ສະຖາບັນທຸລະກິດ ແສງສະຫວັນ ໄດ້ຣັບອະນຸຍາດເປີດສອນຫລັກສູດປະ ລິນຍາຕີ ແລະ ຈະເປີດການຮຽນການສອນທ້າຍເດືອນມີນານີ້

ສະຖາບັນທຸລະກິດ ແສງສະຫວັນ ໄດ້ຣັບອະນຸຍາດເປີດສອນຫລັກສູດປະ ລິນຍາຕີ ແລະ ຈະເປີດການຮຽນການສອນທ້າຍເດືອນມີນານີ້ - advert banner 728 90 728x90 - ສະຖາບັນທຸລະກິດ ແສງສະຫວັນ ໄດ້ຣັບອະນຸຍາດເປີດສອນຫລັກສູດປະ ລິນຍາຕີ ແລະ ຈະເປີດການຮຽນການສອນທ້າຍເດືອນມີນານີ້

ໃນວັນທີ 1 ມີນານີ້, ວິທະຍາໄລບໍລິຫານທຸລະກິດ ແສງສະຫວັນ ໄດ້ຖະແຫຼງ ໃຫ້ຮູ້ວ່າ: ວິທະ ຍາໄລຂອງຕົນໄດ້ຍົກຖານະຂຶ້ນເປັນສະຖາບັນທຸລະກິດ ແສງສະຫວັນ ແລະ ຈະເປີດການ ຮຽນ-ການສອນຫລັກສູດ ປະລິນຍາຕີໃນທ້າຍເດືອນມີນານີ້ ຊຶ່ງສະຖານທີ່ ຕັ້ງຢູ່ບ້ານສີສະຫວາດ ເມືອງຈັນທະບູລີ ນະຄອນຫຼວງ ວຽງຈັນ.

ສະຖາບັນທຸລະກິດ ແສງສະຫວັນ ໄດ້ຣັບອະນຸຍາດເປີດສອນຫລັກສູດປະ ລິນຍາຕີ ແລະ ຈະເປີດການຮຽນການສອນທ້າຍເດືອນມີນານີ້ - lattana 1 - ສະຖາບັນທຸລະກິດ ແສງສະຫວັນ ໄດ້ຣັບອະນຸຍາດເປີດສອນຫລັກສູດປະ ລິນຍາຕີ ແລະ ຈະເປີດການຮຽນການສອນທ້າຍເດືອນມີນານີ້

ທ່ານ ປອ. ຄໍາແສນ ສີສະວົງ ອໍານວຍການວິທະຍາໄລດັ່ງກ່າວ ໃຫ້ຮູ້ວ່າ: ກຸ່ມການສຶກສາແສງສະຫວັນ ໄດ້ຮັບການສ້າງຕັ້ງ ຂຶ້ນໃນປີ 1998 ເປັນໂຮງຮຽນທີ່ນຳໃຊ້ຫຼັກສູດການຮຽນ-ການສອນຕາມມາດຕະຖານສາກົນ ແລະ ສອນ 2 ພາສາ. ໃນປີ 2000 ໄດ້ຍົກຖານະມາເປັນວິທະ ຍາໄລໂດຍໄດ້ສ້າງຫຼັກສູດຊັ້ນສູງ ແລະ ປະລິນຍາຕີ ເຊັ່ນ:  ຫຼັກສູດຊັ້ນສູງລວມມີ 5  ພາກວິຊາຄື: ບໍລິຫານທຸລະກິດ (ມີລາວ ແລະ ສາກົນ), ການເງິນ, ການບັນຊີ, ຜູ້ປະກອບການ ແລະ ພາສາອັງກິດ, ສ່ວນຫຼັກສູດປະລິນຍາຕີລວມມີ 3 ພາກວິຊາຄື: ບໍລິຫານທຸລະກິດ, ຜູ້ປະກອບການ, ພາສາອັງກິດ, ໂດຍໄດ້ຮ່ວມມືກັບມະຫາວິທະຍາ ໄລ FPT `ສສ ຫວຽດນາມ ມີສາຂາວິສະວະກໍາຊ໋ອບ ແວ ແລະ ການຄ້າເອເລັກໂຕຣນິກ. ມາຮອດປັດຈຸບັນວິທະຍາໄລບໍລິຫານທຸລະກິດ ແສງສະຫວັນ ໄດ້ຂະຫຍາຍໂຮງຮຽນສອງພາສາຂອງຕົນອອກເປັນ 3 ແຫ່ງຄື: ໂຮງຮຽນນານາຊາດ, ສະ ຖາບັນທຸລະກິດແສງສະຫວັນ ( 2 ວິທະຍາເຂດ) ແລະ ໂຄງການໂຮງຮຽນ ນໍ້າເທີນສອງ 1, ໂຄງການບໍລິຫານໂຮງຮຽນໃຫ້ບໍລິສັດນໍ້າເທີນ 2. ພ້ອມນີ້, ວິທະຍາໄລບໍລິຫານທຸລະກິດດັ່ງກ່າວ ໄດ້ມີການຮ່ວມມືດ້ານວິຊາການ ແລະ ການບໍລິຫານ ກັບຫຼາຍສະຖາບັນການສຶກສາຂອງຕ່າງປະເທດອື່ນໆອີກ ເຊັ່ນ: ມະຫາວິທະຍາໄລ ເດິຊິດຕີ, ມະຫາວິທະຍາໄລ ບົວລະພາ, ມະຫາວິທະຍາໄລ ຄິງມຸງກຸດ, ມະຫາວິທະຍາໄລ ກຸງເທບທົດບູລີ, ສະ ຖາບັນເທັກໂນໂລຊີ ວູຊີ, ສະຖາບັນທຸຸລະກິດ ມົງປາຮີເຢ້, ວິທະຍາໄລ ຕົງເລນ ໂປ້ລີ ເຕັກນິກ ແລະ UMAP ເຫຼົ່າ ນີ້ເປັນຕົ້ນ.

