ແມ່ຍິງ​ກັບ​ຮູບ​ການຈຳ​ແນ​ກທີ່​ກາຍ​ເປັນ​ຄ່າ​ນິຍົມ

ແມ່ຍິງ​ກັບ​ຮູບ​ການຈຳ​ແນ​ກທີ່​ກາຍ​ເປັນ​ຄ່າ​ນິຍົມ - advert banner 728 90 728x90 - ແມ່ຍິງ​ກັບ​ຮູບ​ການຈຳ​ແນ​ກທີ່​ກາຍ​ເປັນ​ຄ່າ​ນິຍົມ

​​ໂດຍ: ຈານ​ແຫຍ່

ຮອບວຽນພົບກັບຈານ ແຫຍ່ມື້ນີ້ ພໍດີເປັນໄລຍະວັນ ແມ່ຍິງສາກົນ 8 ມີນາ ຫຍັບຈໍ້ ມໍ່ມາດັ່ງນັ້ນ ຈຶ່ງບໍ່ຕ້ອງການ ແກວ່ງຄ້ອນກາຍໝາກມ່ວງ. ທີ່ຈະເວົ້ານີ້ເປັນບັນຫາຕະປິດຕະປີ່ ເກັບຫ້າເກັບສິບມາຈາກ ສຽງຂອງສັງຄົມທີ່ພົວພັນກັບ ແມ່ຍິງລາວເຮົາຍຸກນີ້.

ຈຳໄດ້ຄັ້ງໜຶ່ງວ່າໃນເວ ລາສະພາແຫ່ງຊາດດຳເນີນ ກອງປະຊຸມໄດ້ມີນັກເຄື່ອນ ໄຫວເພື່ອບົດບາດຍິງ-ຊາຍ ຜູ້ໜຶ່ງຂຽນຈົດໝາຍເຖິງຄະ ນະຮັບຜິດຊອບສາຍດ່ວນ ຈາກສັງຄົມ. ຈົດໝາຍທີ່ວ່າ ນັ້ນໄດ້ສັງລວມເອົາບັນຫາຍາວ ຄ່າສອກກ່ຽວກັບເລື່ອງ ທີ່ບໍ່ສົມມາພາຄວນເຮັດກັບ ແມ່ຍິງແຕ່ຈານແຫຍ່ຂໍສັງລວມມາສະເໜີພຽງບາງ ສ່ວນເທົ່ານັ້ນ ແລະ ສະເໜີ ໃນຮູບຂໍຄຳເຫັນນຳຜູ້ອ່ານໄປພ້ອມຄື:

1.ບັນຫາ “ມືອ່ອນ ເຫຍັ້ນເຫລົ້າ” ບໍລິການນັກ ດື່ມເພດຊາຍ. ເຈົ້າຂອງຈົດ ໝາຍບອກວ່າປະເພນີນີ້ຄວນລຶບລ້າງໄວເທົ່າໃດແຮງດີ ເພາະມັນເຮັດໃຫ້ເຈົ້າມືອ່ອນ (ເປົ້າໝາຍແມ່ນສາວໂສດ ຍັງເອາະໆ) ກາຍເປັນຂອງຫລິ້ນສິ້ນຄ່າ, ເປັນສິ່ງພາເພີນ ຈະເລີນອາລົມຂອງເຫລົ່າ ຄໍທອງແດງ.

ເລື່ອງນີ້ ແມ່ຍິງເອງກໍ ຄວນມີຈິດສຳນຶກເປັນຂອງ ຕົນເອງຢ່າພູມໃຈທີ່ໄດ້ບໍລິ ການເປັນມືອ່ອນ.

