ທິບພະຍະປະກັນໄພຕັ້ງເປົ້າບັນລຸຍອດຂາຍໃນງານວຽງຈັນມໍເຕີໂຊໃຫ້ເພີ່ມຂຶ້ນກວ່າປີຜ່ານມາ

ທິບພະຍະປະກັນໄພຕັ້ງເປົ້າບັນລຸຍອດຂາຍໃນງານວຽງຈັນມໍເຕີໂຊໃຫ້ເພີ່ມຂຶ້ນກວ່າປີຜ່ານມາ - advert banner 728 90 728x90 - ທິບພະຍະປະກັນໄພຕັ້ງເປົ້າບັນລຸຍອດຂາຍໃນງານວຽງຈັນມໍເຕີໂຊໃຫ້ເພີ່ມຂຶ້ນກວ່າປີຜ່ານມາ

ງານວຽງຈັນ ມໍເຕີໂຊ (Vientiane Motor Show 2019) ໄດ້ຈັດຂຶ້ນໃນວັນທີ 22 ກຸມພາ ຫາ 2 ມີນານີ້, ຢູ່ທີ່ ສູນການຄ້າລາວ-ໄອເຕັກ. ໃນໂອກາດນີ້, ທ່ານ ຫໍລະດີ ວໍລະຣາດ ຜູ້ອໍານວຍການໃຫຍ່ ບໍລິສັດ ທິບພະຍະປະກັນໄພ, ທັງເປັນປະທານສະມາຄົມປະກັນໄພແຫ່ງ ສປປ ລາວ ໃຫ້ຮູ້ ວ່າ: ປີນີ້ເປັນປີທີ 4 ທີ່ບໍລິສັດ ໄດ້ເຂົ້າຮ່ວມງານດັ່ງກ່າວ ແລະ ປີນີ້ກໍເປັນຈັດຂຶ້ນຢ່າງຍິ່ງໃຫຍ່, ໂດຍມີບໍລິສັດຜະລິດ ແລະ ຈໍາໜ່າຍລົດ 20 ກວ່າຍີ່ຫໍ້ຄ້າຍລົດເຂົ້າຮ່ວມ ໂດຍແມ່ນບໍລິສັດ ທິບພະຍະປະກັນໄພ ເປັນຜູ້ສະຫນັບສະຫນູນຫລັກທາງດ້ານປະກັນໄພ.      

ທິບພະຍະປະກັນໄພຕັ້ງເປົ້າບັນລຸຍອດຂາຍໃນງານວຽງຈັນມໍເຕີໂຊໃຫ້ເພີ່ມຂຶ້ນກວ່າປີຜ່ານມາ - DSC05758 - ທິບພະຍະປະກັນໄພຕັ້ງເປົ້າບັນລຸຍອດຂາຍໃນງານວຽງຈັນມໍເຕີໂຊໃຫ້ເພີ່ມຂຶ້ນກວ່າປີຜ່ານມາ

