ແຂວງບໍລິຄຳໄຊ ກຽມສະເຫລີມສະຫລອງວັນສ້າງຕັ້ງ ຄົບຮອບ 35 ປີ ຢ່າງຍິ່ງໃຫຍ່
ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ໄດ້ໃຫ້ສໍາພາດຕໍ່ສື່ມວນຊົນ ເນື່ອງໃນໂອກາດກະ ກຽມສະເຫລີມສະຫລອງວັນສ້າງຕັ້ງແຂວງ ຄົບຮອບ 35 ປີ ( 6 ມີນາ 1984- 6 ມີນາ 2019 ) ວ່າ: ການສະເຫຼີມສະຫຼອງດັ່ງກ່າວຈະໄດ້ຈັດຂຶ້ນ ໃນລະຫວ່າງວັນທີ 4 – 6 ມີນາ ນີ້, ໂດຍຈະມີການວາງສະແດງສິນຄ້າ ຜະລິດຕະພັນພາຍໃນແຂວງ, ຕ່າງແຂວງ ແລະ ຂອງປະເທດໃກ້ຄຽງ, ນອກນັ້ນ ຍັງມີພິທີໂຮມຊຸມນຸມໃຫຍ່ ເພື່ອສະແດງໃຫ້ເຫັນການພັດທະນາ ແລະ ການເຕີບໃຫຍ່ຂະຫບາຍຕົວທາງດ້ານເສດຖະກິດ – ສັງຄົມຂອງແຂວງ ຕະຫຼອດ 35 ປີຜ່ານມາ, ຈັດຕັ້ງກິດ ຈະກຳຖາມ-ຕອບກ່ຽວກັບຄວາມເປັນມາຂອງແຂວງ, ການສະແດງສີລະປະ ວັນນະຄະດີ, ການຕັ້ງກອງບຸນ ອຸທິດໃຫ້ແກ່ອະດີດການນຳຂັ້ນສູງຂອງແຂວງ ທີ່ເສຍຊີວິດໄປແລ້ວ, ການປະດັບປະດາເທສະບານເມືອງປາກຊັນໃຫ້ມີຄວາມເປັນລະບຽບຈົບງາມ, ຕິດປ້າຍຄຳຂວັນຂອງແຂວງຈຸດ ທາງເຂົ້າ-ອອກເມືອງ, ຕິດຕັ້ງຈໍແອວອີດີ ຢູ່ຈຸດສຳຄັນ ເພື່ອສາຍພາບທີ່ເປັນການເຄື່ອນໄຫວພາຍໃນແຂວງໄລຍະຜ່ານມາ, ການແຂ່ງຂັນກິລາ ແລະ ຈູດບັ້ງໄຟດອກ.
ທ່ານເຈົ້າແຂວງ ບໍລິຄຳໄຊ ໃຫ້ຮູ້ວ່າ: ແຂວງບໍລິຄຳໄຊ ໄດ້ສ້າງຕັ້ງຂຶ້ນ ໃນວັນທີ 6 ມີນາ 1984 ມີເນື້ອທີ່ 15.977 ກ່າວກິໂລຕາແມັດ, ເປັນບ່ອນກິ່ວສຸດລະຫວ່າງດ້ານຕາ ເວັນອອກ ແລະ ຕາເວັນຕົກ ຂອງປະເທດລາວ, ມີເຂດແດນ ທິດເໜືອຕິດກັບ 4 ແຂວງ ຂອງລາວ, ທິດໃຕ້ຕິດກັບໜຶ່ງແຂວງຂອງລາວ, ທິດຕາເວັນອອກຕິດກັບ 2 ແຂວງ ຂອງ ສສ.