ໄຟຟ້າຫົງສາຮັບຮອງເປັນບໍລິສັດທີ່ໄດ້ມາດຖານດ້ານການຈັດການສິ່ງແວດລ້ອມ

ໄຟຟ້າຫົງສາຮັບຮອງເປັນບໍລິສັດທີ່ໄດ້ມາດຖານດ້ານການຈັດການສິ່ງແວດລ້ອມ - advert banner 728 90 728x90 - ໄຟຟ້າຫົງສາຮັບຮອງເປັນບໍລິສັດທີ່ໄດ້ມາດຖານດ້ານການຈັດການສິ່ງແວດລ້ອມ

ໃນວັນທີ 3 ມີນານີ້ ບໍລິສັດ ໄຟຟ້າຫົງສາ ຈຳກັດ ໄດ້ຈັດພິທີມອບຮັບ ໃບຮັບຮອງມາດຕະຖານດ້ານການຈັດການສິ່ງແວດລ້ອມສາກົນ ISO 1400:2015 ຂຶ້ນ ທີ່ນະຄອນຫລວງວຽງຈັນ ໂດຍການເຂົ້າຮ່ວມຂອງທ່ານ ທອງພັັດ ອິນທະປັນຍາ ຮອງລັດຖະມົນຕີ ກະຊວງພະລັງງານ ແລະບໍ່ແຮ່ ພ້ອມດ້ວຍຄະນະອຳນວຍການບໍລິສັດດັ່ງກ່າວ ແລະມວນຊົນເຂົ້າຮ່ວມຈຳນວນຫລາຍ.

ໄຟຟ້າຫົງສາຮັບຮອງເປັນບໍລິສັດທີ່ໄດ້ມາດຖານດ້ານການຈັດການສິ່ງແວດລ້ອມ - new3 - ໄຟຟ້າຫົງສາຮັບຮອງເປັນບໍລິສັດທີ່ໄດ້ມາດຖານດ້ານການຈັດການສິ່ງແວດລ້ອມ

ທ່ານ ປາວານທອງ ທອງໃຫຍ່ ນະ ອະຍຸດທະຍາ ຜູ້ຈັດການຝ່າຍຮັບຮອງລະບົບມາດຕະຖານບໍລິສັດ ບູໂຣ ເວີຣີທັດ ປະເທດໄທຈຳກັດ ໃຫ້ຮູ້ວ່າ: ສຳລັບ ISO 1400:2015 ແມ່ນມາດຕະຖານການຈັດການສິ່ງແວດລ້ອມທີ່ເປັນສາກົນ ແລະທົ່ວໂລກໃຫ້ການຍອມຮັບ ເຊິ່ງປະກອບດ້ວຍການຈັດການສິ່ງແວດລ້ອມທີ່ມີປະສິດທິພາບ ແລະເປັນຫົວໃຈຂອງການດຳເນີນງານ ເພື່ອໃຫ້ໄດ້ຮັບຜົນສຳເລັດທີ່ຍືນຍົງ ແລະເຮັດໃຫ້ການຈັດການດ້ານສິ່ງແວດລ້ອມດຳເນີນໄປຢ່າງເປັນລະບົບ, ສອດຄ່ອງກັບລະບຽບກົດໝາຍ ແລະພັນທະສັນຍາທີ່ກ່ຽວຂ້ອງມີຜົນສຳເລັດຂອງຕໍ່ອົງກອນ ແລະເປັນມິດຕໍ່ກັບຊີວິດການເປັນຢູ່ຂອງປະຊາຊົນ.

ໃນໂອກາດດຽວກັນ ທ່ານຄະທາຢຸດ ຊູພູນ ຜູ້ອຳນວຍການໃຫຍ່ ບໍລິສັດໄຟຟ້າຫົງສາ ໄດ້ມີຄຳເຫັນໃນພິທີວ່າ: ເມື່ອໄດ້ຮັບການຮັບຮອງມາດຕະຖານສາກົນດັ່ງກ່າວນີ້ແລ້ວ ບໍລິສັດກໍຈະອອກແຮງສືບຕໍ່ພັດທະນາລະບົບໂຄງຮ່າງການຈັດການຕໍ່ສິ່ງແວດລ້ອມໃຫ້ມີຄວາມຍືນຍົງ, ສາມາດຮັກສາມາດຕະຖານດັ່ງກ່າວໄວ້ໄດ້ຍືນຍົງ, ຊ່ວຍເຫລືອຊາວບ້ານຈັດສັນທີ່ໄດ້ຮັບຜົນກະທົບຈາກໂຄງການໄດ້ມີຊີວິດການເປັນຢູ່ດີຂຶ້ນ, ຊ່ວຍສ້າງວຽກເຮັດງານທຳ ແລະອອກແຮງສົ່ງເສີມການສຶກສາຂອງເຂົາເຈົ້າດີຂຶ້ນ ແລະມີສ່ວນຮ່ວມໄດ້ຮັບຜົນປະໂຫຍດທີ່ແທ້ຈິງ ແລະເອົາໃຈໃສ່ຕໍ່ແຮງງານທີ່ເຮັດວຽກຢູ່ບໍລິສັດ ຖືກຕ້ອງຕາມກົດໝາຍ, ຕາມຂໍ້ກໍານົດສັນຍາ, ທຸກຄົນໄດ້ຮັບສະຫວັດດີການສັງຄົມ, ຊ່ວຍຝຶກອົບຮົມ ພັດທະນາສີມືແຮງງານເພື່ອຮັບປະກັນຄວາມປອດໄພ ແລະນຳເອົາຜົນປະໂຫຍດທີ່ໄດ້ຮັບຈາກໂຄງການໄຟຟ້າປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງປະເທດຊາດ ໃຫ້ມີຄວາມຈະເລີນສີວິໄລຂຶ້ນເທື່ອລະກ້າວ./

ໄຟຟ້າຫົງສາຮັບຮອງເປັນບໍລິສັດທີ່ໄດ້ມາດຖານດ້ານການຈັດການສິ່ງແວດລ້ອມ - lattana 1 - ໄຟຟ້າຫົງສາຮັບຮອງເປັນບໍລິສັດທີ່ໄດ້ມາດຖານດ້ານການຈັດການສິ່ງແວດລ້ອມ
error: Content is protected !!