ຈຸດປະສົງທີ່ເຂົ້າຮ່ວມງານດັ່ງກ່າວ, ເພື່ອຢາກເຜີຍແຜ່ຄວາມສໍາຄັນຂອງວຽກງານປະກັນໄພໃຫ້ສັງຄົມ ກໍຄືປະຊາຊົນບັນດາເຜົ່າໄດ້ຮັບຮູ້ ແລະ ເຂົ້າໃຈການປະກັນໄພ ໂດຍສະເພາະປະກັນໄພລົດ, ເພາະປັດຈຸບັນລົດຢູ່ປະເທດເຮົາກໍຍິ່ງເພີ່ມຂຶ້ນເລື້ອຍໆ, ສະນັ້ນ, ຜູ້ນໍາໃຊ້ລົດຕ້ອງເຂົ້າໃຈຄວາມສໍາຄັນການປະກັນໄພ, ລະບຽບການ ແລະ ກົດລະບຽບຈະລາຈອນ. ນອກຈາກປະ ກັນໄພລົດ, ຍັງມີປະກັນໄພ ປະເພດອື່ນໆ ແລະ ທ່ານໃດສົນ ໃຈສາມາດສອບຖາມໄດ້ທີ່ບູດທິບພະຍະປະກັນໄພ. ການເຂົ້າຮ່ວມງານຄັ້ງນີ້, ບໍລິສັດພວກເຮົາໄດ້ຕັ້ງເປົ້າບັນລຸຍອດຈໍາໜ່າຍປະກັນໄພໃຫ້ເພີ່ມຂຶ້ນຫຼາຍກວ່າປີຜ່ານມາ ຄືຫຼາຍ ກວ່າ 500 ຄັນ. ຍ້ອນວ່າທິບພະຍະ ໄດ້ເຊັນສັນຍາຮ່ວມທຸລະກິດກັບຄ່າຍລົດຕ່າງໆ ທີ່ເຂົ້າຮ່ວມງານຄັ້ງນີ້ ເພື່ອເປັນພັນທະມິດຫຼືຜູ້ຮ່ວມທຸລະກິດ.

ເມື່ອລູກຄ້າຊື້ປະກັນໄພຊັ້ນ 1 (ປະກັນໄພຮອບດ້ານ) ໃນງານວຽງຈັນ ມໍເຕີໂຊ ຈະມີສ່ວນຫຼຸດສູງສຸດເຖິງ 50% ແລະ ຈະມີສິດຈັບສະຫຼາກ ລຸ້ນຮັບຂອງລາງວັນ ລວມມີ: ລົດຈັກ Honda Wave 100 ຈໍານວນ 1 ລາງວັນ, ຕູ້ຊັກຜ້າ 2 ລາງວັນ, ຕູ້ເຢັນ 5 ລາງວັນ, ໂທລະພາບ 32 ນິ້ວ 2 ລາງວັນ, ເຕົາໄມໂຄເວັບ 10 ລາງວັນ, ໝໍ້ຫຸ່ງເຂົ້າ 20 ລາງວັນ, ມີ ໝອນ ແລະ ກະເປົາທິບພະຍະ ແລະ ອື່ນໆອີກຫຼາກຫຼາຍລວມມູນຄ່າລາງວັນທັງໝົດ ປະມານ 30 ລ້ານກວ່າກີບ ໂດຍຈະຈັບສະຫຼາກມື້ສຸດທ້າຍຂອງງານ. ນອກນີ້, ຍັງມີເຄື່ອງດື່ມໄວ້ຄ່ອຍບໍລິການລູກຄ້ານໍາອີກ.

ຜູ້ອໍານວຍການໃຫຍ່ ບໍລິສັດ ທິບພະຍະປະກັນໄພ ໃຫ້ຮູ້ຕື່ມວ່າ: ບໍລິສັດທິບພະຍະ ຢູ່ລາວ ໄດ້ເລີ່ມດໍາເນີນກິດຈະການ ມາແຕ່ປີ 2014 ແລະ ທຸ ລະກິດຮອດຄ່ອຍໆດີຂຶ້ນ ໂດຍມີລູກຄ້າເພີ່ມຂຶ້ນເລື້ອຍໆ. ເປັນຕົ້ນແມ່ນປະກັນໄພລົດ ແລະ ປະກັນໄພຊັບສິນ. ນອກນີ້, ທິບພະຍະຍັງໄດ້ປະມູນປະກັນໄພເຂື່ອນໄຟຟ້າ 10 ແຫ່ງຂອງບໍລິສັດໄຟຟ້າລາວອີກດ້ວຍ.

