ຮອງ​ນາຍົກ ສອນ​ໄຊ ສີ​ພັນ​ດອນ ​ເນັ້ນຫລາຍ​ບັນຫາ​ໃຫ້​ຄະນະ​ຮັບຜິດ ຊອບ​ໂຄງການ​ບໍ່​ຄຳ ຄຳ​ເກີດ​ແສນ​ອຸດົມ​ເອົາ​ໃຈ​ໃສ່​ແກ້​ໄຂ

ຮອງ​ນາຍົກ ສອນ​ໄຊ ສີ​ພັນ​ດອນ ​ເນັ້ນຫລາຍ​ບັນຫາ​ໃຫ້​ຄະນະ​ຮັບຜິດ ຊອບ​ໂຄງການ​ບໍ່​ຄຳ ຄຳ​ເກີດ​ແສນ​ອຸດົມ​ເອົາ​ໃຈ​ໃສ່​ແກ້​ໄຂ - advert banner 728 90 728x90 - ຮອງ​ນາຍົກ ສອນ​ໄຊ ສີ​ພັນ​ດອນ ​ເນັ້ນຫລາຍ​ບັນຫາ​ໃຫ້​ຄະນະ​ຮັບຜິດ ຊອບ​ໂຄງການ​ບໍ່​ຄຳ ຄຳ​ເກີດ​ແສນ​ອຸດົມ​ເອົາ​ໃຈ​ໃສ່​ແກ້​ໄຂ
ຮອງ​ນາຍົກ ສອນ​ໄຊ ສີ​ພັນ​ດອນ ​ເນັ້ນຫລາຍ​ບັນຫາ​ໃຫ້​ຄະນະ​ຮັບຜິດ ຊອບ​ໂຄງການ​ບໍ່​ຄຳ ຄຳ​ເກີດ​ແສນ​ອຸດົມ​ເອົາ​ໃຈ​ໃສ່​ແກ້​ໄຂ - sonexay - ຮອງ​ນາຍົກ ສອນ​ໄຊ ສີ​ພັນ​ດອນ ​ເນັ້ນຫລາຍ​ບັນຫາ​ໃຫ້​ຄະນະ​ຮັບຜິດ ຊອບ​ໂຄງການ​ບໍ່​ຄຳ ຄຳ​ເກີດ​ແສນ​ອຸດົມ​ເອົາ​ໃຈ​ໃສ່​ແກ້​ໄຂ

ແຫລ່ງຂ່າວ ຂປລ ລາຍງານວ່າ: ວັນທີ 27 ກຸມພານີ້, ທ່ານ ສອນໄຊ ສີພັນດອນຮອງນາຍົກລັດຖະມົນຕີ, ໄດ້ເຄື່ອນໄຫວຢ້ຽມຢາມໂຄງການບໍ່ຄໍາ ຄໍາເກີດແສນອຸດົມທີ່ເມືອງຄໍາເກີດ ແຂວງບໍລິຄໍາໄຊ, ໂດຍມີທ່ານປະທານກຸ່ມບໍລິສັດພອນສັກ ແລະຜູ້ຕາງຫນ້າບັນດາຂະແຫນງການທີ່ກ່ຽວຂ້ອງ ຂັ້ນສູນກາງ ແລະແຂວງບໍລິຄໍາໄຊ ໃຫ້ການຕ້ອນຮັບຢ່າງອົບອຸ່ນ.ໂອກາດນີ້, ທ່ານ ຮອງນາຍົກລັດຖະມົນຕີ ແລະ ຄະນະໄດ້ຮັບຟັງການລາຍງານສະພາບການພັດທະນາໂຄງການບໍ່ຄໍາ ຄໍາເກີດແສນອຸດົມ ຈາກທ່ານ ຄໍາປຸ່ນ ໂງ່ນກະເສີມສຸກຮອງຜູ້ອໍານວຍການໃຫຍ່ຝ່າຍເຕັກນິກຂອງໂຄງການ ເຊິ່ງລະບຸວ່າ: ໂຄງການດັ່ງກ່າວມີເນື້ອທີ່ສໍາປະທານທັງຫມົດ1.802 ກິໂລຕາແມັດ, ປະກອບມີ ເນື້ອທີ່ເຂດຊອກຄົ້ນ1.340 ກິໂລຕາແມັດ, ເນື້ອທີ່ເຂດສໍາຫລວດ 409 ກິໂລຕາແມັດ ແລະ ເນື້ອທີ່ຂຸດຄົ້ນ 53 ກິໂລຕາແມັດ, ມີໄລຍະເວລາສໍາປະທານໃຫມ່ ແຕ່ປີ 2018-2025. ສໍາລັບການປະກອບພັນທະໃຫ້ແກ່ລັດຖະບານປະຈໍາປີ 2018 ແມ່ນໄດ້ຊໍາລະແລ້ວເກືອບ 6 ແສນໂດລາສະຫະລັດ, ຍັງຄ້າງຊໍາລະ 2 ແສນກວ່າໂດລາສະຫະລັດແຕ່ທາງໂຄງການກໍາລັງດໍາເນີນການຢູ່. ສ່ວນແຮງງານຂອງໂຄງການ ມີທັງຫມົດ1.400 ກວ່າຄົນ ໂດຍແມ່ນແຮງງານລາວກວມ 85%.

