​ໄວ​ໜຸ່ມ ກັບ​ຄ່າ​ນິຍົມ​​ເພງ​ລາວ

​ໄວ​ໜຸ່ມ ກັບ​ຄ່າ​ນິຍົມ​​ເພງ​ລາວ - advert banner 728 90 728x90 - ​ໄວ​ໜຸ່ມ ກັບ​ຄ່າ​ນິຍົມ​​ເພງ​ລາວ


ໂດຍ: ທິດ​ກ່ຳ

ໃນອາທິດຫລັງໆຜ່ານມານີ້, ທິດກ່ຳ ໄດ້ມີໂອກາດໄປ ກິນຊີ້ນດາດຢູ່ຮ້ານຊື່ດັງ ແຫ່ງໜຶ່ງເຂດບ້ານສີຫອມ ເມືອງຈັນທະບູລີ ນະຄອນຫລວງວຽງຈັນເຮົານີ້ເອງ. ພໍເຂົ້າໄປນັ່ງບໍ່ພໍເທົ່າໃດນາທີ ກໍເຫັນຊາຍໜຸ່ມໜຶ່ງຄົນມາ ເສບດົນຕີຟົກຊອງທັງ ຮ້ອງເພງ, ທັງດິດກີຕ້າເພື່ອກ່ອມອາລົມຍ່ອຍອາຫານ ໃຫ້ແຂກທີ່ໄປໃຊ້ບໍລິການ ເກືອບເຕັມຮ້ານ.

ທິດກ່ຳເລີ່ມນັ່ງກິນອາຫານຕັ້ງແຕ່ 19:00 ໂມງປາຍໄປຈົນເກືອບຮອດເວລາປິດຮ້ານເຫັນວ່າຜູ້ນັກຮ້ອງຄົນ ນັ້ນຮ້ອງແຕ່ເພງໄທເປັນສ່ວນໃຫຍ່, ໃນຂະນະທີ່ກຳລັງເພີນ ກັບການກິນອາຫານ ແລະ ຟັງເພງໄປນຳຢູ່ນັ້ນເຮົາກໍເລີຍຕັ້ງ ໂຈດກັບພວກຊາວໜຸ່ມ-ໄວໜຸ່ມ ທີ່ນັ່ງໃນໂຕະດຽວກັນວ່າ: ນັບແຕ່ພວກເຮົາມາ ນັ່ງກິນຢູ່ນີ້, ຍັງບໍ່ເຫັນນັກຮ້ອງຮ້ອງເພງລາວຈັກເພງເລີຍ. ໃນທັນໃດນັ້ນ ກໍມີຊາວໜຸ່ມຜູ້ໜຶ່ງທີ່ນັ່ງກິນອາຫານຮ່ວມກັນເອີ່ຍປາກຕອບຕາງເຂົາທັນທີວ່າເພງລາວມັນ ບໍ່ມ່ວນ, ບໍ່ສະໃຈ ວ່າຊັ້ນ! ຈາກນັ້ນ, ທິດກ່ຳເລີຍຂໍສະເໜີໄປຫາເຂົາວ່າ ຂໍຟັງເພງລາວຈັກເພັງທີ່ເຂົາສາມາດຮ້ອງໄດ້ ແລະ ເປັນເພງຫຍັງກໍໄດ້, ຕໍ່ມາເຂົາກໍເລີຍຮ້ອງໃຫ້ຟັງພຽງ 2-3 ເພັງແລ້ວກໍເລີຍປະກາດວ່າໝົດເວລາແລ້ວ. ຕໍ່ປາກົດການນີ້, ເຮົາທັງສັງ ເກດພ້ອມທັງລະບາຍຄວາມຮູ້ສຶກອອກມາວ່າຖ້າຫາກບໍ່ສະເໜີຂໍຟັງເພງລາວເຂົາ ກໍອາດຈະຮ້ອງແຕ່ເພງໄທ ອ່ອຍຕ້ອຍ. ນີ້ແມ່ນປະກົດການໜຶ່ງທີ່ທິດກ່ຳໄດ້ຟັງ ແລະ ໄດ້ເຫັນກັບຕາ.

ຈາກກໍລະນີໜຶ່ງອີກພວກເຮົາໄດ້ເຫັນແຫລ່ງຂ່າວໃນງານບຸນນະມັດສະການ ພະທາດໂພ່ນທີ່ຫາກໍຜ່ານ ໄປໝາດໆ, ມີດົນຕີວົງໜຶ່ງ ທີ່ຖືກສັ່ງໃຫ້ປິດຍ້ອນພາກັນ ຮ້ອງແຕ່ເພງໄທ ໂດຍບໍ່ຄຳ ນຶງເຖິງວ່າເຮົາຢູ່ບ່ອນນີ້ຄື ປະເທດລາວ, ພວກເຮົາແມ່ນຄົນລາວ, ເຊື້ອຊາດລາວ, ຢູ່ ເມືອງລາວກິນເຂົ້າໜຽວ  ຈ້ຳປາແດກຕ້ອງສະແດງ ອອກ ໃນຄວາມເປັນຄົນ  ລາວ, ຮັກຊາດລາວ, ຮ້ອງເພງລາວ, ສົ່ງເສີມເພງລາວ, ຟັງເພງລາວ ເພື່ອເປັນການ ເຕືອນສະຕີຮັກຫອມວັດທະ ນະທຳລາວ, ສະແດງອອກຄວາມເປັນລາວ, ຮັກເຊື້ອ ແພງຊາດລາວ, ຮັກບ້ານເກີດ ເມືອງນອນ, ບ້ານຝັງສາຍ ແຫ່ແຜ່ສາຍບື ກໍຕ້ອງໄດ້ສະແດງອອກເຖິງຄວາມເປັນ ລາວແດ່ ບໍ່ຫລາຍກໍໜ້ອຍ.

