ລັດຖະມົນຕີຕ່າງປະເທດອີຣານຂໍລາອອກ ເພາະຂໍ້ຕົກລົງນິວເຄຼຍສະດຸດ
ທ່ານ ໂມຮຳໝັດ ຈາວັດ ຊາຣີຟ ລັດຖະມົນຕີຕ່າງປະເທດອີຣານ ຂໍລາອອກຈາກຕຳແໜ່ງໃນວັນທີ 25 ກຸມພານີ້ ໂດຍບໍ່ມີຂ່າວມາລ່ວງໜ້າ ລວມທັງຖະແຫລງຂໍໂທດຕໍ່ທົ່ວປະເທດທີ່ຂໍ້ຕົກລົງນິວເຄຼຍ ເຊິ່ງທ່ານເປັນຜູ້ເຈລະຈາກັບປະເທດມະຫາອຳນາດຢຸດສະງັກ ເພາະອາເມລິກາບໍ່ປະຕິບັດຕາມສັນຍາຖອນຕົວຈາກຂໍ້ຕົກລົງ.
ທ່ານ ໂມຮຳໝັດ ເຊິ່ງດຳລົງຕຳແໜ່ງລັດຖະມົນຕີຕ່າງປະເທດອີຣານ ກ່າວວ່າ: ຂໍອະໄພທີ່ທ່ານບໍ່ສາມາດດຳລົງຕຳແໜ່ງຕໍ່ໄປໄດ້. ຕໍ່ມາ ໂຄສົກກະຊວງຕ່າງປະເທດອີຣານຖະແຫລງຢືນຢັນຕໍ່ສຳນັກຂ່າວອີນາຂອງທາງການວ່າ: ທ່ານ ຊາຣີຟ ຂໍລາອອກຈາກຕຳແໜ່ງ, ແຕ່ບໍ່ໄດ້ເປີດເຜີຍເຫດຜົນ. ຖ້າການລາອອກຂອງທ່ານ ຊາຣີຟ ໄດ້ຮັບການອະນຸມັດຈາກປະທານາທິບໍດີ ຮຳຊັນ ໂຣຮານີ ຜູ້ນຳສາຍກາງຂອງອີຣານແລ້ວ ຈະເທົ່າກັບຂາດພັນທະມິດຄົນສຳຄັນໃນການຊຸກຍູ້ໃຫ້ອີຣານເຈລະຈາກັບປະເທດຕາເວັນຕົກ.