ຮອງ​ນາຍົກ ສອນ​ໄຊ ສີ​ພັນ​ດອນ ​ເນັ້ນຫລາຍ​ບັນຫາ​ໃຫ້​ຄະນະ​ຮັບຜິດ ຊອບ​ໂຄງການ​ບໍ່​ຄຳ ຄຳ​ເກີດ​ແສນ​ອຸດົມ​ເອົາ​ໃຈ​ໃສ່​ແກ້​ໄຂ - new3 - ຮອງ​ນາຍົກ ສອນ​ໄຊ ສີ​ພັນ​ດອນ ​ເນັ້ນຫລາຍ​ບັນຫາ​ໃຫ້​ຄະນະ​ຮັບຜິດ ຊອບ​ໂຄງການ​ບໍ່​ຄຳ ຄຳ​ເກີດ​ແສນ​ອຸດົມ​ເອົາ​ໃຈ​ໃສ່​ແກ້​ໄຂ

ນອກຈາກນັ້ນ ຄາດຫມາຍການຂຸດຄົ້ນແຮ່ປ້ອນໂຮງງານໃນປີ 2019 ແມ່ນປະມານ 30ພັນໂຕນ/ມື້, ນັບແຕ່ປີ 2020 ເປັນຕົ້ນໄປ ແມ່ນປະມານ 50 ພັນໂຕນ/ມື້.

ໃນໂອກາດດຽວກັນ, ທ່ານ ຮອງນາຍົກລັດຖະມົນຕີໄດ້ຍ້ອງຍໍຊົມເຊີຍ ຕໍ່ຄວາມສາມາດ ແລະ ຜົນສໍາເລັດ ທີ່ທາງໂຄງການສາມາດປະຕິບັດໄດ້ໃນໄລຍະຜ່ານມາ ເປັນຕົ້ນການນໍາໃຊ້ກົນຈັກ, ເຄື່ອງມືແລະ ເຕັກນິກທີ່ທັນສະໄຫມ, ຄວາມຄືບຫນ້າໃນການປະຕິບັດໂຄງການ ແລະ ອື່ນໆ.

