ສິດສະ​ເໝີ​ພາບ​ລະຫວ່າງ​ຍິງ-ຊາຍ ​ໃນ​ມຸມ​ມອງ​ພຸດທະ​ສາສະໜາ

- advert banner 728 90 728x90 - ສິດສະ​ເໝີ​ພາບ​ລະຫວ່າງ​ຍິງ-ຊາຍ ​ໃນ​ມຸມ​ມອງ​ພຸດທະ​ສາສະໜາ

​ໂດຍ: ຄຳ​ພຸດ ​ເທບ​ພະນົມ

- lattana 1 - ສິດສະ​ເໝີ​ພາບ​ລະຫວ່າງ​ຍິງ-ຊາຍ ​ໃນ​ມຸມ​ມອງ​ພຸດທະ​ສາສະໜາ

ວັນທີ 8 ມີນາ ວັນແມ່ຍິງ ສາກົນກໍຫຍັບຈໍ້ເຂົ້າມາແລ້ວອັນເປັນຂີດໝາຍສຳຄັນທາງປະຫວັດສາດ. ທີ່ຊາວໂລກຍົກ ຍ້ອງມາເຖິງທຸກວັນນີ້ຈາກຄວາມພະຍາຍາມ ແລະ ອຸດົມການອັນກ້າແກ່ນ ແລະ ຄວາມສາມັກຄີອັນແໜ້ນແກ່ນຂອງ ເອື້ອຍນ້ອງແມ່ຍິງໄດ້ລຸກຂຶ້ນຕໍ່ສູ້ກັບອຳນາດນາຍທຶນ ທີ່ກົດຂີ່ແຮງງານ ແລະ ສະກັດກັ້ນສິດທິຂອງແມ່ຍິງ ບໍ່ໃຫ້ມີສິດສຽງໃນສັງຄົມນັ້ນ ຈົນໄດ້ຮັບໄຊຊະນະ. ແມ່ຍິ່ງເປັນກຳລັງສຳຄັນໜຶ່ງໃນການປະກອບສ່ວນເຂົ້າໃນການສ້າງສາພັດທະນາປະເທດຊາດ, ມີບົດບາດທາງສັງຄົມ, ສາມາດອອກຄວາມຄິດເຫັນ ແລະ ສະແດງອອກເປັນຮູບປະທຳ ບໍ່ດ້ອຍໄປກວ່າ ຜູ້ຊາຍ. ດັ່ງນັ້ນ, ເມື່ອເຖິງ ວັນແມ່ຍິງຫລາຍປະເທດໃນທົ່ວໂລກຕ່າງກໍຈະພ້ອມກັນ ສະເຫລີມສະຫລອງວັນປະຫວັດສາດສຳຄັນນີ້ຢ່າງສຸດໃຈ.

ໃນມຸມມອງຂອງພຸດທະ ສາສະໜາ ເຫັນວ່າ: ທຸກໆ ເພດລ້ວນແຕ່ມີສິດທິສະເໝີ ພາບກັນ ໃນຖານະມະນຸດທຸກ ຄົນມີສັກກະຍະພາບໃນການບັນລຸທຳຂັ້ນສູງ, ສາມາດປະຕິບັດຕົນໃຫ້ເປັນອະລິຍະບຸກຄົນ, ເດີນຕາມເສັ້ນທາງ ອະລິຍະມັກເພື່ອດັບທຸກບໍ່ ວຽນວາຍຕາຍເກີດໃນວັດຕະສົງສານໄດ້ຢ່າງເທົ່າທຽມ ກັນບໍ່ວ່າຈະເປັນຊາຍ ຫລື  ຍິງ. ໃນພຸດທະປະຫວັດໄດ້ ບັນທຶກເລື່ອງລາວຂອງການຍອມຮັບສິດທິຂອງຜູ້ຍິງໃຫ້ ພົ້ນຈາກການກົດຂີ່ຂົ່ມເຫງ, ປົດປ່ອຍໃຫ້ແມ່ຍິງມີອິດສະຫຼະທາງຄວາມຄິດ ແລະ ການສະແດງອອກນັ້ນກໍຄື ເຫດການອະນຸຍາດໃຫ້ນາງ ປະຊາບໍດີ ຜູ້ເປັນແມ່ລ້ຽງ ຂອງເຈົ້າຊາຍສິດທັດຖະບວດເປັນພິກຂຸນີອົງທຳອິດໃນພຸດທະສາສະໜາ.

