ນາດາລ ຕົກຮອບເມັກຊິໂກ ໂອເພັນ

ນາດາລ ຕົກຮອບເມັກຊິໂກ ໂອເພັນ - 111 6 - ນາດາລ ຕົກຮອບເມັກຊິໂກ ໂອເພັນ
ນາດາລ ຕົກຮອບເມັກຊິໂກ ໂອເພັນ - Untitled design - ນາດາລ ຕົກຮອບເມັກຊິໂກ ໂອເພັນ

      ການ​ແຂ່ງຂັນ​ເທັນ​ນິສ​ເອທີ​ພີ ທົວ ​ແລະ ດັບ​ບລິວ​ທີ​ເອ ທົວ ລາຍການ ​ເມັກ​ຊິ​ໂກ ​ໂອ​ເພັນ ທີ່​ເມືອງ​ອາຄາ​ພຸ​ລ​ໂກ ປະ​ເທດ​ເມັກ​ຊິ​ໂກ ປະ​ເພດ​ຊາຍ​ດ່ຽວ ຮອບ 2 ຣາຟາ​ເອລ ນາ​ດາລ ມື​ວາງ​ອັນ​ດັບ 1 ຂອງ​ລາຍການ ລົງ​ຫລິ້ນລາຍການ​ທຳ​ອິດ​ນັບ​ແຕ່​ເສຍ​ໃຫ້ ​ໂນ​ວັກ ຢໍ​ໂຄ​ວິດ ​ໃນ​ອັອສ​ເຕຣລ້ຽນ ​ໂອ​ເພັນ ຮອບ​ຊີງ​ຊະນະ​ເລີດ ພົບ​ກັບ ນິກ ຄີກ​ອສ ນັກ​ເທັນ​ນິສຊາວ​ອັອສ​ເຕຣ​ເລຍ ປາກົດ​ວ່າ ຄີກ​ອສ ​ເອົາ​ຕົວ​ລອດ​ຈາກ 3 ​ແມັດ​ພອຍ ກ່ອນ​ແຊງ​ຊະນະ 2-1 ​ເຊັດ: 3-6, 7-6 (7/2), 7-6 (8/6) ຜ່ານ​ເຂົ້າຮອບ 8 ຄົນ​ສຸດ​ທ້າຍ ​ໄປ​ພົບ​ກັບ ສະ​ແຕນ ວາວຣິນກາ ຈາກ​ສະ​ວິດ ທີ່​ຊະນະ ສະຕີ​ຟ ຈອນ​ສັນ ມື 7 ຈາກ​ອາ​ເມ​ລິ​ກາ 7-6 (7-5), 6-4.

      ຄູ່​ອື່ນ ຈອນ ອິສ​ເນີ (ອາ​ເມ​ລິ​ກາ, ມື 3) ຊະນະ ​ແຊມ ​ເຄີ​ເຣ (ອາ​ເມ​ລິ​ກາ) 6-4, 6-4. ຄາ​ເມ​ຣອນ ນໍຣີ (ສະຫະຣາຊະ​ອານາຈັກ) ຊະນະ ດິ​ເອ​ໂກ ຊະວາ​ມັນ (ອາ​ເຈນ​ຕິ​ນາ, ມື 4) 7-6 (7-5), 4-6, 6-3. ອາ​ເລັກ ​ເດິ ມິ​ນໍ (ອັອສ​ເຕຣ​ເລຍ, ມື 5) ຊະນະ​ຜ່ານ ​ເຟລິ​ເຊຍ​ໂນ ​ໂລ​ເປ (ສະ​ເປ​ນ). ຈອນ ມິລ​ແມນ (ອັອສ​ເຕຣ​ເລຍ, ມື 8) ຊະນະ ປີ​ເຕີ ​ໂກ​ຈອບ​ສະ​ກີ (​ເຢຍລະ​ມັນ) 6-0, 6-2.

