ສວນອາຫານ “ມານາແມະ” ສະຖານທີ່ທ່ອງທ່ຽວແຫ່ງໃໝ່ ຊົມທຳມະຊາດໃກ້ຕົວເມືອງ
ໂດຍ: ຄຳພຸດ ເທບພະນົມ
ໃນວັນພັກຜ່ອນນີ້ທ່ານ ຈະໄປທ່ຽວໃສ ເພື່ອໃຫ້ໄດ້ບັນຍາກາດອັນລຽບງ່າຍໃນຮູບແບບຂອງທຳມະຊາດທີ່ເຕັມ ໄປດ້ວຍຄວາມງົດງາມ, ໜ້າປະທັບໃຈ ແລະ ເປັນສະຖານ ທີ່ບໍ່ໃກ້ບໍ່ໄກຈາກນະຄອນ ຫລວງວຽງຈັນຂອງເຮົາ. ຖ້າ ຍັງຄິດບໍ່ອອກວ່າຈະໄປໃສ ຂະແນະນຳໄປທ່ຽວຊົວວິວ ສຳພັດອາດກາດສົດ ຢູ່ສວນ ອາຫານ “ມານາແມະ” ຢູ່ ບ້ານດອນຕິ້ວ ເມືອງໄຊທານີ ເຊິ່ງເປັນສະຖານທີ່ທ່ອງທ່ຽວອະນຸລັກທຳມະຊາດ ແຫ່ງໃໝ່ທີ່ຕັ້ງຢູ່ທົ່ງນາທີ່ ອ້ອມຮອບໄປດ້ວຍບັນຍາ ກາດສົດຊື່ນ, ລາບລື່ນໄປ ດ້ວຍສາຍລົມ ແລະ ຊົມຕົ້ນ ເຂົ້ານາແຊງພວມຂຽວງາມ ທ່າມກາງແສງແດດອ່ອນໆ ໃນຍາມແລງ.
ເມື່ອທ້າຍອາ ທິດຜ່ານມາ ຜູ້ຂຽນໄດ້ໄປສຳຜັດກັບບັນ ຍາກາດສະຖານທີ່ນັ້ນມາ ແລ້ວເຮັດໃຫ້ນຶກເຖິງພາບແຫ່ງຄວາມຫລັງຝັງໃຈໃນ ອະດີດຂອງ ຄົນເຄີຍຢູ່ນຳໄຮ່ນາ. ໃນໂອກາດນີ້ໄດ້ໂອ້ ລົມກັບເຈົ້າຂອງຮ້ານ, ໂດຍຮູ້ວ່າ: ແນວຄິດລິເລີ່ມກ່ອນ ຈະມາສ້າງເປັນສະຖານທີ່ ໃຫ້ຄົນໄດ້ມາພັກຜ່ອນຢ່ອນ ໃຈແບບນີ້ກໍແມ່ນຍ້ອນເປັນ ຄົນມັກອອກໄປທ່ຽວຊົມວິວຢູ່ຕາມເຂດນອກ ເພື່ອໃຫ້ໄດ້ ສຳຜັດກັບອາກາດສົດຊື່ນ ແລະ ເຫັນວ່າຄົນໃນເມືອງ ສ່ວນຫລາຍແມ່ນມັກກັບບັນຍາກາດແບບດຽວກັນນີ້ ຈຶ່ງ ຄິດສ້າງຂຶ້ນມາເພື່ອຕອບສະໜອງຄົນໃນຕົວເມືອງ ໂດຍເອົາທົ່ງນາເປັນຈຸດເດັ່ນ ຂອງສະຖານທີ່ແຫ່ງນີ້ ເຮັດ ໃຫ້ທຳມະຊາດມີຄຸນຄ່າແກ່ຊີວິດ, ສ້າງວຽກເຮັດ ງານທຳໃຫ້ກັບຊາວບ້ານ ແລະ ທີ່ສຳຄັນກໍເພື່ອປະກອບສ່ວນດ້ານການທ່ອງ ທ່ຽວ ລາວ-ຈີນ 2019 ມີສີ ສັນໃໝ່ ແລະ ບັນຍາກາດຟົດຟື້ນຍິ່ງຂຶ້ນ. ໂດຍສວນອາ ຫານຂອງພວກເຮົາໄດ້ເອົາໃສ່ຂອດການບໍລິການຕໍ່ລູກ ຄ້າທີ່ດີ, ລາຄາອາຫານບໍ່ແພງເກີນ, ອາຫານຖືກຫລັກ ອະນາໄມ, ປອດໄພຕໍ່ສຸຂະພາບ, ສະຖານທີ່ສວຍງາມ ເໝາະສຳລັບຖ່າຍຮູບ, ເປັນທີ່ລະນຶກອີກດ້ວຍ./.
