ກອງປະຊຸມຜູ້ນຳອາເມລິກາ-ປະເທດອາຣັບອັດລົງແລ້ວ ພ້ອມໃຫ້ຄຳໝັ້ນຮ່ວມຕໍ່ຕ້ານກຸ່ມຫົວຮຸນແຮງ

- advert banner 728 90 728x90 - ກອງປະຊຸມຜູ້ນຳອາເມລິກາ-ປະເທດອາຣັບອັດລົງແລ້ວ ພ້ອມໃຫ້ຄຳໝັ້ນຮ່ວມຕໍ່ຕ້ານກຸ່ມຫົວຮຸນແຮງ

- nintchdbpict000325535657 - ກອງປະຊຸມຜູ້ນຳອາເມລິກາ-ປະເທດອາຣັບອັດລົງແລ້ວ ພ້ອມໃຫ້ຄຳໝັ້ນຮ່ວມຕໍ່ຕ້ານກຸ່ມຫົວຮຸນແຮງ

- new3 - ກອງປະຊຸມຜູ້ນຳອາເມລິກາ-ປະເທດອາຣັບອັດລົງແລ້ວ ພ້ອມໃຫ້ຄຳໝັ້ນຮ່ວມຕໍ່ຕ້ານກຸ່ມຫົວຮຸນແຮງ

 

ສະຖານີ​ໂທລະພາບ​ອັດ​ອາຣາບິ​ຍາ ຂອງ​ອາຣັບບີ ຊາ​ອຸ​ດິດ ລາຍ​ງານວ່າ: ກອງ​ປະຊຸມ​ສຸດ​ຍອດ Arab-Islamic-American Summit ຢູ່​ນະຄອນຫລວງຣິຍາດ ປະ​ເທດ​ອາຣັບບີ ຊາ​ອຸ​ດິດ ອັດ​ລົງ​ແລ້ວ​ໃນ​ວັນ​ທີ 21 ພຶດສະພາ​ນີ້ ​ໂດຍ​ກອງ​ປະຊຸມ​ໄດ້​ເນັ້ນ​ໃສ່​ການ​ກຽມ​ຄວາມ​ພ້ອມ​ໃນ​ການ​ສ້າງ​ການ​ຮ່ວມ​ມື​ພາກພື້ນຕາ​ເວັນ​ອອກ​ກາງ ​ແລະ ການຈັດຕັ້ງກອງ​ກຳລັງ​ທະຫານ 34.000 ຄົນ ​ເພື່ອ​ຕໍ່ສູ້​ກັບ​ການ​ກໍ່​ການ​ຮ້າຍ​ໃນ​ປີ​ໜ້າ.

 

ທັງ​ນີ້, ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ ​ໄດ້​ເຂົ້າຮ່ວມ​ກອງ​ປະຊຸມ​ດັ່ງກ່າວ ຮ່ວມ​ກັບ 55 ຜູ້ນຳ​ຈາກ​ປະ​ເທດ​ອາຣັບ.

 

ນອກຈາກ​ນີ້, ກອງ​ປະຊຸມ​ໄດ້​ເປີດ​ສູນ​ຕໍ່ຕ້ານ​ກຸ່ມ​ຫົວ​ຮຸນ​ແຮງ​ທົ່ວ​ໂລກ​ ຢູ່​ນະຄອນຫລວງຣິຍາດ ​ເຊິ່ງມີ​ຈຸດປະສົງ​ໃນ​ການ​ເຝົ້າ​ເບິ່ງ ​ແລະ ຕໍ່ສູ້​ກັບ​ລັດທິ​ຫົວ​ຮຸນ​ແຮງ.

 

- lattana 1 - ກອງປະຊຸມຜູ້ນຳອາເມລິກາ-ປະເທດອາຣັບອັດລົງແລ້ວ ພ້ອມໃຫ້ຄຳໝັ້ນຮ່ວມຕໍ່ຕ້ານກຸ່ມຫົວຮຸນແຮງ

ທັງ​ນີ້, ​ໃນ​ອາທິດ​ຜ່ານ​ມາ ນະຄອນຫລວງຣິຍາດ​ໄດ້​ເປັນ​ເຈົ້າພາບ​ຈັດ​ກອງ​ປະຊຸມ 3 ກອງ​ປະຊຸມ ​ໃນ​ລະຫວ່າງ​ການ​ເດີນທາງ​ຢ້ຽມຢາມ​ຂອງ​ປະທານາທິບໍດີ ​ໂດ​ນັນ ທຣຳ ​ເຊິ່ງຖື​ເປັນ​ການ​ເດີນທາງ​ຢ້ຽມຢາມ​ຕ່າງປະ​ເທດ​ເທື່ອ​ທຳ​ອິດ​ນັບ​ແຕ່​ເຂົ້າຮັບ​ຕຳ​ແໜ່​ງປະທານາທິບໍດີ​ໃນ​ເດືອນ​ມັງກອນ​ຜ່ານ​ມາ.

 

ທ່ານ ອາ​ເດລ ຈູ​ເບ​ອີ ລັດຖະມົນຕີ​ຕ່າງປະ​ເທດ​ອາຣັບບີ ຊາ​ອຸ​ດິດ ກ່າວ​ວ່າ: ອາຣັບບີ ຊາ​ອຸ​ດິດ ຕ້ອງການ​ສົ່ງ​ຂໍ້​ມູນ​ໄປ​ເຖິງ​ຕາ​ເວັນ​ຕົກວ່າ: ປະ​ເທດ​ມຸສລິ​ມບໍ່​ແມ່ນ​ສັດຕູ ​ແລະ ກ່າວ​ອີກ​ວ່າ: ອາຣັບບີ ຊາ​ອຸ​ດິດ ມາ​ທີ​ຫລັງ​ອາ​ເມ​ລິ​ກາ​ໃນ​ການ​ຕໍ່ສູ້​ກັບ​ກຸ່ມ​ກໍ່​ການ​ຮ້າຍ​ລັດ​ອິສລາມ (IS).

 

ທ່ານ​ກ່າວ​ວ່າ: ຄວາມ​ພະຍາຍາມ​ນີ້​ຈະ​ເປັນ​ການ​ຮ່ວມ​ມື​ທີ່​ມີ​ປະສິດທິພາບ​ລະຫວ່າງ​ໂລກ​ມຸສລິ​ມກັບປະ​ເທດ​ຕາ​ເວັນ​ຕົກ​ເພື່ອ​ຕໍ່ສູ້​ກັບ​ການ​ກໍ່​ການ​ຮ້າຍ.

error: Content is protected !!