ເຈີຣາດ ປຸກ ເຣນເຈີ້ ກັບມາເດັ່ນອີກຄັ້ງ ຊ່ວຍທີມມີກຳໄລເພີ່ມຂຶ້ນຈາກເກືອບລົ້ມລະລາຍ

- advert banner 728 90 728x90 - ເຈີຣາດ ປຸກ ເຣນເຈີ້ ກັບມາເດັ່ນອີກຄັ້ງ ຊ່ວຍທີມມີກຳໄລເພີ່ມຂຶ້ນຈາກເກືອບລົ້ມລະລາຍ

      ​ເຣນ​ເຈີ້ ​ເອັຟຊີ ສະ​ໂມ​ສອນ​ບານ​ເຕະ​ຊື່​ດັງ​ໃນ​ລີກ​ສູງ​ສຸດ​ຂອງ​ສະ​ກັອດ​ແລນ ມີ​ກຳ​ໄລ 5,2 ລ້ານ​ປອນ ​ໃນ​ໄລຍະ 6 ​ເດືອນ​ທ້າ​ຍປີ 2018 ຜ່ານ​ມາ, ຫລັງ​ຈາກ​ລະດູ​ການ 2017-18 ຜ່ານ​ມາ ທີ​ມຂາດທຶນ​ເຖິງ 14,3 ລ້ານ​ປອນ. ​ເຣນ​ເຈີ້ ມີ​ລາຍ​ຮັບ​ໃນ​ໄລຍະ 6 ​ເດືອນ​ທ້າຍ​ປີ 2018 ສູງ​ເຖິງ 35,3 ລ້ານ​ປອນ, ຂະນະ​ທີ່​ໄລຍະ​ດຽວ​ກັນ​ເມື່ອ​ປີ 2017 ຜ່ານ​ມາ ​ເຣນ​ເຈີ້ ມີ​ລາຍ​ຮັບ​ພຽງ​ແຕ່ 19,4 ລ້ານ​ປອນ, ລາຍ​ໄດ້ 6 ​ເດືອນ​ທ້າຍ​ປີ 2018 ສູງ​ກວ່າ​ລາຍ​ໄດ້ 6 ​ເດືອນ​ທ້າຍ​ປີ 2017 ​ເຖິງ 82%.

- lattana 1 - ເຈີຣາດ ປຸກ ເຣນເຈີ້ ກັບມາເດັ່ນອີກຄັ້ງ ຊ່ວຍທີມມີກຳໄລເພີ່ມຂຶ້ນຈາກເກືອບລົ້ມລະລາຍ

       ​ເດ​ຟ ຄິງ ປະທານ​ສະ​ໂມ​ສອນ​ເຣນ​ເຈີ້ ກ່າວ​ວ່າ: ສິ່ງ​ເຮັດ​ໃຫ້​ສະ​ໂມ​ສອນ​ມີ​ລາຍ​ໄດ້​ສູງ​ກໍ​ເພາະວ່າ ສະ​ໂມ​ສອນ​ສາມາດ​ຜ່ານ​ການ​ຄັດ​ເລືອກ ​ແລະ ​ໄດ້​ແຂ່ງຂັນ​ໃນ​ຮອບ​ແບ່ງ​ກຸ່ມ ຢູຟາ ຢູ​ໂຣປາລີ​ກ ລະດູ​ການ​ນີ້ ພ້ອມ​ກັບ​ການ​ດຶງ ສະຕີ​ເວັນ ​ເຈີຣາດ ອະດີດ​ກອງ​ກາງ​ລິ​ເວີ​ພູລ ​ແລະ ທີ​ມຊາດ​ອັງກິດ ​ເຂົ້າມາ​ຄຸມ​ທີ​ມ ສາມາດ​ນຳ​ທີ​ມສ້າງ​ຜົນງານ​ໂດດ​ເດັ່ນ ​ແລະ ມີ​ຜູ້​ສະໜັບສະໜູນ​ຫລາຍ​ຂຶ້ນ. ​ເຈີຣາດ ​ໄດ້​ສ້າງ​ຄວາມ​ເຊື່ອ​ໝັ້ນຈາກ​ຜູ້​ສະໜັບສະໜູນ, ​ແຟນບານ ​ເຮັດ​ໃຫ້​ບັດ​ເຂົ້າຊົມ​ທີ​ມ​ໄດ້​ຂາຍ​ດີ​ເປັນ​ພິ​ເສດ.

      ​ເຣນ​ເຈີ້ ມີ​ລາຍ​ໄດ້​ຈາກ​ການ​ຂາຍ​ນັກ​ເຕະ 2,8 ລ້ານ​ປອນ. ຂະນະ​ດຽວ​ກັນ ສະ​ໂມ​ສອນ​ກໍ​ມີ​ລາຍ​ຈ່າຍ​ເພີ່ມ​ຂຶ້ນ​ເປັນ 29,1 ລ້ານ​ປອນ ​ເຊິ່ງ​ເພີ່ມ​ຂຶ້ນຈາກ​ລະດູ​ການ​ຜ່ານ​ມາ 10 ລ້ານ​ປອນ ​ເພາະວ່າ​ສະ​ໂມ​ສອນ​ມີ​ກາ​ນລົງທຶນ​ຫລາຍ​ຂຶ້ນ ​ແລະ ມີ​ການ​ເສີມ​ນັກ​ເຕະ​ຫລາຍ​ຂຶ້ນ ​ເນື່ອງ​ຈາກ​ສະ​ໂມ​ສອນ​ມີ​ການ​ແຂ່ງຂັນ​ຫລາຍ​ຂຶ້ນ ​ແລະ ຕ້ອງການ​ພັດທະນາ​ທີ​ມກັບ​ມາ​ໂດ່​ງ​ດັງ​ອີກ​ຄັ້ງ ຫລັງ​ຈາກ​ກ່ອນ​ໜ້າ​ນີ້ ຖືກ​ປັບ​ຕົກ​ໄປ​ຫລິ້ນ​ໃນ​ລີກ​ລະດັບ 4 ຂອງ​ປະ​ເທດ ​ເພາະ​ມີ​ບັນຫາ​ດ້ານ​ການ​ເງິນ.