ເນມາ ບໍ່ປິດປະຕູ ຍ້າຍໜີ ເປແອສເຊ ໄປຢູ່ ຣີລ ມາດຣິດ
ເນມາ ດາວດັງຂອງ ປາຣີ ແຊງແຊກແມງ ກ່າວວ່າ: ບໍ່ປິດໂອກາດຍ້າຍໄປຮ່ວມທີມ ຣີລ ມາດຣິດ ເຖິງວ່າຕົນຈະຍັງມີຄວາມສຸກດີໃນຖິ່ນພາກ ເດິ ແພຣງ ກໍຕາມ.
ດາວເຕະຊາວບຣຊິລ ກາຍເປັນຜູ້ຫລິ້ນທີ່ມີຄ່າຕົວແພງເປັນສະຖິຕິໂລກ ຫລັງຍ້າຍອອກຈາກ ບາເຊໂລນາ ມາຮ່ວມທີມເສດຖີຂອງຝຣັ່ງ ດ້ວຍຄ່າຕົວ 222 ລ້ານເອີໂຣ ໃນປີ 2017 ເວລານີ້ຢູ່ລະຫວ່າງການພັກຟື້ນຮ່າງກາຍ ຈາກການໄດ້ຮັບບາດເຈັບນັບແຕ່ເດືອນມັງກອນຜ່ານມາ.
ອະດີດດາວເຕະບາເຊໂລນາ ໄດ້ໃຫ້ສຳພາດຕໍ່ໂທລະພາບຈາກບຣາຊິລວ່າ: “ຣີລ ມາດຣິດ ເປັນໜຶ່ງໃນທີມທີ່ຍິ່ງໃຫຍ່ທີ່ສຸດໃນໂລກ ບໍ່ວ່ານັກເຕະຄົນໃດທີ່ຣີລ ມາດຣິດ ກໍສົນໃຈໄປຫລິ້ນຢູ່ນັ້ນ, ຂ້ອຍບໍ່ໄດ້ຈະບອກວ່າຂ້ອຍກຳລັງຈະໄປຫລິ້ນໃຫ້ ຣີລ ມາດຣິດ, ຂ້ອຍມີຄວາມສຸກຢູ່ ປາຣີ ແຊງແຊກແມງ ແຕ່ໃນອະນາຄົດບໍ່ມີໃຜຮູ້, ຖ້າເວົ້າເຖິງຕອນນີ້ ສາຍຕາຂ້ອຍເຫັນແຕ່ ປາຣີ ແຊງແຊກແມງ ທີມດຽວ, ຂ້ອຍບໍ່ຕ້ອງການຈະຍ້າຍອອກຈາກສະໂມສອນ ແຕ່ຫລາຍສິ່ງສາມາດເກີດຂຶ້ນໄດ້”.
