ຮອງປະທານາທິບໍດີອາເມລິກາ ແລະ ຜູ້ນຳຝ່າຍຄ້ານ ເວເນຊູເອລາເຫັນພ້ອມເພີ່ມ ການກົດດັນທ່ານ ມາດູໂຣ

ຮອງປະທານາທິບໍດີອາເມລິກາ ແລະ ຜູ້ນຳຝ່າຍຄ້ານ ເວເນຊູເອລາເຫັນພ້ອມເພີ່ມ ການກົດດັນທ່ານ ມາດູໂຣ - advert banner 728 90 728x90 - ຮອງປະທານາທິບໍດີອາເມລິກາ ແລະ ຜູ້ນຳຝ່າຍຄ້ານ ເວເນຊູເອລາເຫັນພ້ອມເພີ່ມ ການກົດດັນທ່ານ ມາດູໂຣ

     ທ່ານ ​ໄມ ​ເພັນ ຮອງ​ປະທານາທິບໍດີ​ອາ​ເມ​ລິ​ກາ ​ແລະ ທ່ານ ຮວນ ກຸຍ​ໂດ ຜູ້ນຳ​ຝ່າຍ​ຄ້ານ​ຂອງ​ເວ​ເນ​ຊູ​ເອລາ ທີ່​ປະກາດ​ຕົວ​ເອງ​ເປັນ​ປະທານາທິບໍດີ​ສະ​ເພາະ​ກິດ ​ເຫັນ​ພ້ອມ​ຮ່ວມ​ກັນ​ໃນ​ວັນ​ທີ 25 ກຸມພາ ​ໃນ​ເລື່ອງ​ຍຸດ​ທະ​ສາດ​ທີ່​ເພີ່ມ​ການ​ກົດ​ດັນ​ປະທານາທິບໍດີ ​ນິ​ໂກ​ລັສ ມາ​ດູ​ໂຣ ຫລັງ​ກອງ​ປະຊຸມ​ກັບ​ປະ​ເທດ​ພັນທະ​ມິດ​ຢູ່​ໂກ​ລົມ​ບີ​ໃນ​ວັນ​ທີ 25 ກຸມພາ.

ຮອງປະທານາທິບໍດີອາເມລິກາ ແລະ ຜູ້ນຳຝ່າຍຄ້ານ ເວເນຊູເອລາເຫັນພ້ອມເພີ່ມ ການກົດດັນທ່ານ ມາດູໂຣ - new3 - ຮອງປະທານາທິບໍດີອາເມລິກາ ແລະ ຜູ້ນຳຝ່າຍຄ້ານ ເວເນຊູເອລາເຫັນພ້ອມເພີ່ມ ການກົດດັນທ່ານ ມາດູໂຣ

