ຄຸນ​ລັກສະນະ​ພິ​ເສດ​ຂອງ​ຊ້າງ​ເຜືອກ

ຄຸນ​ລັກສະນະ​ພິ​ເສດ​ຂອງ​ຊ້າງ​ເຜືອກ - advert banner 728 90 728x90 - ຄຸນ​ລັກສະນະ​ພິ​ເສດ​ຂອງ​ຊ້າງ​ເຜືອກ

ໂດຍ: ຄຳ​ພຸດ ​ເທບ​ພະນົມ

ໃນມະຫະກຳບຸນຊ້າງໄຊຍະບູລີ ເປັນກິດຈະກຳທີ່ສະ ແດງໃຫ້ເຫັນເຖິງວຽກງານ ດ້ານການອະນຸລັກຮັກສາຊ້າງ ເຊິ່ງເປັນສັດຫາຍາກ ແລະໃກ້ຈະສູນພັນເພື່ອເຮັດ ໃຫ້ມວນຊົນ ກໍຄືລູກຫລານຄົນລາວໄດ້ຮູ້ຈັກປະຫວັດຄວາມເປັນມາຂອງຊ້າງ, ຮູ້ຈັກຄຸນຄ່າໃນຕົວຊ້າງກັບ ການດຳລົງຊີວິດຂອງປະຊາຊົນລາວຕັ້ງແຕ່ອະດີດຈົນ ເຖິງປັດຈຸບັນ ແລະ ການຮ່ວມ ແຮງຮ່ວມໃຈຮັກຫອມໄວ້ໃຫ້ຄົງຄູ່ກັບຊາດລາວເຮົາຕະຫລອດໄປ.

ຄຸນ​ລັກສະນະ​ພິ​ເສດ​ຂອງ​ຊ້າງ​ເຜືອກ - 2342414 - ຄຸນ​ລັກສະນະ​ພິ​ເສດ​ຂອງ​ຊ້າງ​ເຜືອກ
(ພາບປະກອບ)

ຕະຫລອດໄລຍະ 5 ວັນທີ່ ຜ່ານມາ, ບັນຍາກາດຂອງງານບຸນມີຄວາມຄຶກຄື້ນມ່ວນຊື່ນໄປກັບຄວາມຫລາກຫລາຍຂອງກິດຈະກຳເຊັ່ນ: ການແຫ່ຂະບວນປ້າຍບຸນ ຊ້າງ, ຂະບວນ  8 ຊົນເຜົ່າ, ຂະບວນເອກະລັກແຕ່ລະເມືອງ, ແຫ່ພາຂວັນຊ້າງ, ຂະບວນ ຊ້າງ, ກິດຈະກຳຂອງຊ້າງ  23 ລາຍການ, ພິທີສູ່ຂວັນຊ້າງ, ກິດຈະກຳຂີ່ຊ້າງ ແລະ ທ່ຽວຊົມຕະຫລາດນັດວາງສະແດງສິນຄ້າຂອງທ້ອງຖິ່ນ ເຊິ່ງທັງໝົດນີ້ໄດ້ສ້າງຄວາມປະທັບໃຈໃຫ້ຜູ້ເຂົ້າຊົມເປັນທີ່ສຸດ ແລະ ສິ່ງທີ່ສະດຸດຕາສະດຸດໃຈໃນງານນັ້ນ ກໍຄືຊ້າງທີ່ມີຜິວໜັງສີຂາວເຊິ່ງຊາວບ້ານເອີ້ນວ່າ: “ຊ້າງ ເຜືອກ”.

ຊ້າງເຜືອກ ເປັນຊ້າງທີ່ ມີຄວາມພິເສດສະເພາະຕົວ ແລະ ໂດດເດັ່ນນັ້ນກໍຄື: ມີຂົນ ແລະພື້ນຜິວໜັງເປັນສີຂາວ ຄືກັບເຜືອກ ຈຶ່ງເອີ້ນວ່າ  “ຊ້າງເຜືອກ” ຕາມລັກສະນະເດັ່ນຂອງມັນ. ແຕ່ໃນ ຄວາມເປັນຈິງແລ້ວ ຊ້າງ ເຜືອກບໍ່ພຽງແຕ່ຂົນ ແລະ ຜິວໜັງຂາວເທົ່ານັ້ນຍັງ   ຕ້ອງມີລັກສະນະ ແລະ ອົງ ປະກອບອື່ນທີ່ຖືກັນວ່າລັກ ສະນະມຸງຄຸນ 7 ປະການຄື:  ດວງຕາເປັນສີຂາວ, ເຫືອກ ສີຂາວ, ເລັບຂາວ, ຂົນຂາວ, ພື້ນໜັງຂາວ, ຂົນຫາງຍາວ ແລະໜັງຫຸ້ມອະໄວຍະວະເພດຂາວ ຫຼື ລັກສະນະຄ້າຍ ຄືກັບໝໍ້ຍັງໃໝ່ ເຊິ່ງທັງໝົດ ນີ້ຖືວ່າເປັນລັກສະນະດີ ແລະ ນອກຈາກນີ້ແລ້ວບູຮານຍັງເຊື່ອຖືວ່າຊ້າງທີ່ມີງາດຳ, ເລັບດຳ ຫຼື ສີແຫລ້ກໍເອີ້ນວ່າ ຊ້າງມຸງຄຸນເຊັ່ນ ດຽວກັນ.

