3 ສູດທຳມະຊາດຊ່ວຍກຳຈັດບັນຫາຮີມສົບດຳ
– ແມ່ນຫຍັງທີ່ເຮັດໃຫ້ຮີມສົບດຳໄດ້ແດ່ ?
ການສູບຢາ ຫລື ດື່ມຊາ, ກາເຟເປັນປະຈຳ ເປັນສາເຫດຫລັກທີ່ເຮັດໃຫ້ຮີມສົບດຳຄຳ້ໄດ້, ການຕາກແດດກ້າໆ, ຂາດການບຳລຸງ ຫລື ການເລືອກໃຊ້ເຄື່ອງສຳອາງທີ່ມີສ່ວນປະສົມຂອງສານເຄມີຮຸນແຮງ ເປັນອີກໜຶ່ງສາເຫດຫລັກທີ່ເຮັດໃຫ້ຮີມສົບດຳຄຳ້ໄດ້. ນອກຈາກນີ້ແມ່ນການປ່ອຍໃຫ້ຮີມສົບແຫ້ງ, ລະຄາຍເຄືອງ ຫລື ຮູ້ສຶກຄັນ ກໍເປັນອີກໜຶ່ງສັນຍານຂອງຮີມສົບດຳຄຳ້.
1. ໃຊ້ນຳ້ມັນຖົ່ວອາວມັອນ ແລະ ນຳ້ເຜິ້ງ : ເທນຳ້ມັນຖົ່ວອາວມັອນ 1 ບ່ວງກາເຟລົງໃນຖ້ວຍນ້ອຍປະສົມກັບນຳ້ເຜິ້ງ 1 ບ່ວງກາເຟ ແລ້ວຄົນປະສົມໃຫ້ເຂົ້າກັນ ຫລັງຈາກນັ້ນກໍເອົາສ່ວນປະສົມນີ້ມານວດເບົາໆໃສ່ຮີມສົບ ແລະ ທາປະໄວ້ 30 ນາທີ ຈຶ່ງລ້າງອອກ ເຮັດແບບນີ້ 4 ເທື່ອຕໍ່ມື້ ຮີມສົບຂອງທ່ານຈະຄ່ອຍໆສົດໃສ ແລະ ຊຸ່ມຊື່ນຂຶ້ນ.
2. ໃຊ້ກີບດອກກຸຫລາບ, ຄຣີມນົມ ແລະ ນຳ້ເຜິ້ງ : ເດັດກີບດອກກຸ ຫລາບ 3 – 4 ກີບມາບົດປະສົມໃສ່ກັບຄຣີມນົມ 1 ບ່ວງກາເຟ ແລະ ນຳ້ເຜິ້ງ 1 ບ່ວງກາເຟ ຈາກນັ້ນປະສົມໃຫ້ເຂົ້າກັນ, ທາສ່ວນປະສົມນີ້ໃສ່ຮີມສົບປະໄວ້ 20 ນາທີ ຈາກນັ້ນເຊັດອອກດ້ວຍນຳ້ນົມ ແລະ ເຊັດອີກເທື່ອໜຶ່ງດ້ວຍນຳ້ສະອາດ, ເຮັດແບບນີ້ເປັນປະຈຳທຸກມື້ ຮີມສົບຂອງທ່ານຈະຄ່ອຍໆປ່ຽນເປັນສີບົວ ຊຸ່ມຊື່ນ ແລະ ມີສຸຂະພາບດີຂຶ້ນ.
3. ຝຸ່ນຂີ້ໝິ້ນ ແລະ ນຳ້ໝາກນາວ ວິທີກະກຽມແມ່ນເອົາຝຸ່ນຂີ້ໝິ້ນ 1 ບ່ວງກາເຟປະສົມໃສ່ນຳ້ໝາກນາວ 1 ບ່ວງກາເຟ ຄົນໃຫ້ສ່ວນປະສົມເຂົ້າກັນດີ ແລ້ວເອົາມາທາໃສ່ຮີມສົບ ປະໄວ້ 10 ນາທີ ຈຶ່ງລ້າງອອກດ້ວຍນຳ້ສະອາດ.
ການເບິ່ງແຍງຮີມສົບໃຫ້ແດງອົມບົວຢູ່ສະເໝີນັ້ນ ທ່ານຄວນຜັດຖູຮີມສົບກ່ອນນອນທຸກໆມື້ໂດຍໃຊ້ແປງຖູແຂ້ວທີ່ມີຂົນອ່ອນໆຖູເບົາໆ ວິທີນີ້ຈະຊ່ວຍກຳຈັດແຊນຜິວໜັງທີ່ຕາຍແລ້ວອອກ, ຫລີກເວັ້ນການໃຊ້ລິບສະຕິກທີ່ມີສ່ວນປະສົມຂອງເຄມີທີ່ຮຸນແຮງ ແລະ ສິ່ງສຳຄັນຄວນລ້າງເຮັດຄວາມສະອາດເຄື່ອງສຳອາງອອກດ້ວຍມອຍເຈີໄຣເຊີ ແລະ ບຳລຸງຮີມສົບກ່ອນນອນທຸກຄືນ ພຽງເທົ່ານີ້ຮີມສົບຂອງທ່ານກໍຈະມີສີແດງອົມບົວສຸຂະພາບດີໄດ້ແລ້ວ.