     ປະ​ເພດ​ຍິງ​ດ່ຽວ ຮອບ 2 ​ເບຍ​ທຣິ ມາ​ຍາ ສາວ​ບຣາຊິ​ລ ທີ່​ມາ​ຈາກ​ຮອບ​ຄັດ​ເລືອກ ພິກ​ຊະນະ ສະ​ໂລ​ນ ສະຕີ​ເຟນ ອະດີດ​ແຊ້ມປີ 2016 ​ແລະ ມື​ວາງ​ອັນ​ດັບ 1 ຂອງ​ລາຍການ​ຈາກ​ອາ​ເມ​ລິ​ກາ 6-3, 6-3 ​ເຂົ້າຮອບ​ກ່ອນ​ຮອງ​ຊະນະ​ເລີດ​ໄປ​ພົບ​ກັບ ຫວັງ ຍາ​ຟານ ຈາກ​ຈີນ ທີ່​ເອົາ​ຊະນະ ​ໂມ​ນິກາ ປຸຍ ຈາກ​ເປີ​ໂຕ ຣິ​ໂກ ​ຫລັງ​ຈາກ ປຸຍ ຂໍ​ຍອມ​​ເສຍ​ຂະນະ​ທີ່​ຕາມ​ຫລັງ 4-1 ​ເນື່ອງ​ຈາກ​ບາດ​ເຈັບ.

      ສ່ວນ ວິກຕໍ​ເຣຍ ອາຊາ​ເຣນກາ ອະດີດ​ມື 1 ​ໂລກ​ຊາວ​ເບ​ລາຣຸສ ຊະນະ ຕາ​ເຕຍນາ ມາ​ເຣຍ ຈາກ​ເຢຍລະ​ມັນ 6-2, 6-1 ​ເຂົ້າ​ໄປ​ພົບ​ກັບ ​ໂຊ​ເຟຍ ​ເຄນິນ ມື​ວາງ​ອັນ​ດັບ 5 ຂອງ​ລາຍການ ທີ່​ຊະນະ ​ເຄທີ ​ໂບລ​ເຕີ ຈາກ​ສະຫະຣາຊະ​ອານາຈັກ 6-4, 4-1 ​ໂດຍ ​ໂບລ​ເຕີ ບາດ​ເຈັບ​ຂໍ​ຖອນ​ຕົວ.

ນາດາລ ຕົກຮອບເມັກຊິໂກ ໂອເພັນ - Wave100S AD to Website 2020 0 - ນາດາລ ຕົກຮອບເມັກຊິໂກ ໂອເພັນ

     ຄູ່​ອື່ນ ດອນ​ນາ ​ເວຄິ​ດ (​ໂຄຣ​ເອ​ເຊຍ, ມື 3) ຊະນະ ຄຣິສຕິ​ນາ ​ແມ​ກ​ເຮ​ລ (ອາ​ເມ​ລິ​ກາ) 6-4, 7-5. ​ເຈິ້ງ ​ໄສ​ໄສ (ຈີນ, ມື 7) ຊະນະ ທິ​ເມຍ ບາ​ໂບສ (ຮົງ​ກາຣີ) 4-6, 6-4, 6-3. ​ໂຍຮັນ​ນາ ຄອນ​ຕາ (ສະຫະຣາຊະອານາ​ຈັກ, ມື 8) ຊະນ ວາ​ວາຣາ ຟລິງ (ຣັດ​ເຊຍ) 6-4, 6-1.

ນາດາລ ຕົກຮອບເມັກຊິໂກ ໂອເພັນ - WhatsApp Image 2020 05 27 at 5 - ນາດາລ ຕົກຮອບເມັກຊິໂກ ໂອເພັນ
ນາດາລ ຕົກຮອບເມັກຊິໂກ ໂອເພັນ - WhatsApp Image 2020 05 27 at 5 - ນາດາລ ຕົກຮອບເມັກຊິໂກ ໂອເພັນ
error: Alert: ເນື້ອຫາຂ່າວມີລິຂະສິດ !!