ຂະ​ແໜງກະສິກໍາ-ປ່າ​ໄມ້ ​ແລະ ພັດທະນາ​ຊົນນະບົດ ທົບ​ທວນຄືນ​ວຽກງານ​ຂອງ​ຕົນ

ຂະ​ແໜງກະສິກໍາ-ປ່າ​ໄມ້ ​ແລະ ພັດທະນາ​ຊົນນະບົດ ທົບ​ທວນຄືນ​ວຽກງານ​ຂອງ​ຕົນ - advert banner 728 90 728x90 - ຂະ​ແໜງກະສິກໍາ-ປ່າ​ໄມ້ ​ແລະ ພັດທະນາ​ຊົນນະບົດ ທົບ​ທວນຄືນ​ວຽກງານ​ຂອງ​ຕົນ

    ​ໃນ​ວັນ​ທີ 4-5 ມີນາ​ນີ້, ກະຊວງ​ກະ​ສິກໍາ ​ແລະ ປ່າ​ໄມ້ ​ໄດ້​ຈັດ​ກອງ​ປະຊຸມ​ທົບ​ທວນຄືນ​ການຈັດ​ຕັ້ງ​ປະຕິບັດ​ວຽກງານກະສິກໍາ-ປ່າ​ໄມ້ ​ແລະ ພັດທະນາ​ຊົນນະບົດ ​ໃນ​ຜ່ານ​ມາ ​ແລະ ວາງ​ທິດ​ທາງ​ແຜນການ​ໃນ​ສົກປີ​ໃໝ່  ພາຍ​ໃຕ້​ຫົວ​ຂໍ້ “ສຸມ​ໃສ່​ພັດທະນາ​ຂົງ​ເຂດ​ກະສິກໍາ​ໃຫ້​ທັນ​ສະ​ໄໝ, ສີຂຽວ, ສະອາ​ດ, ​ເປັນ​ມິດຕໍ່ສິ່ງ​ແວດ​ລ້ອມ”, ​ໂດຍ​ການ​ເປັນ​ປະທານ​ຂອງ​ທ່ານ ລຽນ ທິ​ແກ້ວ ລັດຖະມົນຕີ ກະຊວງດັ່ງກ່າວ​, ມີ​ຮອງ​ປະທານ​ກໍາມາ​ທິການ​ເສດຖະກິດ ​ແລະ ສິ່​ງ​ແວດ​ລ້ອມ​ສະພາ​ແຫ່ງ​ຊາດ, ລັດຖະມົນຕີບັນດາ​ກະຊວງ, ​ເຈົ້ນ​ແຂວງ ​ແລະ ​ນະຄອນຫຼວງ ​ ​ເຂົ້າ​ຮ່ວມນໍາ​ດ້ວຍ.

ຂະ​ແໜງກະສິກໍາ-ປ່າ​ໄມ້ ​ແລະ ພັດທະນາ​ຊົນນະບົດ ທົບ​ທວນຄືນ​ວຽກງານ​ຂອງ​ຕົນ - new3 - ຂະ​ແໜງກະສິກໍາ-ປ່າ​ໄມ້ ​ແລະ ພັດທະນາ​ຊົນນະບົດ ທົບ​ທວນຄືນ​ວຽກງານ​ຂອງ​ຕົນ

    ທ່ານ​ຮອງ​ລັດຖະມົນຕີ ກະຊວງ​ກະສິກໍາ ​ແລະ ປ່າ​ໄມ້ ​​ໄດ້​ລາຍ​ງານ​ຕໍ່ກອງ​ປະຊຸມ​ວ່າ: ​​ ​ປີ 2018 ຜ່ານ​ມາ, ການ​ຂະຫຍາຍຕົວ​ຂອງ​ຍອດ​​ຜະລິດ​ຕະພັນ​ກະສິກໍາ ​ແລະ ປ່າ​ໄມ້ ບັນລຸ​ໄດ້ 2,8% ກວມ​ເອົາ​ປະມານ 15,73% ຂອງ​ໂຄງ​ປະກອບ​ເສດຖະກິດ​ແຫ່ງ​ຊາດ, ​ໃນ​ນັ້ນ, ການ​ຜະລິດ​ເຂົ້າ​​ບັນລຸ​ໄດ້ 4,2 ລ້ານ​ໂຕນ, ກາ​ເຟ​ໃຫ້​ໄດ້ 137.500 ​ໂຕນ, ສາລີອາຫານ​ສັດ 1,2 ລ້ານ​ໂຕນ, ອ້ອຍ 2 ລ້ານ​ກວ່າໂຕນ, ຢາສູບ 71.500 ​ໂຕນ, ມັນ​ຕົ້ນ 2,4 ລ້ານ​ກວ່າໂຕນ ​ແລະ​ສິ່ງ​ສໍາຄັນ​ແມ່ນ​ສາມາດ ແກ້​ໄຂ​ຄອບຄົວ​ທຸກ​ຍາກ ​ໄດ້ຫຼາຍກວ່າ 4.800 ຄອບຄົວ, ​ແກ້​ໄຂບ້ານ​ທຸກ​ຍາກ​ໄດ້ 220 ບ້ານ ​ແລະ ​ແກ້​ໄຂ​ເມືອງ​ທຸກ​ຍາກ​ໄດ້ 2 ​ເມືອງ, ສ້າງບ້ານ​ພັດທະນາ​ໄດ້  100 ບ້ານ, ຈັດ​ສັນພູ​ມລໍາ​ເນົາ​ຄົງ​ທີ່ ​ແລະ ບ່ອນ​ທໍາ​ມາ​ຫາ​ກິນ​ຖາວອນ​ໃຫ້​ປະຊາຊົນ​ໄດ້ 163 ບ້ານ ​ແລະ ນໍາ​ສະ​ເໜີປ່າ​ສະຫງວນ​ແຫ່ງ​ຊາດ ນາ​ກາຍ-ນໍ້​າ​ເທີນ ​ແລະ ປ່າ​ສະຫງວນ​ແຫ່ງ​ຊາດ ນໍ້າ​ແອດ-ພູ​ເລີຍ ຂຶ້ນ​ເປັນ​ອຸ​ທະຍານ​ແຫ່ງ​ຊາດ. ​

