ໂມດຣິດ ເລືອກແລ້ວຢູ່ ຫລື ໄປຈາກ ຣີລ ມາດຣິດ

ໂມດຣິດ ເລືອກແລ້ວຢູ່ ຫລື ໄປຈາກ ຣີລ ມາດຣິດ - news201902221452269 - ໂມດຣິດ ເລືອກແລ້ວຢູ່ ຫລື ໄປຈາກ ຣີລ ມາດຣິດ
ໂມດຣິດ ເລືອກແລ້ວຢູ່ ຫລື ໄປຈາກ ຣີລ ມາດຣິດ - Untitled design - ໂມດຣິດ ເລືອກແລ້ວຢູ່ ຫລື ໄປຈາກ ຣີລ ມາດຣິດ

      ມາ​ກ້າ ສື່​ຂອງ​ນະຄອນຫລວງ​ມາດຣິດ ລາຍ​ງານ​ວ່າ: ຣີລ ມາດຣິດ ກັບ ລູກ້າ ​ໂມ​ດຣິດ ບັນລຸ​ຂໍ້​ຕົກລົງ​ເລື່ອງ​ການ​ຕໍ່​ສັນຍາ​ກັນ​ແລ້ວ ​ໂດຍ​ຈະ​ຜົນ​ໄປ​ຮອດ​ເດືອນ​ມິຖຸນາ​ 2021.

      ຣີລ ມາດຣິດ ສະ​ໂມ​ສອນ​ຍັກ​ໃຫຍ່​ແຫ່ງ​ວົງ​ການ ລາ​ ລີ​ກາ ສະ​ເປ​ນ ບັນລຸ​ຂໍ້​ຕົກລົງ​ໃນ​ການ​ຕໍ່​ສັນຍາ​ກັບ ລູກ້າ ​ໂມ​ດຣິດ ກອງ​ກາງ​ຊາວ​ໂຄຣ​ເອ​ເຊຍ​ແລ້ວ.

       ນັບ​ແຕ່​ຍ້າຍ​ມາ​ຈາກ ທ໊ອດ​ແນມ ຮ໊ອດສະ​ເປີ ​ໃນ​ປີ 2012 ​ໂມ​ດຣິດ ກໍ​ກາຍ​ເປັນ​ກຳລັງ​ສຳຄັນ​ຂອງ​ທີ​ມມາ​ໂດຍ​ຕະຫລອດ ​ແລະ ລາວ​ກໍ​ສ້າງ​ຜົນງານ​ໄດ້​ສຸດ​ຍອດ​ຈົນ​ເຖິງ​ຂັ້ນ​ໄດ້​ຮັບ​ລາງວັນ​ຫລາຍ​ລາງວັນ​ເຊັ່ນ: ລາງວັນ​ນັກ​ເຕະ​ຊາຍ​ດີ​ເດັ່ນ​ຂອງ​ສະຫະພັນ​ບານ​ເຕະ​ນາໆ​ຊາດ (ຟີ​ຟາ) ກັບລາງວັນ ບັນ​ລົງ ດໍ ຄັ້ງຫລ້າ​ສຸດ ​ເປັນຕົ້ນ.

       ​ເຖິງ​ຢ່າງ​ໃດ​ກໍ​ຕາມ ກ່ອນ​ໜ້າ​ນີ້​ມີ​ກະ​ແສ​ຂ່າວ​ວ່າ: ອິນ​ເຕີ ມິ​ລານ ສົນ​ໃຈ​ຈະ​ດຶງ​ນັກ​ເຕະ​ໄວ 33 ປີ ​ໄປ​ຮ່ວມ​ທັບ ຫລັງ​ຈາກ​ລື​ກັນ​ວ່າ: ​ໂມ​ດຣິດ ບໍ່​ມີ​ຄວາມສຸກ​ກັບ​ການ​ຫລິ້ນ​ໃຫ້ ຣີລ ມາດຣິດ ​ເທົ່າ​ໃດ ​ແລະ ການ​ຍ້າຍ​ໄປ​ຢູ່​ກັບ ອິນ​ເຕີ ຈະ​ຍັງ​ຊ່ວຍ​ໃຫ້​ລາວ​ໄດ້​ຫລິ້ນກັບ​ເພ່ືອນ​ຮ່ວມ​ຊາດ​ຄື ອິວານ ​ເປຣິຊິ, ມາ​ເຊ​ໂລ ​ໂບຣ​ໂຊ​ວິດ ​ແລະ ຊິ​ເມ ​ເວີ​ຊັລ​ໂກ້.

ໂມດຣິດ ເລືອກແລ້ວຢູ່ ຫລື ໄປຈາກ ຣີລ ມາດຣິດ - Wave100S AD to Website 2020 0 - ໂມດຣິດ ເລືອກແລ້ວຢູ່ ຫລື ໄປຈາກ ຣີລ ມາດຣິດ

       ຫລ້າ​ສຸດ ມາ​ກາ ລະບຸ​ວ່າ ຄວາມ​ຈິງ​ແລ້ວ ​ໂມ​ດຣິດ ບໍ່​ເຄີຍ​ຄິດ​ຈະ​ຍ້າຍ​ທີ​ມພຽງ​ແຕ່​ໜ້ອຍ​ດຽວ ​ແລະ ຫລ້າ​ສຸດ​ທັງ​ສອງ​ຝ່າຍ​ຕົກລົງ​​ເລື່ອງ​ສັນຍາ​ສະບັບ​ໃໝ່​ກັນ​ໄດ້​ແລ້ວ ​ໂດຍ​ຈະ​ມີ​ຜົນ​ເຖິງ​ວັນ​ທີ 30 ມິຖຸນາ 2021 ​ໂດຍ​ມິດ​ຟິລຄົນ​ເກັ່ງ​ຫວັງ​ວ່າ​ຈະ​ໄດ້​ຢູ່​ກັບ​ທີ​ມ​ໄປ​ຈົນ​ຈົບ​ອາຊີບ. ຂະນະ​ທີ່ ຣີລ ມາດຣິດ ກໍ​ຢາ​ກ​​ໃຫ້​ມັນ​ເປ​ັນ​ແບບ​ນັ້ນ​ເຊັ່ນ​ກັນ.

ໂມດຣິດ ເລືອກແລ້ວຢູ່ ຫລື ໄປຈາກ ຣີລ ມາດຣິດ - WhatsApp Image 2020 05 27 at 5 - ໂມດຣິດ ເລືອກແລ້ວຢູ່ ຫລື ໄປຈາກ ຣີລ ມາດຣິດ
ໂມດຣິດ ເລືອກແລ້ວຢູ່ ຫລື ໄປຈາກ ຣີລ ມາດຣິດ - WhatsApp Image 2020 05 27 at 5 - ໂມດຣິດ ເລືອກແລ້ວຢູ່ ຫລື ໄປຈາກ ຣີລ ມາດຣິດ
error: Alert: ເນື້ອຫາຂ່າວມີລິຂະສິດ !!