ທິບພະຍະປະກັນໄພຕັ້ງເປົ້າບັນລຸຍອດຂາຍໃນງານວຽງຈັນມໍເຕີໂຊໃຫ້ເພີ່ມຂຶ້ນກວ່າປີຜ່ານມາ - 1 1 - ທິບພະຍະປະກັນໄພຕັ້ງເປົ້າບັນລຸຍອດຂາຍໃນງານວຽງຈັນມໍເຕີໂຊໃຫ້ເພີ່ມຂຶ້ນກວ່າປີຜ່ານມາ
ທິບພະຍະປະກັນໄພຕັ້ງເປົ້າບັນລຸຍອດຂາຍໃນງານວຽງຈັນມໍເຕີໂຊໃຫ້ເພີ່ມຂຶ້ນກວ່າປີຜ່ານມາ - Tiger Head 728x90 - ທິບພະຍະປະກັນໄພຕັ້ງເປົ້າບັນລຸຍອດຂາຍໃນງານວຽງຈັນມໍເຕີໂຊໃຫ້ເພີ່ມຂຶ້ນກວ່າປີຜ່ານມາ

ທ່ານກ່າວຕື່ມວ່າ: ການແກ້ໄຂອຸປະຕິເຫດຢູ່ປະເທດເຮົາຕ້ອງໄດ້ໄຂປັບປຸງຂອດບໍລິ ການໃຫ້ດີຂຶ້ນຕື່ມ, ຄວນສ້າງຕາໜາງເຄືອຂ່າຍການບໍລິການໃຫ້ກວ້າງຂວາງ ໂດຍສະເພາະເຂດທີ່ມີຍານພາຫະນະ, ມີການສັນຈອນໄປມາຫຼາຍ ແລະ ສ້າງພະນັກງານແກ້ໄຂ ອຸປະຕິເຫດອິດສະຫຼະ ເມື່ອເກີດອຸປະຕິເຫດກັບລູກຄ້າ ຫຼືລູກຄ້າໂທຫາ ໃຫ້ພະນັກງານ ອອກໄປຈຸດເກີດເຫດໃຫ້ໄວ. ປັດຈຸບັນພະນັກງານຂອງບໍລິສັດທິບພະຍະປະກັນໄພ ກໍໃຊ້ເວລາພຽງ 14 ນາທີ ເພື່ອອອກໄປຮອດຈຸດເກີດເຫດພາຍຫຼັງລູກຄ້າໂທແຈ້ງ.

ພ້ອມນີ້, ທ່ານ ສະຫຍາມ ຣາມະສູດ ປະທານບໍລິສັດ ທິບພະຍາປະກັນໄພ ໄດ້ກ່າວໃຫ້ ຮູ້ວ່າ: ຫຼາຍໆປະເທດໄດ້ໃຫ້ ຄວາມສໍາຄັນຂອງການປະ ກັນໄພແຕ່ສໍາລັບປະເທດລາວຄວາມໃສ່ໃຈໃນວຽກງານດັ່ງກ່າວຍັງມີໜ້ອຍ, ສະນັ້ນ, ບໍລະສັດປະກັນໄພບໍ່ພຽງແຕ່ໂຄສະນາໃຫ້ລູກຄ້າຊື້ປະກັນ ໄພເທົ່ານັ້ນ ຄວນສ້າງຄວາມເຂົ້າໃຈທີ່ສໍາຄັນຂອງວຽກງານດັ່ງກ່າວແກ່ປະຊາຊົນນໍາດ້ວຍ. ທ່ານໃຫ້ຄໍາແນະນໍາ ຕື່ມວ່າ: ການທີ່ຈະເຮັດປະກັນໄພ ຄວນເບິ່ງຄື: ປະສົບ ການ ແລະ ມີຄວາມໜ້າເຊື່ອຖືໄດ້ຂອງບໍລິສັດ ເຊັ່ນ: ບໍລິ ສັດທິບພະຍະປະກັນໄພ ມີອາຍຸດໍາເນີນງານມາແລ້ວ 68 ປີ ແລະ ເປັນບໍລິສັດປະກັນໄພອັນດັບ 1 ຂອງປະເທດໄທດັ່ງນີ້ເປັນຕົ້ນ.

error: Content is protected !!