ວິທີເລືອກຕັ່ງນັ່ງເຮັດວຽກເພື່ອຊ່ວຍຫລຸດອາການປວດຫລັງ
ມື້ນີ້ພວກເຮົາມີເຄັດລັບໃນການເລືອກຕັ່ງນັ່ງສຳລັບເຮັດວຽກ ເພື່ອຊ່ວຍປ້ອງກັນ ຫລື ຫລຸດອາການປວດຫລັງປວດແອວເວລາທີ່ຕ້ອງນັ່ງເຮັດວຽກດົນໆມາແນະນຳທ່ານ.
1. ຄວາມສູງຂອງຕັ່ງ : ຖ້າປັບໄດ້ຄວນຈະປັບໃຫ້ຄວາມສູງເມື່ອ ທ່ານນັ່ງແລ້ວຕີນທັງ 2 ເບື້ອງວາງເທິງພື້ນໄດ້ຢ່າງສະບາຍ ໂດຍໃຫ້ລະດັບຫົວເຂົ່າສູງກ່ວາລະດັບກະໂພກໜ້ອຍໜຶ່ງ.
2. ມີບ່ອນອີງຫລັງ : ການນັ່ງເຮັດວຽກໂດຍບໍ່ມີບ່ອນອີງຫລັງບໍ່ພຽງແຕ່ເກີດຜົນຮ້າຍຕໍ່ກ້າມຊີ້ນເທົ່ານັ້ນ ແຕ່ຍັງເຮັດໃຫ້ໝອນຮອງກະດູກສັນຫລັງເສື່ອມໄວຂຶ້ນນຳ ຈຶ່ງຄວນເລືອກຕັ່ງນັ່ງເຮັດວຽກທີ່ມີບ່ອນອີງ ເຊິ່ງມີລັກສະນະແອນໄປທາງຫລັງໜ້ອຍໜຶ່ງ ເມື່ອວັດແທກມຸມຂອງບ່ອນຮອງນັ່ງກັບບ່ອນອີງຄວນຈະມີມຸມໂດຍປະມານ 110 ອົງສາ. ສ່ວນບ່ອນອີງຕ້ອງແອນ ແລະ ໂຍກບໍ່ໄດ້ ແລະ ຄວນນັ່ງໃຫ້ກົ້ນຕິດກັບບ່ອນອີງຫລາຍທີ່ສຸດ.
ຄວາມສູງຂອງບ່ອນອີງຄວນສູງລະດັບບ່າໄຫລ່ ຫລື ຕໍ່າກ່ວາໜ້ອຍໜຶ່ງກໍໄດ້ ແລະ ເມື່ອນັ່ງອີງແລ້ວໃຫ້ຫຍັບຕັ່ງເຂົ້າໃຫ້ໃກ້ຂອບໂຕະ ຈະຊ່ວຍໃຫ້ສາມາດນັ່ງເຮັດວຽກໄດ້ດົນຍິ່ງຂຶ້ນ.
3. ເບາະຮອງນັ່ງ : ຄວນເລືອກຕັ່ງນັ່ງເຮັດວຽກທີ່ມີຄວາມເລິກຂອງເບາະບໍ່ຫລາຍໄປກ່ວາຊ່ວງກົກຂາຂອງທ່ານ ເຊິ່ງຈະເຮັດໃຫ້ທ່ານນັ່ງອີງບ່ອນອີງ ແລະ ເຮັດວຽກໄດ້ຢ່າງສະບາຍ. ສຳລັບບ່ອນວາງແຂນນັ້ນບໍ່ມີຜົນໂດຍກົງຕໍ່ອາການປວດແຂນ, ແຕ່ຈະມີຜົນຕໍ່ຄົນທີ່ມີອາການປວດຫົວເຂົ່າ ເຊິ່ງຄວນຫາຕັ່ງທີ່ມີບ່ອນວາງແຂນເພື່ອຊ່ວຍຄຳ້ໂຕເວລາລຸກຂຶ້ນນັ່ງ.
ນອກຈາກເລືອກຕັ່ງນັ່ງເຮັດວຽກໄດ້ເໝາະສົມກັບຮູບຮ່າງແລ້ວ ຢ່າລືມວ່າຄວນໝັ່ນປ່ຽນທ່າທາງໃນການນັ່ງ – ຢືນເຮັດວຽກທຸກໆ 2 ຊົ່ວໂມງນຳ ເພື່ອໃຫ້ຮ່າງກາຍໄດ້ມີການເຄື່ອນໄຫວໄປມາແນ່.