ຮອງ​ນາຍົກ ສອນ​ໄຊ ສີ​ພັນ​ດອນ ​ເນັ້ນຫລາຍ​ບັນຫາ​ໃຫ້​ຄະນະ​ຮັບຜິດ ຊອບ​ໂຄງການ​ບໍ່​ຄຳ ຄຳ​ເກີດ​ແສນ​ອຸດົມ​ເອົາ​ໃຈ​ໃສ່​ແກ້​ໄຂ - lattana 1 - ຮອງ​ນາຍົກ ສອນ​ໄຊ ສີ​ພັນ​ດອນ ​ເນັ້ນຫລາຍ​ບັນຫາ​ໃຫ້​ຄະນະ​ຮັບຜິດ ຊອບ​ໂຄງການ​ບໍ່​ຄຳ ຄຳ​ເກີດ​ແສນ​ອຸດົມ​ເອົາ​ໃຈ​ໃສ່​ແກ້​ໄຂ

ອັນສໍາຄັນ, ທ່ານ ຮອງນາຍົກລັດຖະມົນຕີ ໄດ້ຊີ້ນໍາໃຫ້ພາກສ່ວນທີ່ກ່ຽວຂ້ອງຮີບຮ້ອນດໍາເນີນການແກ້ໄຂບັນຫາທີ່ຍັງຄົງຄ້າງ ເປັນຕົ້ນການລົງເລິກລາຍລະອຽດຂອງສັນຍາຍ່ອຍ ແລະ ການກວດກາຢັ້ງຢືນຄຸນນະພາບແຕ່ລະດ້ານ; ການປະຕິບັດພັນທະຕ່າງໆ, ການແກ້ໄຂຄໍາສະເຫນີ ຂອງປະຊາຊົນທ້ອງຖິ່ນ, ການຊົດເຊີຍຜົນກະທົບຕໍ່ສິ່ງແວດລ້ອມ, ສັງຄົມ ແລະ ອື່ນໆ. ພ້ອມນີ້, ໃຫ້ເອົາໃຈໃສ່ວຽກງານການປ້ອງກັນຄວາມປອດໄພຕໍ່ຊີວິດ, ຊັບສິນ ແລະ ສິ່ງແວດລ້ອມ; ເອົາໃຈໃສ່ປະຕິບັດວຽກງານໃຫ້ເປັນໄປຕາມສັນຍາ, ຖືກຕ້ອງຕາມກົດຫມາຍ ແລະ ບຽບການ ຢ່າງເຂັ້ມງວດ; ສ້າງເງື່ອນໄຂໃຫ້ປະຊາຊົນ ແລະ ສັງຄົມ ໄດ້ຮັບຜົນປະໂຫຍດຈາກໂຄງການດັ່ງກ່າວຢ່າງແທ້ຈິງ; ສ້າງໃຫ້ກາຍເປັນໂຄງການຕົວແບບໃນການພັດທະນາຂອງຂະແຫນງບໍ່ແຮ່ໃນອະນາຄົດ; ບັນດາຂະແຫນງການທີ່ກ່ຽວຂ້ອງຂັ້ນສູນກາງ, ທ້ອງຖິ່ນ ແລະ ໂຄງການຕ້ອງປະສານສົມທົບກັນດໍາເນີນວຽກງານດ້ານຕ່າງໆທີ່ກ່ຽວຂ້ອງກັບໂຄງການບໍ່ຄໍາ ຄໍາເກີດແສນອຸດົມ ໃຫ້ມີຄວາມເປັນເອກະພາບ, ຈະແຈ້ງ ແລະ ຮັບປະ ກັນໄດ້ຜົນປະໂຫຍດສູງສຸດຕໍ່ປະເທດຊາດ, ປະຊາຊົນ ແລະ ຜູ້ພັດທະນາໂຄງການ.

ໃນໂອກາດເຄື່ອນໄຫວເຮັດວຽກໃນຄັ້ງນີ້, ທ່ານຮອງນາຍົກລັດຖະມົນຕີ ພ້ອມດ້ວຍຄະນະຍັງໄດ້ໄປຢ້ຽມຊົມໂຮງງານຄັດແຍກ, ປຸງແຕ່ງ ແລະ ຜະລິດແຮ່ຄໍາ ຂອງໂຄງການດັ່ງກ່າວນີ້ ຕື່ມອີກ.

error: Content is protected !!