ແມນຢູ ຄິດໜັກ ! ສັນຍາ ເດເຄອາ ສະດຸດ ເມນເດສ ບີບຈ່າຍຄ່າເມື່ອຍສຸດໂຫດ

ແມນຢູ ຄິດໜັກ ! ສັນຍາ ເດເຄອາ ສະດຸດ ເມນເດສ ບີບຈ່າຍຄ່າເມື່ອຍສຸດໂຫດ - advert banner 728 90 728x90 - ແມນຢູ ຄິດໜັກ ! ສັນຍາ ເດເຄອາ ສະດຸດ ເມນເດສ ບີບຈ່າຍຄ່າເມື່ອຍສຸດໂຫດ

      ລອນ​ດອນ ອິບນິງ ສະ​ແຕນ​ດາດ ສື່​ຂອງ​ອັງກິດ ລາຍ​ງານ​ວ່າ: ຈ໋ອດ ​ເມນ​ເດ​ສ ນາຍ​ໜ້າ​ຂອງ ດາ​ບິດ ​ເດ ​ເຄອາ ມື​ກາວ ​ແມນ​ເຊັສ​ເຕີ ຢູ​ໄນ​ເຕັດ ບອກ​ປັດ​ສັນຍາ​ສະບັບ​ໃໝ່​ທີ່ ​ແມນ​ຢູ ຍື່ນ​ໃຫ້ ​ເດ ​ເຄອາ ​ແລ້ວ ທັງ​ທີ່​ຍອດ​ທີ​ມ​ແຫ່ງ​ຖິ່ນ ​ໂອລ ​ແທຣັບຟອດ ຈະ​ໃຫ້​ຄ່າ​ເມື່ອຍ​ລາວ​ອາທິດ​ລະ 350.000 ປນອ ​ໂດຍ ​ເມນ​ເດ​ສ ​ເຊື່ອວ່າ​ສາມາ​ດບີບ​ໃຫ້ ​ແມນ​ຢູ ຈ່າຍ​ຄ່າ​ເມື່ອຍ​ຫລາຍ​ກວ່າ​ນັ້ນ​ໄດ້.

      ຈ໋ອດ ​​ເມນ​ເດ​ສ ນາຍ​ໜ້າ​ຂອງ ດາ​ບິດ ​ເດ ​ເຄອາ ຜູ້​ຮັກສາ​ປະຕູ​ຄົນ​ເກັ່ງ​ຂອງ ​ແມນ​ເຊັສ​ເຕີ ຢູ​ໄນ​ເຕັດ ຍອດ​ສະ​ໂມ​ສອນ​ແຫ່ງ​ ພຣີ​ເມຍ​ລີກ ອັງກິດ ປະຕິ​ເສດ​ສັນຍາ​ສະບັບ​ໃໝ່​ທີ່ ​ແມນ​ຢູ ຍື່ນ​ໃຫ້​ນັກ​ເຕະ​ໃນ​ການ​ເບິ່ງ​ແຍງ​ຂອງ​ລາວ​ພິຈາລະນາ​ແລ້ວ.

      ​ເຖິງ​ວ່າ​ຈະ​ເສຍ​ປະຕູ​ຫລາຍ​ກວ່າ​ລະດູ​ການ​ກ່ອນ, ​ແຕ່​ລະດູ​ການ​ນີ້ ​ເດ ​ເຄອາ ຍັງ​ຖື​ວ່າ​ສ້າງ​ຜົນງານ​ໄດ້​ໜ້າ​ປະ​ທັບ​ໃຈ ​ໂດຍ​ລາວ​ເຄີຍ​ເຊັບ​ເຖິງ 11 ຄັ້ງ ​ໃນ​ເກ​ມລີກ​ນັດ​ທີ່​ຕົ້ນສັງກັດ​ບຸກ​ໄປ​ຊະນະ ທ໊ອດ​ແນ່​ມ ຮ໊ອດສະ​ເປີ 1-0 ​ເຊິ່ງຕະຫລອດ​ເວລາ​ຜ່ານ​ມາ ມື​ກາວ​ໄວ 28 ປີ ​ໄດ້​ຮັບ​ການ​ຍົກຍ້ອງ​ວ່າ​ເປັນ​ໜຶ່ງ​ໃນ​ຜູ້​ຮັກສາ​ປະຕູ​​ເກັ່ງ​ທີ່​ສຸດ​ຂອງ​ຍຸກ​ນີ້.