     ທ່ານ ​ເພັນ ກ່າວ​ວ່າ: ອາ​ເມ​ລິ​ກາ​ຫວັງ​ວ່າການ​ປ່ຽນ​ຜ່ານ​ໄປ​ສູ່​ລະບອບ​ປະຊາທິປະ​ໄຕ​ຂອງ​ເວ​ເນ​ຊູ​ເອລາ​ຈະ​ດຳ​ເນີນ​ໄປ​ຢ່າ​ງສັນຕິ, ​ແຕ່​ທ່ານ ​ເພັນ ກ່າວ​ວ່າ: ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ​ໄດ້​ສະ​ແດງ​ທ່າ​ທີ​ຢ່າງ​ຈະ​ແຈ້ງວ່າ: ອາ​ເມ​ລິ​ກາ​ກຽມ​ທາງ​ເລືອກ​ໄວ້​ທຸກ​ດ້ານ​ໃນ​ການ​ແກ້​ໄຂ​ບັນຫາ​ຢູ່​ເວ​ເນ​ຊູ​ເອລາ ​ແລະ ​ເນັ້ນວ່າ: ຜູ້ນຳ​ອາ​ເມ​ລິ​ກາ​ສະໜັບສະໜູນ​ທ່ານ​ ກຸຍ​ໂດ 100%. ການ​ປະຊຸມ​ກັບປະ​ເທດ​ພັນທະ​ມິດ​ໃນ​ພາກພື້ນຢູ່​ໂກ​ລົມ​ບີ​ຄັ້ງນີ້​ເກີດ​ຂຶ້ນຫລັງ​ຈາກ​ມີ​ຜູ້​ເສຍ​ຊີວິດ 4 ຄົນ ​ແລະ ຫລາຍ​ຮ້ອຍ​ຄົນ​ໄດ້​ຮັບ​ບາດ​ເຈັບ​​ໃນ​ຂະນະ​ທີ່​ຜູ້​ສະໜັບສະໜູນ​ທ່ານ ກຸຍ​ໂດ ປະ​ທະ​ກັບ​ກອງ​ກຳລັງ​ຮັກສາ​ຄວາມ​ໝັ້ນຄົງ​ຂອງ​ເວ​ເນ​ຊູ​ເອລາ​ຢູ່​ບໍລິ​ເວນ​ຊາຍ​ແດນ​ຕິດ​ກັບ​ໂກ​ລົມ​ບີ ​ແລະ ​ເບຣຊິນ​ໃນ​ທ້າຍ​ອາທິດ​ຜ່ານ​ມາ. ຂະນະ​ທີ່​ກອງທັບ​ເວ​ເນ​ຊູ​ເອລາພະ​ຍາ​ຍາມ​ຂັດ​ຂວາງ​ບໍ່​ໃຫ້ການ​ຊ່ວຍ​ເຫລືອ​ດ້ານ​ມະນຸດສະທຳ​ຂົນ​ສົ່ງ​ຂ້າມ​ຊາຍ​ແດນ​ເຂົ້າມາ. ກຸ່ມ​ລິ​ມາ ​ເຊິ່ງປະກອບ​ມີ​ປະ​ເທດ​ໃນ​ອາ​ເມ​ລິ​ກາ​ລາ​ຕິນ ​ແລະ ກາ​ນາ​ດາ ພົບ​ກັນ​ຢູ່​ນະຄອນຫລວງ​ໂບ​ໂກ​ຕາ ຂອງ​ໂກ​ລົມ​ບີ ​ແລະ ກ່າວ​ວ່າ: ຈະ​ຂໍ​ໃຫ້​ສານ​ອາຍາ​ສາກົນ​ປະກາດ​ໃຫ້​ເຫດ​ຮຸນ​ແຮງ​ທີ່​ລັດຖະບານ​ຂອງ​ທ່ານ ມາ​ດູ​ໂຣ ກະທຳ​ຕໍ່​ພົນລະ​ເຮືອນ ​ແລະ ການ​ພະຍາຍາມ​ຂັດຂວາງ​ການ​ຊ່ວຍ​ເຫລືອ​ຂອງ​ບັນດາ​ປະ​ເທດ ​ເປັນ​ການ​ກໍ່​ອາ​ຊະ​ຍາ​ກຳ​ຕໍ່​ມະນຸດ, ​ແຕ່​ກຸ່ມ​ລິ​ມາ ຢືນຢັນ​ວ່າ: ຈະ​ບໍ່​ໃຊ້​ກຳລັງ​ເພື່ອ​ໃຫ້​ເກີດ​ການ​ປ່ຽນ​ຜ່ານ​ໄປ​ສູ່​ປະຊາທິປະ​ໄຕ​ຢູ່​ເວ​ເນ​ຊູ​ເອລາ.

ຮອງປະທານາທິບໍດີອາເມລິກາ ແລະ ຜູ້ນຳຝ່າຍຄ້ານ ເວເນຊູເອລາເຫັນພ້ອມເພີ່ມ ການກົດດັນທ່ານ ມາດູໂຣ - lattana 1 - ຮອງປະທານາທິບໍດີອາເມລິກາ ແລະ ຜູ້ນຳຝ່າຍຄ້ານ ເວເນຊູເອລາເຫັນພ້ອມເພີ່ມ ການກົດດັນທ່ານ ມາດູໂຣ
error: Content is protected !!