ເຊລຊີ ຖະແຫລງບົດລົງໂທດ ເກປາ ແລ້ວ

ເຊລຊີ ຖະແຫລງບົດລົງໂທດ ເກປາ ແລ້ວ - news201902260739292 - ເຊລຊີ ຖະແຫລງບົດລົງໂທດ ເກປາ ແລ້ວ
ເຊລຊີ ຖະແຫລງບົດລົງໂທດ ເກປາ ແລ້ວ - Untitled design - ເຊລຊີ ຖະແຫລງບົດລົງໂທດ ເກປາ ແລ້ວ

     ​ເຊ​ລຊີ ລະບຸ​ວ່າ:​ ພວກ​ເຂົາ​ປັບ​ຄ່າ​ເມື່ອຍ ​ເກປາ ອາຣີຊາ​ບາ​ລາກ້າ ຜູ້​ຮັກສາ​ປະຕູ​ຂອງ​ທີ​ມ ​ເປັນ​ເວລາ 1 ອາທິດ ​ໂທດ​ຖານ​ທີ່​ລາວ​ສ້າງ​ເລື່ອງ​ວຸ້ນວາຍ ​ໂດຍ​ການ​ບໍ່​ຍອມ​ອອກ​ຈາກ​ສະໜາມ ທັງ​ທີ່ ​ເມົາຣິຊິ​ໂອ ຊາຣຣີ ສັ່ງ​ປ່ຽນ​ຕົວ ​ໂດຍ​ເງິນ​ທີ່​ຖືກ​ປັບ​ຈະ​ນຳ​ເອົາ​ໄປ​ເຂົ້າອົງ​ກອນ​ການ​ກຸສົນ​ຂອງ​ສະ​ໂມ​ສອນ.

      ​ເຊ​ລຊີ ສະ​ໂມ​ສອນ​ຍັກ​ໃຫຍ່​ແຫ່ງ​ເວທີ ພຣີ​ເມຍ​ລີກ ອັງກິດ ປະກາດ​ວ່າ​ພວກ​ເຂົາ​ໄດ້​ລົງ​ໂທດ ​ເກປາ ອາຣີຊາ​ບາ​ລາ​ກ້າ ຜູ້​ຮັກສາ​ປະຕູ​ຊາວ​ສະ​ເປ​ນ ​ໂດຍ​ການ​ປັບ​​ເງິນ​ເດືອນ​ເປັນ​ເວລາ 1 ອາທິດ​ແລ້ວ ຫລັງ​ຈາກ​ທີ່​ລາວ​ປະຕິ​ເສດ​ຈະ​ຖືກ​ປ່ຽນ​ຕົວ​ອອກ​ຈາກ​ສະໜາມ​ໃນ​ເກ​ມ ຄາຣາບາ​ວ ຄັບ ຮອງ​ຊີງ​ຊະນະ​ເລີດ ນັດ​ທີ່ ​ເຊ​ລຊີ ​ເສຍ​ໃຫ້ ​ແມນ​ເຊັສ​ເຕີ ຊິ​ຕີ້ ​ໃນ​ຊ່ວງ​ດວນ​ຈຸດ​ໂທດ ວັນ​ທີ 24 ກຸມພາ​ຜ່ານ​ມາ.

