ເຄັດລັບການເອົາຊະນະອາການແພ້ອາຫານ

ເຄັດລັບການເອົາຊະນະອາການແພ້ອາຫານ - advert banner 728 90 728x90 - ເຄັດລັບການເອົາຊະນະອາການແພ້ອາຫານ

  ອາການແພ້ອາຫານ ກໍແມ່ນອາການຜິດປົກກະຕິຂອງລະບົບພູມຕ້ານທານໃນຮ່າງກາຍເມື່ອເຮົາກິນອາຫານຊະນິດໃດຊະນິດໜຶ່ງເຂົ້າໄປ ເຮັດໃຫ້ເກີດຕຸ່ມຜື່ນຄັນ, ຕຸ່ມພິດຕາມຜິວໜັງ, ເມື່ອຍຫອບ, ວິນຫົວ, ຮາກ, ໄອ, ຕາ, ລີ້ນ ແລະ ປາກໃຄ່ບວມ ລວມໄປເຖິງອາການກ້າມຊີ້ນ ບາງພາກສ່ວນຊັກເກັງ ເຊິ່ງຖືວ່າເປັນອາການທີ່ຮ້າຍແຮງເຖິງຊີວິດໄດ້ເລີຍກໍມີຫາກບໍ່ໄດ້ຮັບການປິ່ນປົວຢ່າງຮີບດ່ວນ. ສະນັ້ນ ມື້ນີ້ພວກເຮົາມີວິທີການປ້ອງກັນ ແລະ ເບິ່ງແຍງຮັກສາໂຕເອງຈາກອາການແພ້ອາຫານມາແນະນຳທ່ານ.

ເຄັດລັບການເອົາຊະນະອາການແພ້ອາຫານ - lattana 1 - ເຄັດລັບການເອົາຊະນະອາການແພ້ອາຫານ

     1. ຫລີກເວັ້ນອາຫານບາງປະເພດ : ແນ່ນອນວ່າເມື່ອຮ່າງກາຍຂອງເຮົາມີປະຕິກິລິຍາຕໍ່ຕ້ານອາຫານທີ່ກິນເຂົ້າໄປໂດຍທີ່ບໍ່ຮູ້ຈະແຈ້ງວ່າເປັນອາຫານຊະນິດໃດ ສິ່ງທຳອິດທີ່ເຮົາຄວນຫລີກເວັ້ນກໍແມ່ນອາຫານບາງຊະນິດທີ່ອາດເຮັດໃຫ້ອາການແພ້ອາຫານຂອງເຮົາຮຸນແຮງຂຶ້ນ ເຊັ່ນ :

     – ອາຫານສຳເລັບຮູບ ເຊິ່ງເປັນອາຫານທີ່ຜ່ານຂະບວນການປຸງແຕ່ງຫລາຍຂັ້ນຕອນ ອາດມີສ່ວນປະສົມບາງຊະນິດທີ່ກໍ່ໃຫ້ເກີດອາການແພ້ໄດ້.

     – ນຳ້ຕານ ເປັນວັດຖຸດິບທີ່ກໍ່ໃຫ້ເກີດອາການແພ້ໄດ້ຄືກັນ ໂດຍອາຫານທີ່ມີລົດຊາດຫວານຫລາຍອາດມີສ່ວນກະຕຸ້ນໃຫ້ແບັກທີເຣຍໃນຮ່າງກາຍຈະເລີນເຕີບໃຫຍ່ຢ່າງວ່ອງໄວ ເຮັດໃຫ້ລະບົບພູມຕ້ານທານເກີດການອັກເສບ ແລະ ອ່ອນແອ.

     – ວັດຖຸແຕ່ງກິ່ນ ໃນອາຫານສຳເລັດຮູບບາງຊະນິດກໍມີການຕື່ມ ແລະ ແຕ່ງລົດຊາດສັງເຄາະ ເຊິ່ງລ້ວນແຕ່ມາຈາກສ່ວນປະສົມທາງເຄມີທັງໝົດ.

     – ກລູເຕັນ ເຊິ່ງເປັນກຸ່ມໂປຣຕິນທີ່ພົບໄດ້ໃນແປ້ງສາລີ ແລະ ເຂົ້າເບລ ບາງຄົນອາດມີອາການແພ້ໂປຣຕິນຊະນິດນີ້ ຈຶ່ງຄວນຫລີກເວັ້ນໄວ້ກ່ອນຈະດີທີ່ສຸດ.