ຄຸນ​ລັກສະນະ​ພິ​ເສດ​ຂອງ​ຊ້າງ​ເຜືອກ - 1 1 - ຄຸນ​ລັກສະນະ​ພິ​ເສດ​ຂອງ​ຊ້າງ​ເຜືອກ
ຄຸນ​ລັກສະນະ​ພິ​ເສດ​ຂອງ​ຊ້າງ​ເຜືອກ - lattana 1 - ຄຸນ​ລັກສະນະ​ພິ​ເສດ​ຂອງ​ຊ້າງ​ເຜືອກ

ຄຸນ​ລັກສະນະ​ພິ​ເສດ​ຂອງ​ຊ້າງ​ເຜືອກ - 2228 - ຄຸນ​ລັກສະນະ​ພິ​ເສດ​ຂອງ​ຊ້າງ​ເຜືອກ

ໃນສະໄໝອະດີດເພິ່ນ ນິຍົມເອົາຊ້າງເຜືອກເປັນ ຊ້າງຄູ່ປາລະມີຂອງເຈົ້າແຜ່ນດິນ ແລະ ຖືວ່າເປັນມໍລະດົກ ອັນລໍ້າຄ່າຂອງປະເທດຊາດ ຂອງຕົນ, ໂດຍມີຕຳລາເລືອກ ລັກສະນະຊ້າງເຜືອກເຊິ່ງ ສະແດງອອກໃນວັນນະຄະດີບູຮານເຊັ່ນ: ຊ້າງປັດໄຈຍະ ນາເຄນໃນເລື່ອງພະເວດ ສັນດອນ, ຊ້າງເອລາວັນ ຂອງພະອິນໃນເລື່ອງພະລັກພະລາມ ໂດຍເຊື່ອວ່າ ຊ້າງ ມຸງຄຸນເຫລົ່ານີ້ຈະນຳເອົາ ຄວາມອຸດົມສົມບູນພູນສຸກ ມາໃຫ້ແກ່ປະເທດຊາດບ້ານ ເມືອງ, ເຮັດໃຫ້ບ້ານເມືອງ ມີຄວາມສະຫງົບສຸກຮົ່ມ  ເຢັນຍ້ອນອຳນາດ ແລະ ປາ ລະມີຂອງຊ້າງ.

ແຕ່ເຖິງຢ່າງໃດກໍຕາມ ເມື່ອອີງໃສ່ສະພາບຄວາມ ເປັນຈິງໃນປັດຈຸບັນ ເຫັນວ່າ: ຈຳນວນປະຊາກອນຊ້າງນັບມື້ໜ້ອຍລົງ ດັ່ງນັ້ນ, ບໍ່ວ່າຈະເປັນ ຊ້າງເຜືອກ ຫລື ຊ້າງດຳທົ່ວໄປລ້ວນແຕ່ມີຄວາມສຳຄັນຕໍ່ປະເທດ ຊາດບ້ານເມືອງພວກເຮົາທີ່ ເປັນຄົນລາວກໍຄວນພາກພູມໃຈ ແລະ ເປັນສ່ວນໜຶ່ງ ໃນການປົກປັກຮັກສາ ຈຳນວນຊ້າງທີ່ມີຢູ່ ແລະ ພ້ອມກັນ ເສີມຂະຫຍາຍ ແພ່ພັນໃຫ້ຊ້າງໄດ້ກັບມີ ຈຳນວນມະຫາສານຄືອະດີດ ຜ່ານມາ ເພື່ອເປັນສິ່ງເອກອ້າງທະນົງໃຈຂອງ ປວງຊົນລາວທັງຊາດ ແລະ ເປັນສິ່ງດຶງດູດໃຫ້ບັນດາປະເທດຕ່າງໆ ໃນໂລກໄດ້ມາທ່ຽວຊົມນັບມື້ນັບຫລາຍຂຶ້ນ./.

error: Content is protected !!