      ​ໃນ​ຊ່ວງ​ຕໍ່​ເວລາ​ພິ​ເສດ ຊາຣີ ຄິດ​ວ່າ ອາຣິຊາ​ບາ​ລາ​ກ້າ ມີອາການ​ຕະຄິວ ລາວ​ເລີຍ​ຕັດສິນ​ໃຈ​ຈະ​ສົ່ງ ວິລລີ່ ກາ​ບາ​ເຢ​ໂຣ ລົງ​ໄປ​ຫລິ້ນ​ແທນ ​ແຕ່​ອະດີດ​ມື​ກາວ ​ແອດ​ເລ​ຕິກ ບິ​ລ​ເບົາ ກັບ​ຄັດຄ້ານ​ທີ່​ຈະ​ອອກ​ຈາກ​ສະໜາມ ​ເພາະ​ຢືນຢັນ​ວ່າ​ຕົນ​ບໍ່​ໄດ້​ເປັນ​ຕະຄິວ ຈົນ​ເຮັດ​ໃຫ້​ຜູ້​ຈັດການ​ທີ​ມຊາວ​ອີ​ຕາ​ລີ​ບໍ່ພໍ​ໃຈ ​ແລະ ​ເກືອບ​ຈະ​ຍ່າງ​ອອກ​ຈາກ​ສະໜາມ ກ່ອນ​ທັງ​ສອງ​ຈະ​ໃຫ້​ສຳພາດ​ໃນ​ພາຍຫລັງ​ວ່າ​ເປັນ​ການ​ເຂົ້າ​ໃຈ​ຜິດ​ກັນ.

      ​ເຖິງ​ຢ່າງ​ໃດ​ກໍ​ຕາມ, ພຶດຕິ​ກຳ​ດັ່ງກ່າວ​ກາຍ​ເປັນ​ຂ່າວ​ໃຫຍ່​ໄປ​ທົ່ວ​ວົງ​ການ​ບານ​ເຕະ ​ແລະ ​ເຮັດ​ໃຫ້​ພາບ​ພົດ​ຂອງ ​ເຊ​ລຊີ ​ໄດ້​ຮັບ​ຄວາມ​ເສຍ​ຫາຍ ​ເຮັດ​ໃຫ້​ຫລ້າ​ສຸດ​ທາງ​ສະ​ໂມ​ສອນ​ຕັດສິນ​ໃຈ​ລົງ​ໂທດ ອາຣິຊາ​ບາ​ລາ​ກ້າ ດ້ວຍ​ການ​ປັບ​ຄ່າ​ເມື່ອຍ 1 ອາທິດ ​ໂດຍ​ເຊື່ອ​ກັນ​ວ່າ​ລາວ​ໄດ້​ຮັບ​ຄ່າ​ເມື່ອຍ​ອາທິດ​ລະ 195.000 ປອນ ​ເຊິ່ງ​ເງິນ​ຈຳນວນ​ນີ້​ຈະ​ນຳ​ໄປ​ເຂົ້າອົງ​ກອນ​ການ​ກຸສົນ​ຂອງ ​ເຊ​ລຊີ ຕໍ່​ໄປ.

ເຊລຊີ ຖະແຫລງບົດລົງໂທດ ເກປາ ແລ້ວ - Wave100S AD to Website 2020 0 - ເຊລຊີ ຖະແຫລງບົດລົງໂທດ ເກປາ ແລ້ວ

     ສ່ວນ ອາຣີຊາ​ບາ​ລາ​ກ້າ ກ່າວ​ຂໍ​ໂທດ​ຕໍ່​ພຶດຕິ​ກຳ​ຂອງ​ຕົນ​ເອງ​ເຊັ່ນ​ກັນ. ຂະນະ​ທີ່ ຊາຣີ ຢືນຢັນ​ວ່າ​ຕົນ​ບໍ່​ຕິດ​ໃຈ​ຫຍັງ​ອີກ​ຕໍ່​ໄປ.​

ເຊລຊີ ຖະແຫລງບົດລົງໂທດ ເກປາ ແລ້ວ - WhatsApp Image 2020 05 27 at 5 - ເຊລຊີ ຖະແຫລງບົດລົງໂທດ ເກປາ ແລ້ວ
ເຊລຊີ ຖະແຫລງບົດລົງໂທດ ເກປາ ແລ້ວ - WhatsApp Image 2020 05 27 at 5 - ເຊລຊີ ຖະແຫລງບົດລົງໂທດ ເກປາ ແລ້ວ
error: Alert: ເນື້ອຫາຂ່າວມີລິຂະສິດ !!