     2. ຫລີກເວັ້ນໂຕກະຕຸ້ນອາການແພ້ : 90% ຂອງອາການແພ້ອາຫານຢ່າງໜັກລ້ວນມາຈາກວັດຖຸດິບບາງຊະນິດໃນອາຫານທີ່ເຮົາກິນເຂົ້າໄປໂດຍບໍ່ຮູ້ໂຕ ເຊັ່ນ :

     – ນົມງົວ ອາດເກີດຂຶ້ນຫລາຍໃນກຸ່ມເດັກນ້ອຍ ແລະ ຜູ້ໃຫຍ່ເປັນສ່ວນໜ້ອຍ ເນື່ອງຈາກຮ່າງກາຍບໍ່ສາມາດຍ່ອຍໂປຣຕິນທີ່ມາກັບນົມໄດ້.

     – ໄຂ່ ໃນໄຂ່ຂາວມີໂປຣຕິນຊື່ວ່າ ovomucoidທີ່ອາດກໍ່ໃຫ້ເກີດອາການແພ້ໃນບາງຄົນ.

     – ແປ້ງສາລີ ເຖິງວ່າເຮົາຈະກິນເປັນອາຫານຫລັກໄດ້ ແຕ່ກໍປະຕິເສດບໍ່ໄດ້ວ່າບາງຄົນແພ້ໂປຣຕິນ gluten  ທີ່ຢູ່ໃນແປ້ງສາລີ.

– ຖົ່ວເຫລືອງ ຖົ່ວເປັນອີກໜຶ່ງອາຫານຍອດນິຍົມທີ່ກໍ່ໃຫ້ເກີດອາການແພ້ໄດ້ຢ່າງຮຸນແຮງຄືກັນ ທ່ານຈຶ່ງຄວນສຶກສາສ່ວນປະສົມໃນອາຫານຢ່າງລະອຽດກ່ອນຈະກິນ.

     3. ກິນອາຫານທີ່ຊ່ວຍຫລຸດຜ່ອນອາການແພ້ : ເມື່ອຫລີກເວັ້ນອາຫານທີ່ຈະເຮັດໃຫ້ອາການແພ້ຂອງທ່ານທະວີຄູນຄວາມຮຸນແຮງຍິ່ງຂຶ້ນແລ້ວ ກໍຄວນກິນອາຫານທີ່ມີລິດຊ່ວຍຫລຸດຜ່ອນອາການແພ້ໃຫ້ດີຂຶ້ນ ເຊິ່ງແບ່ງອອກເປັນຫລາຍຊະນິດ ດັ່ງນີ້ :

     – ຜັກໃບຂຽວ ເຊັ່ນ : ຜັກຫົມ, ຜັກກາດຊອມ, ຜັກກາດດອກ, ຜັກກາດນາ, ໜໍ່ໄມ້ຝຣັ່ງ ລ້ວນແຕ່ມີລິດທີ່ອຸດົມໄປດ້ວຍວິຕາມິນ, ແຮ່ທາດ ແລະ ສານຕໍ່ຕ້ານອະນຸມູນອິດສະລະທີ່ຈະຊ່ວຍໃຫ້ລະບົບພູມຕ້ານທານແຂງແຮງ.

ເຄັດລັບການເອົາຊະນະອາການແພ້ອາຫານ - 1 1 - ເຄັດລັບການເອົາຊະນະອາການແພ້ອາຫານ

     – ອາຫານທີ່ມີຈຸລິນຊີ ເຊັ່ນ : ນົມສົ້ມ, ໂຢເກິດ, ຜັກກະລໍ່າດອງ ເປັນກຸ່ມອາຫານທີ່ຜ່ານການໝັກ ເຮັດໃຫ້ມີຈຸລິນຊີ ເຊິ່ງມີລິດຊ່ວຍຂ້າເຊື້ອແບັກທີເຣຍ, ບຳລຸງລະບົບພູມຕ້ານທານໃຫ້ແຂງແຮງ.

