ລ້ານຊ້າງປະກັນໄພ ແລະ ກອງທຶນມູນນິທິວັດທະນະທຳ ດີບີ ຄິມ ຈຸນ ກິ ມອບໂຮງຮຽນ ແລະ ອຸປະກອນການສຶກສາໂຮງຮຽນອະນຸບານຫ້ວຍຕົມ

ລ້ານຊ້າງປະກັນໄພ ແລະ ກອງທຶນມູນນິທິວັດທະນະທຳ ດີບີ ຄິມ ຈຸນ ກິ ມອບໂຮງຮຽນ ແລະ ອຸປະກອນການສຶກສາໂຮງຮຽນອະນຸບານຫ້ວຍຕົມ - advert banner 728 90 728x90 - ລ້ານຊ້າງປະກັນໄພ ແລະ ກອງທຶນມູນນິທິວັດທະນະທຳ ດີບີ ຄິມ ຈຸນ ກິ ມອບໂຮງຮຽນ ແລະ ອຸປະກອນການສຶກສາໂຮງຮຽນອະນຸບານຫ້ວຍຕົມ

ໃນວັນທີ 28 ກຸມພານີ້, ບໍລິສັດ ລ້ານຊ້າງປະກັນໄພ ມະຫາຊົນ ຮ່ວມກັບກອງທຶນມູນນິທິວັດທະນະທຳ ດີບີ ຄິມ ຈຸນ ກິ, ໄດ້ຈັດພິທີມອບ- ຮັບໂຄງການກໍ່ສ້າງໂຮງຮຽນອະນຸບານພ້ອມດ້ວຍອຸປະກອນການສຶກສາຈຳນວນໜຶ່ງລວມມູນຄ່າກ່ວາ 400 ລ້ານກິບ, ຂຶ້ນທີ່ໂຮງຮຽນປະ ຖົມຫ້ວຍຕົມ ເມືອງສັງທອງ ນະຄອນຫລວງວຽງຈັນ, ໂຮງຮຽນແຫ່ງນີ້ໄດ້ເລີ່ມກໍ່ສ້າງມາແຕ່ທ້າຍເດືອນທັນວາ, ໄດ້ສຳເລັດໃນຕົ້ນເດືອນກຸມພາ 2019 ປະກອບມີ: ອາຄານຮຽນຊັ້ນອະນຸບານ 1 ແຫ່ງ, ໃນຂະໜາດ 8 x16 ແມັດ, ມີ 2 ຫ້ອງຮຽນ, ສຳລັບຊັ້ນປະຖົມແມ່ນສ້ອມ ແປງບູຄືນໃໝ່ ເຊັ່ນ: ປ່ຽນຫລັງຄາ, ທາສີ, ແປງເພດານ ແລະ ປູພື້ນ.

ລ້ານຊ້າງປະກັນໄພ ແລະ ກອງທຶນມູນນິທິວັດທະນະທຳ ດີບີ ຄິມ ຈຸນ ກິ ມອບໂຮງຮຽນ ແລະ ອຸປະກອນການສຶກສາໂຮງຮຽນອະນຸບານຫ້ວຍຕົມ - lattana 1 - ລ້ານຊ້າງປະກັນໄພ ແລະ ກອງທຶນມູນນິທິວັດທະນະທຳ ດີບີ ຄິມ ຈຸນ ກິ ມອບໂຮງຮຽນ ແລະ ອຸປະກອນການສຶກສາໂຮງຮຽນອະນຸບານຫ້ວຍຕົມ

