ອາເມລິກາຕັ້ງລາງວັນນຳຈັບ ລູກຊາຍບິນລາເດັນ 1 ລ້ານໂດລາ

ອາເມລິກາຕັ້ງລາງວັນນຳຈັບ ລູກຊາຍບິນລາເດັນ 1 ລ້ານໂດລາ - advert banner 728 90 728x90 - ອາເມລິກາຕັ້ງລາງວັນນຳຈັບ ລູກຊາຍບິນລາເດັນ 1 ລ້ານໂດລາ

       ​ເຈົ້າໜ້າ​ທີ່​ກະຊວງ​ຕ່າງປະ​ເທດອາ​ເມ​ລິ​ກາ​ເຊື່ອ​ວ່າ: ທ້າວ ຮຳ​ຊາ ອາດ​ລີ້​ຊ້ອນ​ຢູ່​ຕາມ​ຊາຍ​ແດນ​ຕິດ​ຕໍ່​ລະຫວ່າງ​ອັບ​ກາ​ນິດ​ສະຖານ ​ແລະ ປາ​ກິດ​ສະຖານ ​ແລະ ອາດ​ຈະ​ຂ້າມ​ຊາຍ​ແດນ​ເຂົ້າ​ໄປ​ໃນ​ອີຣານ.

ອາເມລິກາຕັ້ງລາງວັນນຳຈັບ ລູກຊາຍບິນລາເດັນ 1 ລ້ານໂດລາ - lattana 1 - ອາເມລິກາຕັ້ງລາງວັນນຳຈັບ ລູກຊາຍບິນລາເດັນ 1 ລ້ານໂດລາ

      ກະຊວງ​ຕ່າງປະ​ເທດ​ອາ​ເມ​ລິ​ກາ ພ້ອມ​ຈ່າຍ 1 ລ້ານ​ໂດ​ລາ​ສະຫະລັດ ​ແກ່​ຜູ້​ໃຫ້​ເບາະ​ແສ​ທີ່​ນຳ​ໄປ​ສູ່​ການ​ຈັບ​ກຸມ​ທ້າວ ຮຳ​ຊາ ລູກ​ຊາຍ​ຂອງທ້າວ ​ໂອຊາ​ມາ ບິນ​ລາ​ເດັນ ອະດີດ​ຜູ້ນຳ​ກຸ່ມ​ກໍ່​ການ​ຮ້າຍ​ອານ​ໄກ​ດາ ທີ່​ຖືກ​ໜ່ວຍ​ປະຕິບັດ​ການ​ພິ​ເສດ​ຂອງ​ອາ​ເມ​ລິ​ກາ ຂ້າ​ເສຍ​ຊີວິດ​​ໃນ​ປາ​ກິດ​ສະຖານ ປີ 2011.

      ທັງ​ນີ້, ​ໄລຍະ​ຫລາຍ​ປີຜ່ານມາ ທ້າວ ຮຳ​ຊາ ​ໄດ້​ເຜີຍ​ແຜ່​ວີ​ດີ​ໂອ ​ແລະ ສຽງ ຮຽກຮ້ອງ​ໃຫ້​ບັນດາ​ຜູ້​ຈົງ​ຮັກ​ພັກດີ​ຕໍ່ ບິນ​ລາ​ເດັນ ປະຕິບັດ​ການ​ໂຈມ​ຕີ​ອາ​ເມ​ລິ​ກາ ​ແລະ ບັນດາ​ປະ​ເທດ​ພັນທະ​ມິດ​ຂອງ​ອາ​ເມ​ລິ​ກາ​ໃນຕ​າ​ເວັນ​ຕົກ ​ເພື່ອ​ແກ້​ແຄ້ນ​ທີ່​ອາ​ເມ​ລິ​ກາ ​ແລະ ປະ​ເທດ​ພັນທະ​ມິດ​ສັງຫານ​ພໍ່​ຂອງ​ຕົນ.

       ອາ​ເມ​ລິ​ກາ ປະກາດ​ວ່າ: ທ້າວ ຮຳ​ຊາ ບິນ​ລາ​ເດັນ ທີ່​ທາງ​ການ​ອາ​ເມ​ລິ​ກາ​ເຊື່ອ​ວ່າ​ມີ​ອາຍຸ​ປະມານ 30 ປີ ​ເປັນ​ກໍ່​ການ​ຮ້າຍ​ລະດັບ​ໂລກ​ມາ​ແຕ່ 2 ປີ​ກ່ອນ ຫລັງ​ຈາກ​ພົບ​ຫລັກ​ຖານ​ຄື​ຈົດໝາຍ​ສະບັບ​ໜຶ່ງ​ທີ​່ມີ​ເນື້ອ​ໃນ​ລະບຸ​ວ່າ: ອານ​ໄກ​ດາ​ໄດ້​ຝຶກ​ແອບ​ທ້າວ ຮຳ​ຊາ ​ເຊິ່ງ​ເປັນ​ລູກ​ຊາຍ​ຂອງ ບິນ​ລາ​ເດັນ ​ເພື່ອ​ໃຫ້​ລາວ​ກ້າວ​ຂຶ້ນມາ​ເປັນ​ຜູ້ນຳ​ກຸ່ມ​ອານ​ໄກ​ດາ​ໃນ​ອະນາຄົດ.

ອາເມລິກາຕັ້ງລາງວັນນຳຈັບ ລູກຊາຍບິນລາເດັນ 1 ລ້ານໂດລາ - 1 1 - ອາເມລິກາຕັ້ງລາງວັນນຳຈັບ ລູກຊາຍບິນລາເດັນ 1 ລ້ານໂດລາ