ທ່ານ​ຮອງ​ລັດຖະມົນຕີ​ໃຫ້​ຮູ້​ອີກ​ວ່າ: ໃນ​ປີ 2019 ນີ້, ຂະ​ແໜງການ​ຂອງ​ຕົນ ຈະ​ສືບຕໍ່ສຸມ​ໃສ່​​ການ​ຜະລິດ​ເຂົ້າ, ​ລ້ຽງສັດ ​ແລະ ປາ ​ໃຫ້ຫຼາຍຂຶ້ນ ​ເພື່ອ​ຮັບປະກັນ​ຄວາມໝັ້ນຄົງ​ດ້ານສະບຽງອາຫານ​ພຽງພໍ, ມີ​ສ່ວນ​ແຮ​ໄວ້ ​ແລະ ຜະລິດ​ເປັນ​ສິນຄ້າ​ໄດ້​ໃນ​ໄລຍະ​ຍາວ​ນານ, ​ໂດຍ​ບໍ່​ໃຫ້ຂຶ້ນກັບທໍາ​ມະ​ຊາດ​ອີກ​ຕໍ່​ໄປ. ອັນ​ນີ້​ເປັນ​ບັນຫາ​ທ້າ​ທາຍ ​ແລະ ຄວາມ​ພະຍາຍາມ​ຂອງ​​ທຸກ​ປະ​ເທດ​ໃນ​ໂລກ​ກໍາລັງ​ປະ​​ເຊີນ​ຢູ່ ​ແລະ ​ເປັນ​ມະຕິ​ໃໝ່ຂອງ​ອົງການ​ສະຫະ​ປະຊາ​ຊາດ ຮອດ​ປີ 2030 ທີ່​ໄດ້​ວາງ​ທິດ​ທາງ​ໃຫ້​ທຸກ​ປະ​ເທດ​ໃນ​ໂລກ ພະຍາຍາມ​ແກ້​ໄຂ​ຄວາມ​ຂາດ​ແຄນ​ດ້ານ​ສະບຽງອາຫານ ​ແລະ ດ້ານ​ໂພ​ສະນາ​ການ​ໃຫ້​ສໍາ​ເລັດ​ 100% ​ແລະ ​ເນັ້ນ​ໃສ່​​ດໍາ​ເນີນ​ການ​ຜະລິດ​ກະສິກໍາ​ທີ່​ຍືນ​ຍົງ ​ແລະ ​ເປັນ​ມິດຕໍ່ສິ່ງ​ແວດ​ລ້ອມ ​ ພ້ອມ​ດຽວກັນນີ້​ໃຫ້​ກາຍ​ເປັນ​ອາຊີບ​ທີ່​ມີ​ຄວາມໝັ້ນຄົງ​ດ້ານ​ເສດຖະກິດຂອງ​​ຊາວ​ກະສິກອນ ​ແລະ ຊາວ​ຊົນນະບົດ​ໄດ້​ໃນ​ໄລຍະ​ຍາວ​ນານ, ຊຶ່ງ​ກະຊວງກະສິກໍາ ກໍ​ໄດ້​ກໍານົດ​ວຽກຈຸດ​ສຸມ​ໂດຍ​ອີງ​ໃສ່​ຕົວ​ເລກ​ຄາດໝາຍທີ່​ກໍານົດ​ໄວ້​ໃນ​​ແຜນ​ພັດທະນາ​ເສດຖະກິດ-ສັງຄົມ​ແຫ່ງ​ຊາດ ປະກອບສ່ວນ​ໃຫ້ GDP ຂະຫຍາຍຕົວ​ໃນລະດັບ 6,7% ຂຶ້ນ​ໄປ, ກໍ​ຄື​ຜະລິດ​ເຂົ້າ​ເປືອກ​​ໃຫ້​​ໄດ້ 4,4 ລ້ານ​ກວ່າ​ໂຕນ, ກາ​ເຟ​ໃຫ້​ໄດ້ 160.000 ​ໂຕນ, ສາລີ​ສັດ​ໃຫ້​ໄດ້ 1 ລ້າ​ໂຕນ, ມັນ​ຕົ້ນ 2,28 ​ລ້ານ​ໂຕນ, ​ຊີ້ນ 199 ພັນ​ໂຕນ, ​ໄຂ່ 43 ພັນ​ກວ່າ​ໂຕນ ​ແລະ ປາ 215.000 ​ໂຕນ ຮັກສາ​ລະດັບ​ການ​ບໍລິ​ໂພ​ກຕໍ່ຄົນ​​ໃຫ້​ໄດ້ 62 ກິ​ໂລ ​ຕໍ່ປີ.

ຂະ​ແໜງກະສິກໍາ-ປ່າ​ໄມ້ ​ແລະ ພັດທະນາ​ຊົນນະບົດ ທົບ​ທວນຄືນ​ວຽກງານ​ຂອງ​ຕົນ - lattana 1 - ຂະ​ແໜງກະສິກໍາ-ປ່າ​ໄມ້ ​ແລະ ພັດທະນາ​ຊົນນະບົດ ທົບ​ທວນຄືນ​ວຽກງານ​ຂອງ​ຕົນ
error: Content is protected !!