7 ວິຕາມິນ ແລະ ເກືອແຮ່ຊ່ວຍໃຫ້ນອນຫລັບສະບາຍ

- advert banner 728 90 728x90 - 7 ວິຕາມິນ ແລະ ເກືອແຮ່ຊ່ວຍໃຫ້ນອນຫລັບສະບາຍ

    ຫລັງຈາກແນະນຳວິທີຊ່ວຍໃຫ້ຫລັບງ່າຍມາຫລາກຫລາຍວິທີໃຫ້ແລ້ວ ກໍເຖິງເວລາແນະນຳວິຕາມິນ  ແລະ ເກືອແຮ່ ເພື່ອຊ່ວຍໃຫ້ນອນຫລັບແຈບດີ ຖືເປັນສານອາຫານທີ່ເຮັດໜ້າທີ່ສຳຄັນຢ່າງຍິ່ງຕໍ່ລະບົບການນອນຂອງເຮົາ.

- lattana 1 - 7 ວິຕາມິນ ແລະ ເກືອແຮ່ຊ່ວຍໃຫ້ນອນຫລັບສະບາຍ

     1. ວິຕາມິນ B 5 : ຊ່ວຍຜ່ອນຄາຍຄວາມເຄັ່ງຄຽດ ແລະ ຄວາມກະວົນກະວາຍ. ສ່ວນແຫ່ລງອາຫານຈາກທຳມະຊາດແມ່ນມີໃນເຂົ້າຊະນິດຕ່າງໆ ໂດຍສະເພາະໃນເຂົ້າເໝົ້າ, ເຂົ້າກໍ່າ, ເຂົ້າເບລ, ໂຢເກິດ, ໝາກໄມ້ສົດ, ຜັກໃບຂຽວ, ເຫັດ ແລະ ຖົ່ວຊະນິດຕ່າງໆ. ປະລິມານທີ່ແນະນຳໃຫ້ກິນຕໍ່ມື້ແມ່ນ 100 ມິນລີກຣາມ.

     2. ວິຕາມິນ B 6 : ຊ່ວຍສ້າງເຊໂຣໂທນິນ ທີ່ເປັນໂຕສ້າງເມລາໂທນິນ ຊ່ວຍໃຫ້ຫລັບແຈບດີ. ແຫ່ລງອາຫານຈາກທຳມະຊາດແມ່ນມີໃນ ເນີຍ, ຊິສ ໂດຍແນະນຳໃຫ້ກິນຕໍ່ມື້ແມ່ນ 50 -100 ມິນລີກຣາມ.

     3. ວິຕາມິນ B 12 : ຊ່ວຍຫລຸດບັນຫາອາການນອນບໍ່ຫລັບໄດ້ໂດຍກົງ ເຊິ່ງມີໃນແຫລ່ງອາຫານຈາກທຳມະຊາດແມ່ນໃນຖົ່ວວອນນັດ, ແກ່ນດອກຕາເວັນ, ໝາກກ້ວຍ, ປາທູນ່າ, ໝາກສາລີ, ແປ້ງສາລີ, ຖົ່ວດິນ, ທັນຍາພືດ. ສ່ວນປະລິມານທີ່ແນະນຳໃຫ້ກິນຕໍ່ມື້ແມ່ນ 25 ມິນລີກຣາມ.

     4. ໂຟລິກອາຊິດ : ມີປະໂຫຍດຊ່ວຍໃຫ້ນອນຫລັບແຈບດີ ເໝາະສົມທີ່ສຸດສຳລັບຄົນທີ່ມີບັນຫາການນອນບໍ່ຫລັບ ເຊິ່ງມີໃນແຫລ່ງອາຫານຈາກທຳມະຊາດຄື ໃນໝາກກ້ຽງ, ຜັກໃບຂຽວ, ໝາກຖົ່ວຍາວ ແລະ ປະລິມານທີ່ແນະນຳໃຫ້ກິນຕໍ່ມື້ແມ່ນ 400 ໄມໂຄຣກຣາມ.

     5. ແມັກນີຊຽມ : ມີປະໂຫຍດຊ່ວຍຫລຸດອາການກະວົນກະວາຍ ແລະ ຊ່ວຍໃຫ້ນອນຫລັບສະບາຍ ເຊິ່ງມີໃນແຫ່ລງອາຫານຈາກທຳມະຊາດແມ່ນໝາກສາລີ, ແປ້ງສາລີ, ຖົ່ວອາວມັອນ, ແກ່ນໝາກມ່ວງຫິມະພານ, ສາຫລ່າຍທະເລ. ສ່ວນປະລິມານທີ່ແນະນຳໃຫ້ກິນຕໍ່ມື້ແມ່ນ 250 ກຣາມ.

     6. ທາດການຊຽມ : ມີປະໂຫຍດຊ່ວຍລະງັບປະສາດ ຈຶ່ງມີຜົນດີຕໍ່ຄົນທີ່ມີບັນຫານອນບໍ່ຫລັບ ຫລື ນອນຫລັບຍາກ ເຊິ່ງມີໃນແຫລ່ງອາຫານຈາກທຳມະຊາດແມ່ນປາໂຕນ້ອຍໆ ໂດຍປະລິມານທີ່ແນະນຳໃຫ້ກິນຕໍ່ມື້ແມ່ນ 600 ກຣາມ.

     7. ທອງແດງ : ມີສັບພະຄຸນຊ່ວຍໃຫ້ນອນຫລັບໄວຂື້ນ ແລະ ຮູ້ສຶກວ່າໄດ້ພັກຜ່ອນເຕັມທີ່ເມື່ອຕື່ນເຊົ້າຂຶ້ນມາ. ມີໃນແຫລ່ງອາຫານຈາກທຳມະຊາດ ເຊັ່ນ : ຫອຍນາງລົມ, ແກ່ນໝາກອຶ, ຖົ່ວເຫລືອງ, ໝາກງາ, ຖົ່ວເປືອກແຂງ, ໝາກເລັ່ນຕາກແຫ້ງ. ປະລິມານທີ່ແນະນຳໃຫ້ກິນຕໍ່ມື້ແມ່ນ 2 ມິນລີກຣາມ.