     – ເກືອໄອໂອດີນ 1 ບ່ວງແກງ ປະສົມນຳ້ດື່ມ 1 ລິດ ດື່ມໄດ້ໝົດມື້ ຈະເປັນຢາປິ່ນປົວພະຍາດທີ່ຊ່ວຍຂ້າເຊື້ອແບັກທີເຣຍໄດ້ເປັນຢ່າງດີ.

      – ຊາໂຄ ຫລື ຜົງຖ່ານ ຊ່ວຍດູດຊຶມສານພິດໃນຮ່າງກາຍໄດ້ດີ ທັງຍັງຊ່ວຍຫລຸດອາການແພ້ອາຫານໄປພ້ອມໆກັນ, ແຕ່ຄວນໃຊ້ໃນປະລິມານ 500 – 2.500 ມິນລີກຣາມ ເພື່ອຫລີກເວັ້ນອາການຖ່າຍຍາກ.

     – ແກ່ນທັນຍາພືດ ເຊັ່ນ : ແກ່ນດອກຕາເວັນ, ແກ່ນໝາກອຶ, ແກ່ນໝາກໂມ ລ້ວນແຕ່ອຸດົມໄປດ້ວຍກົດໄຂມັນໂອເມກ້າ 3 ເຊິ່ງເປັນມິດກັບຮ່າງກາຍ ບໍ່ເຮັດໃຫ້ມີອາການແພ້.

      4. ຈຳກັດອາຫານບາງຊະນິດ: ການກິນອາຫານແບບຈຳກັດເປັນອີກໜຶ່ງວິທີການປິ່ນປົວອາການແພ້ ໂດຍມີຫລັກການຄືຄ່ອຍໆຄັດເລືອກອາຫານທີ່ເຮົາສົງໄສວ່າຈະມີອາການແພ້ອອກ ແລ້ວສັງເກດເບິ່ງປະຕິກິລິຍາຂອງຮ່າງກາຍຢ່າງໃກ້ຊິດ   ຈາກນັ້ນຈຶ່ງກັບມາກິນອາຫານເຫລົ່ານັ້ນອີກເທື່ອໜຶ່ງ ໂດຍແບ່ງອອກເປັນກຸ່ມອາຫານຕ່າງໆ ເຊັ່ນ : ອາຫານຈຳພວກກລູເຕັນ, ນົມ, ຖົ່ວ, ໄຂ່, ແປ້ງສາລີ ແລະ ອາຫານສັງເຄາະທັງຫລາຍ.

     5. ກິນຜະລິດຕະພັນອາຫານເສີມ : ເປັນອີກວິທີໜຶ່ງທີ່ສະດວກ, ໄວ, ປະຢັດເວລາໃນການປິ່ນປົວ ທັງຍັງຊ່ວຍໃຫ້ລະບົບພູມຕ້ານທານກັບມາແຂງແຮງໄວຂຶ້ນນຳອີກ.

     – ອາຫານເສີມຊ່ວຍຍ່ອຍອາຫານ ຈະເປັນຜະລິດຕະພັນທີ່ຊ່ວຍເພີ່ມປະສິດທິພາບລະບົບຍ່ອຍອາຫານຂອງເຮົາໃຫ້ຍ່ອຍອາຫານໄດ້ຢ່າງລະອຽດຍິ່ງຂຶ້ນ ເນື່ອງຈາກສາເຫດຂອງອາການແພ້ອາຫານອາດມາຈາກການທີ່ອາຫານບໍ່ຍ່ອຍກໍມີ.

     – ໂປຣໄບໂອຕິກ ອາຫານເສີມທີ່ຈະຊ່ວຍເພີ່ມຈຸລິນຊີທີ່ດີມີປະໂຫຍດໃຫ້ກັບຮ່າງກາຍ ເພີ່ມປະສິດທິພາບການຍ່ອຍອາຫານ, ກຳຈັດແບັກທີເຣຍ ແລະ ເຮັດໃຫ້ລະບົບພູມຕ້ານທານແຂງແຮງ.

     – ວິຕາມິນເບ 5 ສາມາດເອົາມາກິນເພື່ອປິ່ນປົວອາການແພ້ອາຫານໄດ້ຄືກັນ ເນື່ອງຈາກຈະຊ່ວຍເສີມການເຮັດວຽກຂອງຕ່ອມໝວກໄຕ ແລະ ເຮັດໃຫ້ລະບົບພູມຕ້ານທານແຂງແຮງຍິ່ງຂຶ້ນ.