອກຈຳໜ່າຍຢູ່ຕ່າງປະເທດອີກຈຳນວນໜຶ່ງ ແລະຄຽງຄູ່ກັນນັ້ນ ທາງສູນຍັງຈະເພີ່ມທະວີການຄົ້ນຄວ້າພັດທະນາຜະລິດຕະພັນໃຫ້ມີຄວາມຫລາກຫລາຍ ໄດ້ມາດຕະຖານສາກົນ ບົນພື້ນຖານຄວາມເປັນເອກະລັກຂອງລາວເຮົາ.

ສູນສົ່ງເສີມ ຜະລິດຕະພັນລາວປອດສານພິດ ຕິດພັນກັບການສົ່ງເສີມສຸຂະພາບທີ່ດີຂອງຄົນລາວ - WhatsApp Image 2020 05 27 at 5 - ສູນສົ່ງເສີມ ຜະລິດຕະພັນລາວປອດສານພິດ ຕິດພັນກັບການສົ່ງເສີມສຸຂະພາບທີ່ດີຂອງຄົນລາວ
ສູນສົ່ງເສີມ ຜະລິດຕະພັນລາວປອດສານພິດ ຕິດພັນກັບການສົ່ງເສີມສຸຂະພາບທີ່ດີຂອງຄົນລາວ - WhatsApp Image 2020 05 27 at 5 - ສູນສົ່ງເສີມ ຜະລິດຕະພັນລາວປອດສານພິດ ຕິດພັນກັບການສົ່ງເສີມສຸຂະພາບທີ່ດີຂອງຄົນລາວ
error: Alert: ເນື້ອຫາຂ່າວມີລິຂະສິດ !!