ຊາວນະຄອນຫລວງຮ່າໂນ້ຍຫວັງວ່າ ກອງປະຊຸມທ່ານ ທຣຳ-ທ່ານ ກິມ ຈະບັນລຸຜົນສຳເລັດ
ຜູ້ອາໄສຢູ່ໃນນະຄອນຫລວງຮ່າໂນ້ຍຕ່າງສະແດງຄວາມຫວັງວ່າ: ກອງປະຊຸມສຸດຍອດ ລະຫວ່າງ ປະທານາທິບໍດີ ໂດນັລ ທຣຳ ຂອງອາເມລິກາ ແລະ ທ່ານ ກິມ ຈ໋ອງອຸນ ຜູ້ນຳ ສປປ ເກົາຫລີ ຈະປະສົບຜົນສຳເລັດ.
ທາງການຫວຽດນາມວາງກຳລັງຕຳຫລວດປາບຈະລາຈົນ ແລະ ລົດຫຸ້ມເກາະປະຈຳການຕາມເສັ້ນທາງອ້ອມຮອບສະຖານທີ່ຈັດກອງປະຊຸມສຸດຍອດ ເຊິ່ງລວມທັງໂຮງແຮມເມໂທຣໂພລ, ໂຮງແຮມເມເລຍ ແລະ ໂຮງແຮມເມດັບບິວ ແມຣິອອທ ໃນນະຄອນຫລວງຮ່າໂນ້ຍ.
ໂຄສົກຍິງທຳນຽບຂາວອາເມລິກາກ່າວກັບນັກຂ່າວວ່າ: ປະທານາທິບໍດີ ທຣຳ ແລະ ທ່ານ ກິມ ຈະໄດ້ສົນທະນາກັນເປັນການສ່ວນຕົວໃນໄລຍະເວລາສັ້ນໆໃນຕອນຄໍ່າວັນທີ 27 ກຸມພາ, ຈາກນັ້ນ ຄະນະເຈົ້າໜ້າທີ່ທັງສອງຝ່າຍ ແລະ ລ່າມຈະໄດ້ຮ່ວມງານລ້ຽງຮັບປະທານອາຫານຄໍ່າຮ່ວມກັນ ໂດຍມີກຳນົດພົບປະຫາລືສອງຝ່າຍໃນວັນທີ 28 ກຸມພາ. ກອງປະຊຸມສຸດຍອດ ອາເມລິກາ-ສປປ ເກົາຫລີ ຄັ້ງທີ 2 ມີຂຶ້ນພາຍຫລັງກອງປະຊຸມຄັ້ງທຳອິດຈັດຂຶ້ນຢູ່ສິງກະໂປເມື່ອ 8 ເດືອນກ່ອນ.