ທ່ານອໍານວຍການໃຫ້ຮູ້ຕື່ມວ່າ: ມາຮອດປັດຈຸບັນວິທະຍາໄລຂອງຕົນໄດ້ມີຄວາມພ້ອມ ແລ້ວໃນການຍົກລະດັບເປັນສະຖາບັນ ຍ້ອນໄດ້ຜ່ານປະສົບການ ຕ່າງໆມາກ່ອນແລ້ວ, ພ້ອມທັງມີສະຖານທີ່ ແລະ ມີອາຄານຮຽນທີ່ເໝາະສົມສະດວກສະບາຍ, ມີບຸກຄະລາກອນ ແລະ ຄູອາຈານພຽງພໍໃນການບໍລິຫານ ແລະ ສິດສອນ (ມີທັງອາຈານຄົນລາວ ແລະ ຕ່າງປະເທດ) ທີ່ມີວຸດທິການສຶກສາເໝາະສົມກັບການສອນໃນວິຊາ ຕ່າງໆ. ນອກນີ້, ຍັງມີສິ່ງອໍາ ນວຍຄວາມສະດວກອື່ນໆ ເຊັ່ນ: ຫ້ອງສະໝຸດ, ຫ້ອງຄອມພິວເຕີ, ຫ້ອງຈໍາລອງ  (ຫ້ອງປະຊຸມຈໍາລອງ ແລະ ຫ້ອງການຈໍາລອງ), ມີຮ້ານອາຫານ ແລະ ສະໜາມກິ ລາຫຼາຍປະເພດ. ຊຶ່ງຄາດວ່າສະຖາບັນຈະເປີດຮັບນັກຮຽນ-ນັກສຶກສາ ໃນທ້າຍ ເດືອນມີນານີ້, ພາກວິຊາລະ 100 ຄົນເທົ່ານັ້ນ. ນອກນີ້, ສະຖາບັນຍັງມີທຶນການສຶກສາ 50-70% ໃຫ້ນັກຮຽນ- ນັກສຶກສາທີ່ຮຽນດີ-ເຮັດເກັ່ງ ແລະ ສາມາດໄປຮຽນຢູ່ບັນດາມະຫາວິທະຍາໄລຮ່ວມມືຕ່າງໆຢູ່ຕາງປະເທດໄດ້ ອີກດ້ວຍ.

ສະຖາບັນທຸລະກິດ ແສງສະຫວັນ ໄດ້ຣັບອະນຸຍາດເປີດສອນຫລັກສູດປະ ລິນຍາຕີ ແລະ ຈະເປີດການຮຽນການສອນທ້າຍເດືອນມີນານີ້ - 1 1 - ສະຖາບັນທຸລະກິດ ແສງສະຫວັນ ໄດ້ຣັບອະນຸຍາດເປີດສອນຫລັກສູດປະ ລິນຍາຕີ ແລະ ຈະເປີດການຮຽນການສອນທ້າຍເດືອນມີນານີ້