 ນອກນີ້ຍັງໄດ້ສ້າງບ່ອນຫຼິ້ນຂອງເດັກນ້ອຍ ແລະ ສ້າງຫ້ອງນ້ຳອີກ 2 ຫ້ອງ, ໃນຂະໜາດ 5×6 ແມັດ, ເອົາໄຟຟ້າເຂົ້າໂຮງຮຽນ ແລະ ຕິດພັດລົມຈຳ ນວນ 30 ຫນ່ວຍ, ທ່ານ ໂດ໋ ດັງ ຄາງ ຜູ້ອຳນວຍການ ໃຫຍ່ ບໍລິສັດລ້ານຊ້າງປະກັນໄພ ມະຫາຊົນ ໃຫ້ຮູ້ວ່າ:  ການຊ່ວຍເຫລືອດັ່ງກ່າວໄດ້ສະແດງເຖິງການໃຫ້ຄວາມສຳຄັນຂອງພວກເຮົາໃນການພັດທະນາການສຶກສາ ເຂດຮ່າງໄກສອກຫລິກໃຫ້ດີຂື້ນ, ບໍລິສັດ ລ້ານຊ້າງປະກັນໄພ ແລະ ກອງທຶນມູນນິທິ ວັດທະນະທຳ ດີບີ ຄິມ ຈຸນ ກິ ຕ້ອງການນຳເອົາຄວາມຮັກ ແລະ ຄວາມຫ່ວງໃຍມາສູ່ ປະຊາຊົນ, ກໍຄືລູກຫລານຂອງເຂົາເຈົ້າໄດ້ຮັບໂອກາດທາງການສຶກສາຂັ້ນພື້ນຖານ, ທ່ານ ບຸນຮຽງ ສຸລິນທາ ຜູ້ອຳນວຍການໂຮງຮຽນປະຖົມຫ້ວຍຕົມ ໄດ້ໃຫ້ຮູ້ວ່າ: ໂຮງຮຽນປະຖົມຫ້ວຍຕົມ ມີອາຄານ  ຮຽນ 1 ຫລັງ, ມີ 6 ຫ້ອງຮຽນ,  ມີຄູສອນ 7 ຄົນ, (ຍິງ 3 ຄົນ),  ມີນັກ ຮຽນນັບແຕ່ຫ້ອງກຽມປະຖົມ ຮອດ ປ 5 ມີນັກຮຽນທັງໝົດ 108 ຄົນ,

 (ຍິງ 49 ຄົນ), ນັກຮຽນສ່ວນຫລາຍແມ່ນມາຈາກຄອບຄົວທຸກຍາກ, ບວກກັບພື້ນຖານໂຄງລ່າງ, ອຸປະກອນການຮຽນຍັງຂາດເຂີນຫລາຍດ້ານ, ເຮັດໃຫ້ພົບຄວາມຫຍຸ້ງຍາກໃນການຮຽນ-ການສອນ, ສະນັ້ນ ການຊ່ວຍເຫລືອຄັ້ງນີ້ຈະຊ່ວຍໃຫ້ການເຄື່ອນໄຫວ ວຽກງານຂອງໂຮງຮຽນມີຄວາມສະດວກດີຂຶ້ນ ແລະ ຢືນຢັນວ່າຈະນຳໃຊ້ອາຄານຫລັງໃໝ່ ແລະ ອູປະ ກອນທີ່ໄດ້ຮັບໃນຄັ້ງນີ້ໃຫ້ເກີດປະໂຫຍດສູງສູດ.   

ລ້ານຊ້າງປະກັນໄພ ແລະ ກອງທຶນມູນນິທິວັດທະນະທຳ ດີບີ ຄິມ ຈຸນ ກິ ມອບໂຮງຮຽນ ແລະ ອຸປະກອນການສຶກສາໂຮງຮຽນອະນຸບານຫ້ວຍຕົມ - 1 1 - ລ້ານຊ້າງປະກັນໄພ ແລະ ກອງທຶນມູນນິທິວັດທະນະທຳ ດີບີ ຄິມ ຈຸນ ກິ ມອບໂຮງຮຽນ ແລະ ອຸປະກອນການສຶກສາໂຮງຮຽນອະນຸບານຫ້ວຍຕົມ