ທ່ານ ທຣຳ ຈະຂະຫຍາຍເສັ້ນຕາຍ ຂຶ້ນພາສີຈີນ ເພາະເຈລະຈາຄືບໜ້າ

ທ່ານ ທຣຳ ຈະຂະຫຍາຍເສັ້ນຕາຍ ຂຶ້ນພາສີຈີນ ເພາະເຈລະຈາຄືບໜ້າ - advert banner 728 90 728x90 - ທ່ານ ທຣຳ ຈະຂະຫຍາຍເສັ້ນຕາຍ ຂຶ້ນພາສີຈີນ ເພາະເຈລະຈາຄືບໜ້າ

      ປະທານາທິບໍດີ ​ໂດນ​ັລ ທຣຳ ຂອງ​ອາ​ເມ​ລິ​ກາ ປະກາດ​ຢຸດ​ການ​ຂຶ້ນພາສີ​ສິນຄ້າ​ຈີນ ມູນ​ຄ່າ 200.000 ລ້ານ​ໂດ​ລາ​ສະຫະລັດ ຈາກ 10% ​ເປັນ 25% ຫລັງ​ພົ້ນວັນ​ທີ 1 ມີນາ ​ເນື່ອງ​ຈາກ​ການ​ເຈລະຈາ​ສອງ​ຝ່າຍ​ຢູ່​ນະຄອນຫລວງ​ວໍ​ຊິງ​ຕັນ​ມີ​ຄວາມ​ຄືບ​ໜ້າ​ຢ່າງ​ເປັນ​ຮູບ​ປະ​ທຳ.

ທ່ານ ທຣຳ ຈະຂະຫຍາຍເສັ້ນຕາຍ ຂຶ້ນພາສີຈີນ ເພາະເຈລະຈາຄືບໜ້າ - new3 - ທ່ານ ທຣຳ ຈະຂະຫຍາຍເສັ້ນຕາຍ ຂຶ້ນພາສີຈີນ ເພາະເຈລະຈາຄືບໜ້າ

      ປະທານາທິບໍດີ ທຣຳ ກ່າວ​ໃນ​ວັນ​ທີ 24 ກຸມພາ​ວ່າ: ຍິນ​ດີ​ຈະ​ແຈ້ງ​ໃຫ້​ຮູ້​ວ່າ​ ອາ​ເມ​ລິ​ກາ​ມີ​ຄວາມ​ຄືບ​ໜ້າ​ຢ່າງ​ເປັນ​ຮູບ​ປະ​ທຳ​ໃນ​ການ​ເຈລະຈາ​ກັບ​ຈີນ​ໃນ​ບັນຫາ​ໂຄງ​ສ້າງ​ສຳຄັນ​ຄວບ​ຄຸມ​ເລື່ອງ​ການ​ຄຸ້ມ​ຄອງ​ຊັບ​ສິນ​ທາງ​ປັນຍາ, ການຖ່າຍ​ທອດ​ເຕັກ​ໂນ​ໂລ​ຊີ, ກະສິກຳ, ການ​ບໍລິການ, ສະກຸນ​ເງິນ ​ແລະ ອີກ​ຫລາຍ​ເລື່ອງ. ຜົນ​ການ​ເຈລະຈາ​ທີ່​ໄດ້ຜົນ​ດີ​ຫລາຍ​ແບບ​ນີ້​ເຮັດ​ໃຫ້​ທ່ານ​ຕັດສິນ​ໃຈ​​ໂຈະ​ການ​ຂຶ້ນພາສີ​ທີ່​ກຳນົດ​ມີ​ຂຶ້ນຫລັງ​ພົ້ນວັນ​ທີ 1 ມີນາ ​ແລະ ຖ້າ​ການ​ເຈລະຈາ​ມີ​ຄວາມ​ຄືບ​ໜ້າ​ເພີ່ມ​ອີກ ທ່ານ​ຈະ​ປະຊຸມ​ສຸດ​ຍອດກັບ ປະທານ​ປະ​ເທດ ສີ ຈິ້ນຜິ​ງ ຢູ່​ລັດ​ອາ​ເມ​ລິ​ກາ ​ເພື່ອ​ສະຫລຸບ​ຂໍ້​ຕົກລົງ.

       ນັກ​ເສ​ດຖະສາດມະຫາວິທະຍາ​​ໄລ​ຄໍ​ເນລ, ອະດີດ​ຫົວໜ້າ​ພະ​ແນ​ກຈີນ​ຂອງ​ກອງ​ທຶນ​ການ​ເງິນ​ສາກົນ (IMF) ​ເບິ່ງ​ວ່າ: ທ່ານ ທຣຳ ​ແລະ ຈີນ ລ້ວນ​ສະ​ແດງ​ອອກ​ຈະ​ແຈ້ງວ່າ ຕ້ອງ​ບັນລຸ​ຂໍ້​ຕົກລົງ ທັງ​ສອງ​ຝ່າຍ​ອາດ​ມີ​ຂໍ້​ຕົກລົງ​ບາງ​ຢ່າງ​ໄດ້​ໃນມໍ່ໆ​ນີ້. ຂະນະ​ທີ່​ນັກວິ​ໄຈ​ສະພາ​ຊິ​ກາ​ໂກ​ດ້ານ​ກິດຈະການ​ໂລກ ​ແລະ ອະດີດ​ນັກ​ເສດຖະສາດ​ສະ​ໄໝ​ລັດຖະບານ​ປະທານາທິບໍດີ ຈ໋ອດ ດັບ​ເບິ​ລຢູ ບຸ​ສ ​ເບິ່ງ​ວ່າ: ອາ​ເມ​ລິ​ກາ​ສູນ​ເສຍ​ຂໍ້​ໄດ້​ປຽບ​ເລື່ອງ​ການ​ຂີດ​ເສັ້ນຕາຍ ​ເບິ່ງ​ຄື​ວ່າ​ຈີນ​ຈະ​ເປັນ​ຝ່າຍ​ເໜືອກ​ວ່າ.

ທ່ານ ທຣຳ ຈະຂະຫຍາຍເສັ້ນຕາຍ ຂຶ້ນພາສີຈີນ ເພາະເຈລະຈາຄືບໜ້າ - lattana 1 - ທ່ານ ທຣຳ ຈະຂະຫຍາຍເສັ້ນຕາຍ ຂຶ້ນພາສີຈີນ ເພາະເຈລະຈາຄືບໜ້າ
error: Content is protected !!