ຈາກປາກົດການທີ່ ທິດກ່ຳໄດ້ຍົກເອົາມາເວົ້ານີ້, ເທົ່າ ທີ່ເຄີຍເຫັນຜ່ານມາມັນຍັງ ມີຫລາຍບ່ອນ, ຫລາຍແຫ່ງ ແລະ ນັບທັງບຸກຄົນ, ກຸ່ມຄົນຈຸດໜັກແມ່ນວົງດົນຕີ, ຫ້າງ ຮ້ານພາກັນເຫີ່ຮ້ອງແຕ່ ເພງໄທໂດຍບໍ່ຄຳນືງກຽດ  ສັກສີຄວາມເປັນເອກະລາດອະທິປະໄຕ ຂອງຄວາມເປັນ ຊາດໜຶ່ງໆ.

​ໄວ​ໜຸ່ມ ກັບ​ຄ່າ​ນິຍົມ​​ເພງ​ລາວ - lattana 1 - ​ໄວ​ໜຸ່ມ ກັບ​ຄ່າ​ນິຍົມ​​ເພງ​ລາວ
​ໄວ​ໜຸ່ມ ກັບ​ຄ່າ​ນິຍົມ​​ເພງ​ລາວ - 1 1 - ​ໄວ​ໜຸ່ມ ກັບ​ຄ່າ​ນິຍົມ​​ເພງ​ລາວ

ເມື່ອຖືກຖາມວ່າ ຮ້ອງເພງໄທຜິດບໍ່? ແລະ ເພງປະ ເທດອື່ນໃນໂລກນີ້ເດຜິດຄື ກັນບໍ່ເປັນຕົ້ນ: ເພງຝຣັ່ງ, ອັງກິດ ແລະ ປະເທດອື່ນໆ ທີ່ສາມາດຮ້ອງໄດ້? ທິດກ່ຳຂໍຕອບ ວ່າຖ້າຮ້ອງໃນເວທີຊຸມຊົນ, ອັນເປັນທາງລ້າທາງການ ແມ່ນຜິດເຕັມຮ້ອຍເພາະມັນພົວພັນເຖິງຈັນຍາບັນຂອງ ຄວາມເປັນຊາດໜຶ່ງທີ່ມີເອກະລາດ ແລະ ມີວັດທະນະທຳ ຂອງຕົນເອງ ຢ່າງໜ້ອຍກໍ ຕ້ອງຖືເພງລາວເປັນຫລັກ ສ່ວນເພງປະເທດອື່ນນັ້ນຖື ວ່າມັນເປັນເພງສາກົນທີ່ ປະສົມປະສານໃຫ້ບັນຍາ ກາດນັ້ນໆເພື່ອໃຫ້ເຂົ້າທ່າ ແລະ ມ່ວນຊື່ນຕາມກາລະເທສະ.

ຈາກບັນຫາທີ່ໄດ້ຍົກມາ ເວົ້ານີ້, ພວກເຮົາທັງຫລາຍຕ້ອງໄດ້ຄິດ ແລະ ພ້ອມກັນແກ້, ເຊິ່ງກ່ອນອື່ນໝົດກໍແມ່ນ ຂະແໜງການກ່ຽວຂ້ອງນັບທັງຄອບຄົວ ແລະ ສັງຄົມພ້ອມກັນສົ່ງເສີມປະເພນີວັດທະນະທຳລາວ, ໂດຍສະເພາະ ແມ່ນວົງການເພງລາວໃຫ້ ສາມາດທຽບທັນກັບຂອງຊາດອື່ນໃນພາກພື້ນ ແລະ ໃນໂລກ.

ໃນຜ່ານມາ, ທິດກ່ຳ ເຫັນ ຄົນລາວ, ເພງລາວ ກໍມີຄວາມ ສາມາດໂດ່ງດັງໄປຮອດຕ່າງແດນ, ນັກສິລະປິນລາວ, ນັກ ຮ້ອງລາວຫລາຍຄົນຕິດອັນ ດັບຈົນໄປສ້າງສື່ສຽງໃຫ້ກັບປະເທດຊາດ ແລະ ເປັນທີ່ ຍອມຮັບຂອງຄົນຊາດອື່ນ ແລະ ສາກົນມາຫລາຍຕໍ່ ຫລາຍຄົນ ຢູ່ເມືອງລາວ    ພ້ອມກັນຊຸກຍູ້ສົ່ງເສີມເພງ ລາວ,  ວັດທະນະທຳລາວ ຍັງດີກວ່າ ນິຍົມຂອງຊາດ    ອື່ນແຖມຍັງຖືກເຂົາດູຖູກ ວ່າຄົນລາວເປັນຄົນໂງ່ ກວ່າເຂົາ.

error: Content is protected !!