ພາກ​ລັດ ​ແລ​ະ ເອກະ​ຊົນຮ່ວມ​ສົ່ງ​ເສີມ​ການ​ລົງທຶນ​ຢູ່​ລາວ

ພາກ​ລັດ ​ແລ​ະ ເອກະ​ຊົນຮ່ວມ​ສົ່ງ​ເສີມ​ການ​ລົງທຶນ​ຢູ່​ລາວ - 5b4ff417a310796d8b4c7a5e - ພາກ​ລັດ ​ແລ​ະ ເອກະ​ຊົນຮ່ວມ​ສົ່ງ​ເສີມ​ການ​ລົງທຶນ​ຢູ່​ລາວ
ພາກ​ລັດ ​ແລ​ະ ເອກະ​ຊົນຮ່ວມ​ສົ່ງ​ເສີມ​ການ​ລົງທຶນ​ຢູ່​ລາວ - AGL - ພາກ​ລັດ ​ແລ​ະ ເອກະ​ຊົນຮ່ວມ​ສົ່ງ​ເສີມ​ການ​ລົງທຶນ​ຢູ່​ລາວ

ໃນ​ວັນ​ທີ 22 ກຸມພາ​ນີ້, ອົງການ ການ​ເງິນ​ສາກົນ (IFC) ​ແລະ ລັດຖະບານກາ​ນາ​ດາ ຮ່ວມ​ກັບກະຊວງ​ແຜນການ ​ແລະ ການ​ລົງທຶນ ​ໄດ້ຈັດກອງປະຊຸມສໍາມະນາ ກ່ຽວກັບການລົງທຶນຮ່ວມກັນລະຫວ່າງພາກລັດ ແລະ ພາກເອກະຊົນ ຂຶ້ນ​ທີ່ນະຄອນຫລວງວຽງຈັນ, ​ໂດຍ​ການ​ເຂົ້າ​ຮ່ວມ​ຂອງ​ທ່ານ ມະ​ໂນ​ທອງ ວົງ​ໄຊ ຫົວໜ້າກົມ​ສົ່ງ​ເສີມ​ການ​ລົງທຶນ, ກະຊວງ​ແຜ​ນການ ​ແລະ ການ​ລົງທຶນ, ມີອຸປະ​ທູດ ກາ​ນາ​ດາ ປະ​ຈໍາ​ລາວ ​ແລະ ຜູ້ຕາງໜ້າອົງການ IFC ພ້ອມ​ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

ເພື່ອສົ່ງເສີມການລົງທຶນໃນຂະແໜງການທີ່ສໍາຄັນຢູ່ລາວ ແລະ ປຶກສາຫາລືດ້ານນະໂຍບາຍກ່ຽວກັບວຽກງານ​ສົ່ງ​ເສີມ​ການ​ລົງທຶນ ພາກ​ລັດ-​ເອກະ​ຊົນ (PPP), ຄູ່ຮ່ວມພັດທະນາ ແລະ ພາກສ່ວນອື່ນໆ. ຄຽງຄູ່​ໄປກັບການເຕີບ​ໃຫຍ່ທາງດ້ານເສດຖະກິດສູງກວ່າ 7% ຕໍ່ປີໃນໄລຍະຊຸມທົດສະວັດທີ່ຜ່ານມາ ​ແລະ ລາວ ແມ່ນໜຶ່ງໃນ ບັນດາປະເທດທີ່ເຕີບໂຕໄວທີ່ສຸດ ໃນພາກພື້ນອາຊີປາຊີຟິກຕາເວັນອອກ (EAP). ເຖິງຢ່າງໃດກໍ່ຕາມ, ຍ້ອນມີຄວາມ ຫຍຸ້ງຍາກທາງດ້ານງົບປະມານ ແລະ ຄວາມຕ້ອງການພື້ນຖານໂຄງລ່າງທີ່ເພີ່ມຂຶ້ນ, ລັດຖະບານກໍາລັງຊອກຫາການລົງທຶນຈາກພາກເອກະຊົນ ເຊິ່ງກວມເອົາຫລາຍກວ່າ 80 ສ່ວນຮ້ອຍ ຂອງຍອດຜະລິດຕະພັນພາຍໃນ ແລະ ເປັນສິ່ງສໍາຄັນໃນການຂັບເຄື່ອນການເຕີບໂຕທາງເສດຖະກິດໃນອະນາຄົດ.

ທ່ານ ມະໂນທອງ ວົງໄຊ ​ໃຫ້​ຮູ້ວ່າ: ການສົ່ງເສີມຮູບແບບການລົງທຶນຮ່ວມກັນລະຫວ່າງພາກລັດ ແລະ ເອກະຊົນ ໃນເງື່ອນໄຂທີ່ລັດຖະບານມີຂໍ້ຈໍາກັດດ້ານທຶນຮອນ ຈະສາມາດຊ່ວຍຫລຸດຜ່ອນພາລະແບກຫາບດ້ານງົບປະມານ ຂອງພາກລັດໄດ້ຢ່າງຫລວງຫລາຍເຂົ້າໃນການກໍ່ສ້າງພື້ນຖ່ານໂຄງລ່າງ ແລະ ການສະຫນອງການບໍລິການຂອງພາກລັດ. ນອກນັ້ນ, ການລົງທຶນຮ່ວມ ກັນລະຫວ່າງພາກລັດ ແລະ ເອກະຊົນ ຍັງສາມາດຍົກປະສິດທິພາບ, ປະສິດທິຜົນຂອງການລົງທຶນໃຫ້ສູງຂຶ້ນຕື່ມ​ອີກ ​ແລະ ຊ່ວຍຫລຸດຜ່ອນຄວາມຮັບຜິດຊອບຕໍ່ຄວາມສ່ຽງຂອງພາກລັດໃນວົງຈອນໂຄງການ ​ເຊິ່ງຈະສາມາດປະກອບສ່ວນເຂົ້າໃນ ການພັດທະນາເສດຖະກິດ-ສັງຄົມ ຕາມທິດທາງ “ພັດທະນາແບບຍືນຍົງ ແລະ ເຕີບໂຕແບບສີຂຽວ” ຢ່າງເປັນຮູບປະທໍາ.

ພາກ​ລັດ ​ແລ​ະ ເອກະ​ຊົນຮ່ວມ​ສົ່ງ​ເສີມ​ການ​ລົງທຶນ​ຢູ່​ລາວ -    AD conten website - ພາກ​ລັດ ​ແລ​ະ ເອກະ​ຊົນຮ່ວມ​ສົ່ງ​ເສີມ​ການ​ລົງທຶນ​ຢູ່​ລາວ
ພາກ​ລັດ ​ແລ​ະ ເອກະ​ຊົນຮ່ວມ​ສົ່ງ​ເສີມ​ການ​ລົງທຶນ​ຢູ່​ລາວ - lattana banner - ພາກ​ລັດ ​ແລ​ະ ເອກະ​ຊົນຮ່ວມ​ສົ່ງ​ເສີມ​ການ​ລົງທຶນ​ຢູ່​ລາວ
ພາກ​ລັດ ​ແລ​ະ ເອກະ​ຊົນຮ່ວມ​ສົ່ງ​ເສີມ​ການ​ລົງທຶນ​ຢູ່​ລາວ - lattana banner 1 - ພາກ​ລັດ ​ແລ​ະ ເອກະ​ຊົນຮ່ວມ​ສົ່ງ​ເສີມ​ການ​ລົງທຶນ​ຢູ່​ລາວ
error: Alert: ເນື້ອຫາຂ່າວມີລິຂະສິດ !!