ຝຣັ່ງນັບຖອຍຫລັງ 100 ວັນ ບານເຕະຍິງຊີງແຊ້ມໂລກ 2019
February 28, 2019 - 5:50 PM
ຝຣັ່ງ ເລີ່ມນັບຖອຍຫລັງ 100 ວັນ ບານເຕະຍິງຊີງແຊ້ມໂລກ 2019 ທີ່ຈະເລີ່ມຂຶ້ນລະຫວ່າງວັນທີ 7 ມິຖຸນາ ເຖິງ 7 ກໍລະກົດນີ້ ໂດຍຝຣັ່ງຈະໃຊ້ 9 ສະໜາມໃນ 9 ເມືອງຫລັກ ຮອງຮັບ 24 ທີມທີ່ຜ່ານເຂົ້າຮອບສຸດທ້າຍໃນປີນີ້.
ສຳລັບນັກເຕະສາວທີມຊາດຝຣັ່ງ ເຄີຍສ້າງຜົນງານດີທີ່ສຸດໃນການແຂ່ງຂັນບານໂລກ ດ້ວຍການຄວ້າອັນດັບ 4 ປີ 2011 ຢູ່ເຢຍລະມັນ ເຊິ່ງຫລັງຈາກທີ່ນັກເຕະຊາຍຂອງຝຣັ່ງຄວ້າແຊ້ມບານໂລກ 2018 ຢູ່ຣັດເຊຍ ເຮັດໃຫ້ທີມບານເຕະຍິງຫວັງຈະຍ່າງຕາມຮອຍ ດ້ວຍການຄວ້າແຊ້ມຄັ້ງທຳອິດໃນປີນີ້ ໂດຍຝຣັ່ງຢູ່ກຸ່ມເອ ຮ່ວມກັບ ນໍເວ, ໄນຈີເຣຍ ແລະ ສ.ເກົາຫລີ ເຊິ່ງຈະລົງເຕະນັດເປີດສະໜາມພົບກັບ ສ.ເກົາຫລີ ໃນວັນທີ 7 ມິຖຸນາ.
