ສະຫາຍ ຫງວຽນຟູຈ້ອງ ເລຂາທິ ການໃຫຍ່, ປະທານປະເທດແຫ່ງ ສສ ຫວຽດນາມ ຢ້ຽມຢາມສັນ ຖະວະໄມຕີ ສປປ ລາວ ຢ່າງເປັນທາງການ

ສະຫາຍ ຫງວຽນຟູຈ້ອງ ເລຂາທິ ການໃຫຍ່, ປະທານປະເທດແຫ່ງ ສສ ຫວຽດນາມ ຢ້ຽມຢາມສັນ ຖະວະໄມຕີ ສປປ ລາວ ຢ່າງເປັນທາງການ - advert banner 728 90 728x90 - ສະຫາຍ ຫງວຽນຟູຈ້ອງ ເລຂາທິ ການໃຫຍ່, ປະທານປະເທດແຫ່ງ ສສ ຫວຽດນາມ ຢ້ຽມຢາມສັນ ຖະວະໄມຕີ ສປປ ລາວ ຢ່າງເປັນທາງການ
ສະຫາຍ ຫງວຽນຟູຈ້ອງ ເລຂາທິ ການໃຫຍ່, ປະທານປະເທດແຫ່ງ ສສ ຫວຽດນາມ ຢ້ຽມຢາມສັນ ຖະວະໄມຕີ ສປປ ລາວ ຢ່າງເປັນທາງການ - Laos vietnam - ສະຫາຍ ຫງວຽນຟູຈ້ອງ ເລຂາທິ ການໃຫຍ່, ປະທານປະເທດແຫ່ງ ສສ ຫວຽດນາມ ຢ້ຽມຢາມສັນ ຖະວະໄມຕີ ສປປ ລາວ ຢ່າງເປັນທາງການ

ຕອບສະໜອງຕາມຄຳເຊີນຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ, ສະຫາຍ ຫງວຽນຟູຈ້ອງ ເລຂາທິການໃຫຍ່ຄະນະບໍລິຫານງານສູນ ກາງພັກກອມມູນິດຫວຽດນາມ, ປະທານປະເທດແຫ່ງສາທາລະນະລັດສັງຄົມນິຍົມ ຫວຽດນາມ, ໄດ້ເດີນທາງມາ ຢ້ຽມຢາມ ສັນຖະວະໄມຕີ ສປປ ລາວ ຢ່າງເປັນທາງ ການແຕ່ວັນທີ 24-25 ກຸມພາ ນີ້. ພິທີຕ້ອນຮັບສະຫາຍ ຫງວຽນຟູຈ້ອງ ໄດ້ຈັດຂຶ້ນຢ່າງ ສົມກຽດທີ່ທຳນຽບປະທານ ປະເທດ, ໂດຍມີສະຫາຍ ບຸນ ຍັງ ວໍລະຈິດ ແລະ ບັນດາການ ນຳຂັ້ນສູງຂອງລາວເຂົ້າຮ່ວມ ຢ່າງພ້ອມພຽງ. ຈາກນັ້ນ, ໄດ້ດຳເນີນການພົບປະສອງຝ່າຍ ໂດຍສະຫາຍ ບຸນຍັງ ວໍລະຈິດ ໄດ້ກ່າວສະແດງຄວາມຍິນດີ ຕ້ອນຮັບ ແລະ ຕີລາຄາສູງ ທີ່ສະຫາຍ ຫງວຽນຟູຈ້ອງ ໄດ້ເລືອກເອົາ ສປປ ລາວ ເປັນປະເທດທຳອິດໃນການ ເຄື່ອນໄຫວຕ່າງປະເທດ, ພາຍ ຫລັງຖືກເລືອກຕັ້ງເປັນເລຂາ ທິການໃຫຍ່, ປະທານປະເທດ ສສ ຫວຽດນາມ ມາຢ້ຽມຢາມ ສັນຖະວະໄມຕີ ສປປ ລາວ ຢ່າງເປັນທາງການ, ເຊິ່ງໄດ້ນໍາ ເອົາໄມຕີຈິດມິດຕະພາບ ແລະ ຄວາມຮັກແພງທີ່ເຕັມໄປດ້ວຍ ຈິດໃຈອັນດູດດື່ມ, ຄວາມສະ ໜິດສະໜົມຖານສະຫາຍອ້າຍ ນ້ອງ ແລະ ຄວາມສາມັກຄີພິ ເສດຈາກພັກ-ລັດ ແລະ ປະ ຊາຊົນຫວຽດນາມອ້າຍນ້ອງ ມາສູ່ພັກ-ລັດ ແລະ ປະຊາຊົນລາວ. ການຢ້ຽມຢາມຄັ້ງນີ້ ເປັນການປະກອບສ່ວນສຳ ຄັນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບ ອັນຍິ່ງໃຫຍ່, ຄວາມສາມັກຄີ ແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງ ຊາດລາວ-ຫວຽດນາມ ທີ່ ປະທານ ໂຮ່ຈິມິນ ຜູ້ຍິ່ງໃຫຍ່, ປະທານ ໄກສອນ ພົມວິຫານ ແລະ ປະທານ ສຸພານຸວົງ ທີ່ ເຄົາລົບຮັກເປັນຜູ້ສ້າງ, ຖະນຸ ຖະໜອມ ແລະ ໄດ້ຮັບການ ເສີມຂະຫຍາຍໂດຍບັນດາ ການນຳຮຸ່ນຕ່າງໆ, ບັນດານັກ ຮົບປະຕິວັດ ແລະ ປະຊາຊົນ ສອງປະເທດ ອັນໄດ້ກາຍ ເປັນມໍລະດົກລວມອັນລ້ຳຄ່າ ຂອງສອງຊາດ, ເປັນກົດເກນ ແຫ່ງການຄົງຕົວ ແລະ ຂະ ຫຍາຍຕົວຂອງສອງປະເທດ, ເປັນໜຶ່ງໃນປັດໃຈຕັດສິນໄຊ ຊະນະຂອງການປະຕິວັດ ຂອງແຕ່ລະປະເທດ. ໃນໂອກາດນີ້, ສະຫາຍ ຫງວຽນຟູຈ້ອງ ໄດ້ສະແດງ ຄວາມປິຕິຊົມຊື່ນເປັນຢ່າງຍິ່ງ ທີ່ໄດ້ນຳພາຄະນະຜູ້ແທນຂັ້ນ ສູງພັກ-ລັດຫວຽດນາມ ມາ ຢ້ຽມຢາມ ສັນຖະວະໄມຕີ ສປປ ລາວ ຢ່າງເປັນທາງ ການເປັນຄັ້ງທຳອິດ, ພາຍ ຫລັງທີ່ໄດ້ຮັບເລືອກຕັ້ງເປັນ ປະທານປະເທດແຫ່ງ ສສ ຫວຽດນາມ ໃນກອງປະຊຸມ ສະພາແຫ່ງຊາດເທື່ອທີ 6 (ສະໄໝທີ XIV) ໃນປີ 2018 ຜ່ານມາ, ເຊິ່ງເປັນການ ສະແດງເຖິງຄວາມມີຊີວິດຊີ ວາແຫ່ງສາຍພົວພັນມິດຕະ ພາບອັນເປັນມູນເຊື້ອ, ຄວາມ ສາມັກຄີພິເສດ, ການຮ່ວມມື ຮອບດ້ານລະຫວ່າງຫວຽດ ນາມ-ລາວ, ພ້ອມທັງສະແດງ ຄວາມຂອບອົກຂອບໃຈຢ່າງ ສູງຕໍ່ການຕ້ອນຮັບຢ່າງອົບ ອຸ່ນ, ສົມກຽດບົນນ້ຳໃຈໄມ ຕີຈິດມິດຕະພາບທີ່ຍິ່ງໃຫຍ່, ຄວາມສາມັກຄີພິເສດຖານສະ ຫາຍອ້າຍນ້ອງອັນສະໜິດສະ ໜົມຂອງບັນດາສະຫາຍການ ນຳຂັ້ນສູງພັກ-ລັດ ແລະ ປະ ຊາຊົນລາວ ທີ່ມີຕໍ່ຄະນະ. ການນຳຂັ້ນສູງຂອງ ສອງຝ່າຍໄດ້ແຈ້ງໃຫ້ກັນຊາບ ກ່ຽວກັບສະພາບການທີ່ພົ້ນ ເດັ່ນຂອງແຕ່ລະພັກ, ແຕ່ລະ ປະເທດ ນັບແຕ່ຕົ້ນສະໄໝຂອງ ກອງປະຊຸມໃຫຍ່ຂອງແຕ່ລະ ພັກເປັນຕົ້ນມາ, ຕີລາຄາການ ພົວພັນຮ່ວມມືລະຫວ່າງສອງ ພັກ, ສອງລັດ ໃນໄລຍະທີ່ຜ່ານ ມາ ແລະ ປຶກສາຫາລືທິດທາງ ການຮ່ວມມືໃນຕໍ່ໜ້າ ເພື່ອນຳ ເອົາການພົວພັນຮ່ວມມືແບບພິ ເສດລະຫວ່າງສອງພັກ, ສອງ ລັດ ແລະ ປະຊາຊົນສອງປະ ເທດກ້າວໄປສູ່ຈຸດສູງອັນໃໝ່, ໂດຍສະເພາະໄດ້ຕີລາຄາສູງຕໍ່ ຜົນສຳເລັດຮອບດ້ານ ກໍຄືຈັດ ຕັ້ງປະຕິບັດມະຕິກອງປະຊຸມ ໃຫຍ່ຂອງພັກຕົນ ແລະ ສະ ແດງຄວາມເຊື່ອໝັ້ນວ່າພາຍ ໃຕ້ການນຳພາອັນຖືກຕ້ອງ ຂອງພັກທັງສອງ, ພາລະກິດ ປ່ຽນແປງໃໝ່ຢູ່ແຕ່ລະປະເທດ ຈະສືບຕໍ່ມີຜົນສຳເລັດໃໝ່, ນຳເອົາປະເທດຊາດກ້າວຂຶ້ນ ຢ່າງໜັກແໜ້ນ, ໂດຍສະເພາະ ແມ່ນການປະຕິບັດມະຕິຂອງ ກອງປະຊຸມໃຫຍ່ຄັ້ງທີ X ຂອງພັກ ປປ ລາວ ແລະ ຄັ້ງທີ XII ຂອງພັກກອມມູນິດ ຫວຽດນາມ ເພື່ອກ້າວໄປສູ່ ການກະກຽມດຳເນີນກອງປະ ຊຸມໃຫຍ່ຄັ້ງຕໍ່ໄປຂອງພັກຕົນ ໃຫ້ປະສົບຜົນສຳເລັດຕົວຈິງ. ການນຳຂັ້ນສູງຂອງ ລາວ-ຫວຽດນາມ ໄດ້ສະແດງ ຄວາມຂອບໃຈ ແລະ ຮູ້ບຸນຄຸນ ເຊິ່ງກັນ ແລະ ກັນ ທີ່ໄດ້ໃຫ້ ການສະໜັບສະໜູນ ແລະ ຊ່ວຍເຫລືອເຊິ່ງກັນມາໂດຍຕະ ຫລອດ ທັງໃນໄລຍະຕໍ່ສູ້ກູ້ຊາດ ໃນເມື່ອກ່ອນ ແລະ ໃນພາລະ ກິດປົກປັກຮັກສາ ແລະ ສ້າງ ສາປະເທດຊາດໃນປັດຈຸບັນຢູ່ ແຕ່ລະປະເທດ. ພາຍຫລັງການພົບປະ ສອງຝ່າຍ, ສະຫາຍ ບຸນຍັງ ວໍລະຈິດ ແລະ ສະຫາຍ ຫງວຽນຟູຈ້ອງ ໄດ້ເຂົ້າຮ່ວມ ເປັນສັກຂີພິຍານພິທີລົງນາມ ເອກະສານຮ່ວມມືລະຫວ່າງ ສອງຝ່າຍຄື: ສັນຍາຮ່ວມມືລະ ຫວ່າງກະຊວງການເງິນລາວ ແລະ ກະຊວງການເງິນຫວຽດ ນາມວ່າດ້ວຍການກູ້ຢືມເງິນ, ສັນຍາວ່າດ້ວຍການຮ່ວມມື ພັດທະນາພະລັງງານໄຟຟ້າ ແລະ ບໍ່ແຮ່ ລະຫວ່າງ ລັດຖະ ບານລາວ ແລະ ຫວຽດນາມ, ຂໍ້ຕົກລົງລະຫວ່າງລັດຖະບານ ລາວ ແລະ ຫວຽດນາມ ວ່າ ດ້ວຍການຂຸດຄົ້ນທ່າແຮງບົ່ມ ຊ້ອນໃນການກໍ່ສ້າງທາງລົດ ໄຟວຽງຈັນ-ຫວຸງອາງ, ບົດ ບັນທຶກການຮ່ວມມືລະຫວ່າງ ກະຊວງຊັບພະຍາກອນທໍາມະ ຊາດ ແລະ ສິ່ງແວດລ້ອມລາວ ແລະ ກະຊວງຊັບພະຍາກອນ ທໍາມະຊາດ ແລະ ສິ່ງແວດ ລ້ອມ ຫວຽດນາມໃນຂົງເຂດ ຕ້ານການປ່ຽນແປງສະພາບ ດິນຟ້າອາກາດ ແລະ ອະນຸລັກ ຊີວະນາໆພັນ, ບົດບັນທຶກ ມອບ-ຮັບຖານຂໍ້ມູນຂ່າວສານ ພູມສັນຖານຮັບໃຊ້ການວາງ ແຜນພັດທະນາເສດຖະກິດສັງຄົມ ແລະ ຕິດຕາມຊັບພະ ຍາກອນທໍາມະຊາດ ແລະ ສິ່ງ ແວດລ້ອມຢູ່ລາວ ລະຫວ່າງ ກະຊວງພາຍໃນລາວ ແລະ ກະຊວງຊັບພະຍາກອນທໍາມະ ຊາດ ແລະ ສິ່ງແວດລ້ອມ ຫວຽດນາມ, ບົດບັນທຶກ ການຮ່ວມມືວ່າດ້ວຍຈັດຕັ້ງ ຜັນຂະຫຍາຍປ່ຽນຖ່າຍອຸປະ ກອນໃຫ້ແກ່ວິທະຍຸກະຈາຍ ສຽງແຫ່ງຊາດລາວ ລະຫວ່າງ ກະຊວງຖະແຫລງຂ່າວ, ວັດ ທະນະທຳ ແລະ ທ່ອງທ່ຽວ ລາວ ແລະ ວິທະຍຸກະຈາຍ ສຽງແຫ່ງຊາດຫວຽດນາມ, ບົດບັນທຶກມອບ-ຮັບໂຄງການ ສ້າງສູນບໍລິການເຕັກນິກກະສິ ກຳແຂວງຫົວພັນ ລະຫວ່າງ ລັດຖະບານລາວ ແລະ ລັດຖະ ບານຫວຽດນາມ, ຂໍ້ຕົກລົງ ລະຫວ່າງຄະນະຮັບຜິດຊອບ ພິພິທະພັນໄກສອນ ພົມວິຫານ ແລະ ກະຊວງວັດທະນະທຳ ແລະ ທ່ອງທ່ຽວຫວຽດນາມ ວ່າດ້ວຍການປະຕິບັດໂຄງ ການສ້ອມແປງ, ຍົກລະດັບອະ ນຸສອນສະຖານປະທານ ໂຮຈິມິນ ຢູ່ບ້ານຊຽງຫວາງ, ເມືອງໜອງບົກ ແຂວງຄຳ ມ່ວນ ແລະ ບົດບັນທຶກການ ມອບ-ຮັບໂຄງການເພີ່ມທະວີ ຄວາມອາດສາມາດໃນການ ຄົ້ນຄ້ວາວິທະຍາສາດ ແລະ ພັດທະນາເຕັກໂນໂລຊີ ໃຫ້ແກ່ ສະພາວິທະຍາສາດແຫ່ງຊາດ ລາວ ລະຫວ່າງສະພາວິທະ ຍາສາດແຫ່ງຊາດລາວ ແລະ ສະພາບັນດິດວິທະຍາສາດເຕັກໂນໂລຊີຫວຽດນາມ.

ສະຫາຍ ຫງວຽນຟູຈ້ອງ ເລຂາທິ ການໃຫຍ່, ປະທານປະເທດແຫ່ງ ສສ ຫວຽດນາມ ຢ້ຽມຢາມສັນ ຖະວະໄມຕີ ສປປ ລາວ ຢ່າງເປັນທາງການ - 1 1 - ສະຫາຍ ຫງວຽນຟູຈ້ອງ ເລຂາທິ ການໃຫຍ່, ປະທານປະເທດແຫ່ງ ສສ ຫວຽດນາມ ຢ້ຽມຢາມສັນ ຖະວະໄມຕີ ສປປ ລາວ ຢ່າງເປັນທາງການ
ສະຫາຍ ຫງວຽນຟູຈ້ອງ ເລຂາທິ ການໃຫຍ່, ປະທານປະເທດແຫ່ງ ສສ ຫວຽດນາມ ຢ້ຽມຢາມສັນ ຖະວະໄມຕີ ສປປ ລາວ ຢ່າງເປັນທາງການ - lattana 1 - ສະຫາຍ ຫງວຽນຟູຈ້ອງ ເລຂາທິ ການໃຫຍ່, ປະທານປະເທດແຫ່ງ ສສ ຫວຽດນາມ ຢ້ຽມຢາມສັນ ຖະວະໄມຕີ ສປປ ລາວ ຢ່າງເປັນທາງການ
error: Content is protected !!