UN ເຕືອນຢ່າເມີນເສີຍ ຫລັງພົບ ພະຍາດຫັດລະບາດຢູ່ໄທ ແລະ ທົ່ວໂລກ

un ເຕືອນຢ່າເມີນເສີຍ ຫລັງພົບ ພະຍາດຫັດລະບາດຢູ່ໄທ ແລະ ທົ່ວໂລກ - advert banner 728 90 728x90 - UN ເຕືອນຢ່າເມີນເສີຍ ຫລັງພົບ ພະຍາດຫັດລະບາດຢູ່ໄທ ແລະ ທົ່ວໂລກ

      ອົງການ​ທຶນ​ເພື່ອ​ເດັກ​ແຫ່ງ​ສະຫະ​ປະຊາ​ຊາດ (ອຸຍ​ນິ​ເຊັບ) ຖະ​ແຫລ​ງ​ໃນ​ວັນ​ທີ 1 ມີນາ​ວ່າ: ມີ​ພຽງ​ບໍ່​ເທົ່າ​ໃດ​ປະ​ເທດ​ທີ່​ມີ​ແຜນ​ຮັບ​ມື​ພະຍາດ​ຫັດ​ທີ່​ພົບ​ການລະບາດ​ໄປ​ທົ່ວ​ໂລກ ລວມທັງ​ໄທ ​ແລະ ຝຣັ່ງ ​ເຊິ່ງຖື​ເປັນ​ໜຶ່ງ​ໃນ​ກຸ່ມ​ປະ​ເທດ​ຮັ່ງມີ​ທີ່​ສຸດ​ໃນ​ໂລກ.

un ເຕືອນຢ່າເມີນເສີຍ ຫລັງພົບ ພະຍາດຫັດລະບາດຢູ່ໄທ ແລະ ທົ່ວໂລກ - new3 - UN ເຕືອນຢ່າເມີນເສີຍ ຫລັງພົບ ພະຍາດຫັດລະບາດຢູ່ໄທ ແລະ ທົ່ວໂລກ

      ອຸຍ​ນິ​ເຊັບ ລາຍ​ງານ​ວ່າ: 98 ປະ​ເທດ​ມີ​ລາຍ​ງານ​ຜູ້​ຕິດ​ເຊື້ອພະຍາດ​ຫັດ​ເພີ່ມ​ຂຶ້ນ​ໃນ​ປີ 2017 ​ເຊິ່ງໜ່ວຍ​ງານ UN ​ເຕືອນ​ວ່າ: ສະຖານະ​ການ​ຄວາມ​ຂັດ​ແຍ່ງ, ບໍ່​ມີ​ແຜນ​ຮັບ​ມື ​ແລະ ການ​ຕໍ່ຕ້ານ​ການ​ຮັບ​ວັກ​ແຊັງ​ເພາະ​ຂາດ​ຄວາມ​ຮູ້​ທີ່​ຖືກຕ້ອງ​ທາງ​ການ​ແພດ ມີ​ສ່ວນ​ເຮັດ​ໃຫ້​ຄວາມ​ພະຍາຍາມ​ກຳຈັດ​ພະຍາດ​ຫັດ​ມາ​ຫລາຍ​ສິບ​ປີ​ບໍ່​ເປັນ​ຜົນ. ຜູ້ອຳນວຍການ​ອຸຍ​ນິ​ເຊັບ ກ່າວ​ວ່າ: ຄັ້ງນີ້​ຖື​ເປັນ​ສັນຍານ​ເຕືອນ​ໄພ, ຂະນະ​ທີ່​ປັດຈຸບັນ​ພວກ​ເຮົາ​ມີ​ວັກ​ແຊັງ​ທີ່​ປອດ​ໄພ, ມີ​ປະສິດທິພາບ ​ແລະ ລາຄາ​ບໍ່​ແພງ ພຽງພໍ​ທີ່​ຈະ​ລະງັບ​ການລະບາດ ​ແລະ ສາມາດ​ຊ່ວຍ​ປະຊາຊົນ​ໄດ້​ເກືອບ​ລ້ານ​ຄົນ​ທຸກ​ປີ​ໃນ​ໄລຍະ 20 ປີຜ່ານມາ ຈົນ​ທຸກ​ວັນ​ນີ້​ພະຍາດ​ຫັດ​ລະບາດ​ໜັກ​ຂຶ້ນນັບ​ແຕ່​ປີຜ່ານມາ ​ເນື່ອງ​ຈາກ​ບໍ່​ມີ​ມາດ​ຕະການ​ປ້ອງ​ກັນ​ທີ່​ດີ​ພໍ ​ເຊິ່ງຈະ​ສົ່ງ​ຜົນ​ຕໍ່​ເດັກ​ໃນ​ອະນາຄົດ. ພະຍາດ​ຫັດ​ແຜ່​ລະບາດ​ໄດ້​ງ່າຍ​ກວ່າ​ວັນນະ​ໂລກ ​ແລະ ອີ​ໂບລາ, ​ແຕ່​ມີ​ວັກ​ແຊັງ​ທີ່​ສາມາດ​ປ້ອງ​ກັນ​ໄດ້. ​ເຖິງ​ຢ່າງ​ໃດ​ກໍ​ຕາມ ອົງການ​ອະນາ​ໄມ​ໂລກ​ລາຍ​ງານ​ວ່າ: ພະຍາດ​ຫັດ​ລະບາດ​ທົ່ວ​ໂລກ​ເພີ່ມ​ຂຶ້ນ​ເກືອບ 50% ​ໃນ​ປີ 2017 ​ເຮັດ​ໃຫ້​ມີ​ຜູ້​ເສຍ​ຊີວິດ 136.000 ຄົນ. ອູ​ແກຣນ, ຟີ​ລິບ​ປິນ ​ແລະ ​ເບຣຊິນ ມີ​ລາຍ​ງານ​ຜູ້​ຕິດ​ເຊື້ອພະຍາ​ດຫັດ​ເພີ່ມ​ຂຶ້ນຫລາຍ​ທີ່​ສຸດ​ໃນ​ແຕ່ລະ​ປີ ​ແລະ ຢູ່​ຝຣັ່ງ ປະ​ເທດ​ທີ່​ຖື​ວ່າ​ຮັ່ງມີ​ກໍ​ພົບ​ຜູ້​ຕິດ​ເຊື້ອພະຍາດ​ຫັດ​ເພີ່ມ​ຂຶ້ນ​ເຊັ່ນ​ກັນ. ອຸຍ​ນິ​ເຊັບ ພົບ​ວ່າ: 10 ປະ​ເທດ​ທີ່​ມີ​ລາຍ​ງານ​ຜູ້​ຕິດ​ເຊື້ອພະຍາດ​ຫັດ​ອັນ​ດັບ​ຕົ້ນໆ ​ໄດ້​ແກ່ ​ເຢ​​ເມນ, ​ເວ​ເນ​ຊູ​ເອລາ, ​ແຊັກ​ບີ, ມາດາ​ກັດ​ກາ, ຊູ​ດັງ ​ແລະ ​ໄທ.

un ເຕືອນຢ່າເມີນເສີຍ ຫລັງພົບ ພະຍາດຫັດລະບາດຢູ່ໄທ ແລະ ທົ່ວໂລກ - lattana 1 - UN ເຕືອນຢ່າເມີນເສີຍ ຫລັງພົບ ພະຍາດຫັດລະບາດຢູ່ໄທ ແລະ ທົ່ວໂລກ
error: Content is protected !!