2.ເຈົ້າຂອງຈົດໝາຍ ຄົນເດີມບອກວ່າ ປະເພນີ ຊອກຍິງສາວເອາະໆ ໜ້າຕາ ດີມາບໍລິການ “ເຈົ້ານາຍ” ຜູ້ ຫລັກຜູ້ໃຫຍ່ ຫລື ແຂກຂັ້ນ ເທິງນັ້ນໄດ້ກາຍເປັນລົດ ນິຍົມ-ຄ່ານິຍົມທົ່ວໄປແລ້ວ ຖ້າເປັນການໃຫ້ບໍລິການ ເພື່ອອຳນວຍຄວາມສະດວກທົ່ວໆໄປຄົງບໍ່ເປັນບັນຫາ ແຕ່ນີ້ເປັນການຫາສາວໆມານັ່ງສັບຫວ່າງໃຫ້ໄດ້ບຽດ ເນື້ອສີຕົວກັບແຂກ.

ເມື່ອນ້ຳເມົາແຜງລິດ, ການລວນລາມຮ່າງກາຍ ຂອງລູກແສ້ຫລານສາວກໍ ເປັນໄປຢ່າງອັດຕະໂນມັດ. ນີ້ຢາກໃຫ້ເບິ່ງຄັກໆ ວ່າມັນ ແມ່ນປະເພນີລາວເຮົາແທ້ບໍ່? ຫລື ເປັນເລື່ອງແປກປອມ ທີ່ເຮັດໃຫ້ວັດທະນະທຳລາວ ເຮົາເສື່ອມເສຍ.

ແມ່ຍິງ​ກັບ​ຮູບ​ການຈຳ​ແນ​ກທີ່​ກາຍ​ເປັນ​ຄ່າ​ນິຍົມ - lattana 1 - ແມ່ຍິງ​ກັບ​ຮູບ​ການຈຳ​ແນ​ກທີ່​ກາຍ​ເປັນ​ຄ່າ​ນິຍົມ
ແມ່ຍິງ​ກັບ​ຮູບ​ການຈຳ​ແນ​ກທີ່​ກາຍ​ເປັນ​ຄ່າ​ນິຍົມ - 1 1 - ແມ່ຍິງ​ກັບ​ຮູບ​ການຈຳ​ແນ​ກທີ່​ກາຍ​ເປັນ​ຄ່າ​ນິຍົມ

3.ການຕ້ອນຮັບຂັບສູ່ ແບບຄົບວົງຈອນທີ່ລົງທ້າຍ ດ້ວຍຮູບການ “ລ້ຽງດູປູ ເສື່ອ” ຄຳເວົ້າທ່ອນສຸດທ້າຍ ນີ້ ໃຜໆກໍຕີຄວາມໝາຍອອກ ວ່າການຕ້ອນຮັບແຂກຄົນ (ແຂກຜູ້ຊາຍ) ນັ້ນຕ້ອງໃຫ້ຄົບຊຸດດ້ວຍການ “ລ້ຽງດູ…” (ດ້ວຍອາຫານເຄ່ືອງ ດື່ມທີ່ອຸດົມສົມບູນ) ແລະ ປູ ເສື່ອດ້ວຍການຊອກສາວມາບໍລິການນອນຮ່ວມເສື່ອເພື່ອປ້ອງກັນບໍ່ໃຫ້ແຂກນອນ ເຫລີຕາຍ. ເຈົ້າຂອງໜັງສືທີ່ ສົ່ງເຖິງສາຍດ່ວນ ສະພານັ້ນ ເວົ້າແຈ້ງວ່າ ປະເພນີ “ລ້ຽງດູປູເສື່ອ” ນັ້ນໄດ້ແຜ່ລະບາດ ໄປທົ່ວຍ່ອມຫຍ້າພູເຂົາແລ້ວ, ຄືຖ້າບໍ່ບໍລິການເລື່ອງ ນີ້ກໍຖືວ່າ ຍັງບໍ່ທັນຄົບວົງຈອນເທື່ອ ແລະ ແຂກ(ຜູ້ຊາຍ ບາງຄົນ) ທີ່ບໍ່ໄດ້ຮັບການ ບໍລິການ “ປູເສື່ອ” ເວລາລົງ ໄປເຮັດວຽກຢູ່ຕ່າງເຂດກໍ  ຈະຕ່ຳຄ້ອຍນ້ອຍໃຈວ່າຕົນ     “ໄປຮອດແຕ່ບໍ່ເຫັນ”.

4.ການສຳພາດເພື່ອ ໃຫ້ຖືກບັນຈຸເຂົ້າເປັນພະນັກ ງານລັດ ຫລື ເອກະຊົນນັ້ນ  ຢາກ ຫລື ບໍ່ຢາກຍິງສາວຮູບຮ່າງໜ້າຕາດີມັກຈະມີກຳ ລັງຕໍ່ລອງສູງຍ້ອນຄະນະ ສຳພາດ (ເຊິ່ງສ່ວນໃຫຍ່ເປັນ ຜູ້ຊາຍ) ມັກຈະຖືວ່າຄວາມ ງາມຕ້ອງມາກ່ອນ, ຍິ່ງເປັນ ຕຳແໜ່ງເລຂາສ່ວນຕົວແຮງຍິ່ງຈຳເປັນ. ເຈົ້າຂອງຈົດ ໝາຍບອກວ່ານີ້ເປັນການຈຳ ແນກທີ່ເຫັນຢ່າງຈະແຈ້ງ ຕໍ່ເພດຍິງ. ຖ້າຄວາມງາມ, ຄວາມມີສະເໜ່ບວກກັບ ຄວາມຮູ້ຄວາມສາມາດແທ້ ກໍຄົງບໍ່ເປັນບັນຫາ. ແມ່ຍິງທີ່ ມີລູກມີຜົວແລ້ວນັ້ນມັກຈະ ບໍ່ຢູ່ໃນສາຍຕາຂອງກຳມະ ການຄັດເລືອກພໍປານໃດ. ຂີ້ຮ້າຍໄປກວ່ານັ້ນ ຄຳຖາມ ສຳພາດ (ສຳລັບຜູ້ສະໝັກ ຍິງ) ບາງຄັ້ງຍັງລາມໄປ ເຖິງ ແຜນຂອງຜູ້ສະໝັກກ່ຽວ ກັບການສ້າງຄອບຄົວມີລູກ ມີເຕົ້າໃນອະນາຄົດໃກ້ໆ. ຍິງ ສະໝັກຄົນໃດມີແຜນທີ່ວ່າ ກໍມັກຈະມີກຳລັງຕໍ່ລອງ ໜ້ອຍລົງ.

ເລື່ອງນີ້ຍັງບໍ່ສຸດພຽງ ເທ່ົານີ້ ແຕ່ພື້ນທີ່ຄໍລຳຈຳກັດ ດັ່ງນັ້ນຈິງຂໍຄັດຈ້ອນເອົາແຕ່ຂໍ້ເດັດໆ ຈາກໜັງສືນ້ອຍກ້ານ ນັ້ນເຖິງກອງປະຊຸມສະພາ ແຫ່ງຊາດ ທີ່ກ່າວເຖິງໃນ ເບື້ອງຕົ້ນ.

ຂໍໃຫ້ຄິດຫງຳຮ່ວມກັນ ວ່າ ສິ່ງທີ່ເຈົ້າຂອງໜັງສືເວົ້າ ນັ້ນຖືກ-ຜິດ “ຫລາຍໜ້ອຍສ່ຳໃດ”./.

ແມ່ຍິງ​ກັບ​ຮູບ​ການຈຳ​ແນ​ກທີ່​ກາຍ​ເປັນ​ຄ່າ​ນິຍົມ - 527 - ແມ່ຍິງ​ກັບ​ຮູບ​ການຈຳ​ແນ​ກທີ່​ກາຍ​ເປັນ​ຄ່າ​ນິຍົມ
(ພາບປະກອບ)


error: Content is protected !!