      ທັງ​ນີ້ ​ແມນ​ເຊັສ​ເຕີ ຢູ​ໄນ​ເຕັດ ພະຍາຍາມ​ຈະ​ຕໍ່​ສັນຍາ​ກັບ ​ເດ ​ເຄອາ ​ໃຫ້​ໄດ້ ​ແລະ ວ່າ​ກັນ​ວ່າ​ພວກ​ເຂົາ​ຫາ​ກໍ​ໃຊ້​ອັອບຊັນ​ຂະຫຍາຍ​ສັນຍາ​ແບບ​ອັດຕະ​ໂນ​ມັດ 1 ປີ ​ເພື່ອ​ຈະ​ໄດ້​ມີ​ເວລາ​ເຈລະຈາ​ເລື່ອງ​ສັນຍາ​ສະບັບ​ໃໝ່​ດົນ​ຂຶ້ນ ຫລັງ​ຈາກ​ຂໍ້​ຕົກລົງ​ສະບັບ​ປັດຈຸບັນ​ຈະ​ໝົດ​ອາຍຸ​ລົງ​ໃນ​ຊ່ວງ​ພັກ​ຮ້ອນ​ປີ​ນີ້ ​ໂດຍ​ກ່ອນ​ໜ້າ​ນີ້​ມີ​ຂ່າວ​ລື​ວ່າ ພວກ​ເຂົາ​ສະ​ເໜີ​ຈະ​ເພີ່ມ​ຄ່າ​ເມື່ອຍ​ໃຫ້​ມື​ກາວ​ຊາວ​ສະ​ເປ​ນ​ເປັນ 350.000 ປອນ​ຕໍ່​ອາທິດ ​ເຊິ່ງຈະ​​ເຮັດ​ໃຫ້ ​ເດ ​ເຄອາ ກາຍ​ເປັນ​ຜູ້​ຮັກສາ​ປະຕູ​ທີ່​ໄດ້​ຮັບ​ຄ່າ​ເມື່ອຍ​ສູງ​ທີ່​ສຸດ​ໃນ​ໂລກ​ທັນທີ, ຂະນະ​ທີ່​ຕອນ​ນີ້ ລາວ​ຮັບ​ຄ່າ​ເມື່ອຍ​ອາທິດ​ລະ 200.000 ປອນ.

ແມນຢູ ຄິດໜັກ ! ສັນຍາ ເດເຄອາ ສະດຸດ ເມນເດສ ບີບຈ່າຍຄ່າເມື່ອຍສຸດໂຫດ - lattana 1 - ແມນຢູ ຄິດໜັກ ! ສັນຍາ ເດເຄອາ ສະດຸດ ເມນເດສ ບີບຈ່າຍຄ່າເມື່ອຍສຸດໂຫດ
ແມນຢູ ຄິດໜັກ ! ສັນຍາ ເດເຄອາ ສະດຸດ ເມນເດສ ບີບຈ່າຍຄ່າເມື່ອຍສຸດໂຫດ - 1 1 - ແມນຢູ ຄິດໜັກ ! ສັນຍາ ເດເຄອາ ສະດຸດ ເມນເດສ ບີບຈ່າຍຄ່າເມື່ອຍສຸດໂຫດ

      ​ເຖິງ​ຢ່າງ​ໃດ​ກໍ​ຕາມ, ລອນ​ດອນ ອິບນິງ ສະ​ແຕນ​ດາດ ​ລາຍ​ງານ​ວ່າ: ​ເຖິງ​ວ່າ ​ແມນ​ເຊັສ​ເຕີ ຢູ​ໄນ​ເຕັດ ຈະ​ສະ​ເໜີ​ໃຫ້​ຄ່າ​ເມື່ອຍ​ລະດັບ​ນັ້ນ, ​ແຕ່ ​ເມນ​ເດ​ສ ຕອບ​ປະຕິ​ເສດ​ໄປ​ແລ້ວ ​ເພາະ​ເບິ່ງ​ວ່າ​ຕອນ​ນີ້​ພວກ​ເຂົາ​ມີ​ສິດ​ຈະ​ເອີ້ນ​ຄ່າ​ເມື່ອຍ​ຈາກ​ຍອດ​ທີ​ມ​ແຫ່ງ​ຖິ່ນ ​ແທຣັບຟອດ ​ໄດ້​ຫລາຍ​ກວ່າ​ນັ້ນ ​ໂດຍ​ເຊື່ອ​ກັນ​ວ່າ ຢູ​ເວນ​ຕຸ​ສ ​ແລະ ປາຣີ ​ແຊງ​ແຊກ​ແມງ ກຳລັງ​ໃຫ້​ຄວາມ​ສົນ​ໃຈ​ຜູ້​ຮັກສາ​ປະຕູ​ທີ​ມຊາດ​ສະ​ເປ​ນຢູ່.

      ຖ້າ​ຮອດ​​ເດືອນ​ມັງກອນ​ປີໜ້າ ​ເດ ​ເຄອາ ຍັງ​ບໍ່​ໄດ້​ຕໍ່​ສັນຍາ​ກັບ​ທີ​ມ​ແລ້ວນັ້ນ ລາວ​ຈະ​ສາມາດ​ເຈລະຈາ​ເລື່ອງ​ຍ້າຍ​ທີ​ມ​ແບບ​ບໍ່​ມີຄ່າ​ຕົວ​ລ່ວງ​ໜ້າ​ກັບ​ທີ​ມຈາກ​ຕ່າງ​ແດນ​ໄດ້​ທັນທີ ​ໂດຍ​ການ​ຍ້າຍ​ທີ​ມຈະ​ມີ​ຜົນ​ໃນ​ຊ່ວງ​ພັກ​ຮ້ອນ​ປີ 2020.

error: Content is protected !!