ເຫດການນີ້, ເກີດຂຶ້ນພາຍຫລັງການສະຫວັນນະ ຄົດຂອງເຈົ້າສຸດໂທທະນະ ພໍ່ຂອງເຈົ້າຊາຍສິດທັດຖະ, ນາງປະຊາບໍດີຈຶ່ງມີຈິດປະ ສົງໃນການເປັນສາວົກ ແລະ ເປັນທາຍາດໃນທາງພຸດທະສາສະໜາ ຈຶ່ງໄດ້ເດີນທາງ ຈາກ ເມືອງກະບິນລະພັດ ໄປເມືອງສາວັດຖີ ແຕ່ເມື່ອ ໄປເຖິງແລ້ວພະພຸດທະເຈົ້າ ບໍ່ອະນຸຍາດໃຫ້ບວດເພາະເຫັນວ່າສັງຄົມອິນເດຍໃນ ໄລຍະນັ້ນຍັງບໍ່ພ້ອມຍອມ ຮັບສິດທິຂອງແມ່ຍິງ ແລະ ມີການຈຳກັດຫລາຍຢ່າງ ພະອານົນໄດ້ຂໍອະນຸຍາດຫລາຍຄັ້ງແຕ່ບໍ່ປະສົບຜົນສຳເລັດ. ແຕ່ຍັງບໍ່ລົດລະ ຄວາມພະຍາຍາມໂດຍການຕັ້ງຄຳຖາມນຳພະພຸດທະເຈົ້າວ່າ:

“ດ້ວຍຄວາມເຄົາລົບຖ້າ ຫາກແມ່ຍິງມີສັດທາອອກ ບວດໃນທາງພຸດທະສາສະ ໜາ ບໍ່ມີຄວາມກ່ຽວຂ້ອງ ກັບເຮືອນ ແລະ ໄດ້ປະຕິບັດ ຕາມແນວທາງພະທຳວິໄນ ຂອງພະພຸດທະເຈົ້າຈະສາ ມາດສຳເລັດເປັນພະອະລິ ຍະບຸກຄົນໄດ້ ຫລືບໍ່” ພະພຸດ ທະເຈົ້າຈຶ່ງຕອບວ່າ: “ຜູ້ຍິງ ເຫລົ່ານັ້ນສາມາດບັນລຸທຳ ໄດ້ແນ່ນອນ” ພະອານົນຈຶ່ງ ກ່າວຕໍ່ໄປວ່າ: “ດ້ວຍຄວາມ ເຄົາລົບ ຖ້າຜູ້ຍິງສາມາດບັນລຸທຳເຫລົ່ານັ້ນໄດ້ ສະ ແດງວ່ານາງປະຊາບໍດີ ຜູ້ ເປັນແມ່ລ້ຽງທີ່ມີບຸນຄຸນ ໄດ້ ເຮັດພາລະກິດຍິ່ງໃຫຍ່ຕໍ່ພະ ອົງແຕ່ເປັນຫຍັງຈຶ່ງບໍ່ອະ ນຸຍາດໃຫ້ນາງໄດ້ບວດໃນ ທາງພຸດທະສາສະໜາຕາມ ສັດທາອັນແນ່ວແນ່ ເພື່ອປະ ຕິບັດຕາມພະທຳມະວິໄນ” ດ້ວຍເຫດການນີ້ເອງ ຈຶ່ງເຮັດ ໃຫ້ພະພຸດທະເຈົ້າໄດ້ອະນຸຍາດໃຫ້ແມ່ຍິງໄດ້ບວດ  ແລະ ໄດ້ປະກາດຕໍ່ຊາວໂລກໃຫ້ຮູ້ວ່າ ພຸດທະສາສະໜາຍອມຮັບສິດທິສະເໝີພາບລະຫວ່າງຍິງ-ຊາຍ ຢ່າງເປັນຮູບປະທຳແລ້ວ.

ດັ່ງນັ້ນ, ໃນຖານະທີ່ປະ ເທດລາວມີປະຊາກອນຈຳ ນວນຫລາຍນັບຖືພຸດທະສາ ສະໜາພຸດມາຢ່າງຍາວນານ ຈຶ່ງເຫັນວ່າ: ໂອກາດອັນດີ ນີ້ເໝາະແກ່ໃນການສະເຫລີມສະຫລອງວັນແມ່ຍິງສາກົນ ເພື່ອເຮັດໃຫ້ວັນດັ່ງກ່າວນີ້ ເຕັມໄປດ້ວຍບັນຍາກາດອັນດີເພື່ອລະນຶກເຖິງວັນປະຫວັດສາດ ແລະ ມີຄວາມໝາຍ ຄວາມສຳຄັນຕໍ່ເອື້ອຍນ້ອງ ແມ່ຍິງລາວທຸກຄົນ ທີ່ມີສິດ ສະເໝີພາບຕໍ່ໜ້າກົດໝາຍ, ເປັນຈິດໜຶ່ງໃຈດຽວຕໍ່ການພັດທະນາປະເທດຊາດໃຫ້ ມີຄວາມຈະເລີນຮຸ່ງເຮືອງ./.

- 274 - ສິດສະ​ເໝີ​ພາບ​ລະຫວ່າງ​ຍິງ-ຊາຍ ​ໃນ​ມຸມ​ມອງ​ພຸດທະ​ສາສະໜາ
(ພາບປະກອບ)