ຫວຽດນາມ ຄື: ແຂວງເຫງະອານ ແລະ ຮ່າຕິງ ແລະ ຣາຊະອານາຈັກໄທ. ຕະຫລອດໄລຍະ 35 ປີ ຜ່ານມາ, ແຂວງ ບໍລິຄຳໄຊ ໄດ້ມີການພັດທະນາເຕີບໃຫຍ່ຂະຫຍາຍຕົວ ແລະ ໄດ້ວາງວິໄສທັດຮອດປີ 2030 ແລະ ຍຸດທະສາດຮອດປີ 2025 ຄື: “ ສ້າງແຂວງ ບໍລິຄຳໄຊ ເປັນປະຕູເສດຖະກິດແຫຼ່ງຜະລິດ ພະລັງງານ, ເປັນສູນກາງບໍລິການທາງຜ່ານ ແລະ ຄຸ້ມຄອງສິ່ງແວດລ້ອມແບບຍືນຍົງ” ໃນປີ 2018 ລວມຍອດມູນຄ່າເພີ່ມຜະລິດຕະພັນພາຍໃນ ບັນລຸກ່ວາ 5.252 ຕື້ກີບ, ລາຍໄດ້ສະເລ່ຍຕໍ່ຫົວຄົນ ບັນລຸ 18 ລ້ານ, ທົ່ວແຂວງມີຄອບຄົວພົ້ນທຸກ 51.20 ກ່ວາຄອບຄົວ, ບ້ານພົ້ນທຸກມີ 259 ບ້ານ, ນອກນັ້ນ ກໍໄດ້ເອົາໃຈໃສ່ປັບປຸງຄຸນນະພາບການສຶກສາຢ່າງຕໍ່ເນື່ອງ, ຜ່ານມາ, ການຜະລິດເຂົ້າ ແລະ ພືດສະບຽງ ອາຫານໄດ້ເພີ່ມຂຶ້ນຢ່າງຕໍ່ເນື່ອງ ສາມາດກຸ້ມຕົນເອງໂດຍພື້ນຖານ, ຮັບປະກັນໃຫ້ແກ່ ການບໍລິໂພກພາຍໃນ ແລະ ມີສ່ວນແຮໄວ້ຂາຍເປັນສິນຄ້າສົ່ງອອກ ຈຳນວນໜຶ່ງ, ເສັ້ນທາງ ຄົມມະນາຄົມ ໄດ້ຮັບການປັບປຸງນັບມື້ດີຂຶ້ນ, ມາຮອດປະຈຸບັນ ມີເສັ້ນທາງເຂົ້າເຖິງບ້ານ ກວມ 100% ແລະ ໄດ້ເອົາໃຈໃສ່ຊຸກຍູ້, ສົ່ງເສີມການສົ່ງອອກ ທີ່ເປັນທ່າແຮງຂອງແຂວງ, ມູນຄ່າ ການສົ່ງອອກ ເພີ່ມຂຶ້ນຕາມລຳດັບ ພົ້ນເດັ່ນ ແມ່ນຢາງພາລາ ແລະ ມັນຕົ້ນ, ສົ່ງເສີມວິສາ ຫະກິດຂະໜາດນ້ອຍ, ຂະໜາດກາງ (SMEs) ໂດຍຊຸກຍູ້, ສົ່ງເສີມ ບັນດາວິສາຫະກິດ ເຮັດການຜະລິດຕາມເງື່ອນໄຂ ແລະ ທ່າແຮງຂອງແຂວງ ສາມາດຢັ້ງຢືນ ແລະ ຮັບຮອງ ເປັນສິນຄ້າ ໜຶ່ງເມືອງໜຶ່ງຜະລິດ ຕະພັນ (ODOP) ໄດ້ຫຼາຍປະເພດ, ເອົາໃຈໃສ່ຈັດຕັ້ງປະຕິບັດ ບັນດາຄາດໝາຍ SDGs ຂອງແຕ່ລະຂະແໜງການ ມີຫຼາຍດ້ານສາມາດປະຕິບັດໄດ້ບັນ ລຸຄາດໝາຍ ແລະ ລື່່ນຄາດໝາຍວາງໄວ້.
