ທ່ານ ທຣຳ ຂູ່ຍົກເລີກໃຫ້ສິດພິເສດ ທາງການຄ້າແກ່ອິນເດຍ

- advert banner 728 90 728x90 - ທ່ານ ທຣຳ ຂູ່ຍົກເລີກໃຫ້ສິດພິເສດ ທາງການຄ້າແກ່ອິນເດຍ

      ປະທານາທິບໍດີ ​ໂດນ​ັລ ທຣຳ ຂອງ​ອາ​ເມ​ລິ​ກາ ລະບຸ​ໃນ​ຈົດໝາຍ​ທີ່​ສົ່ງ​ໃຫ້​ສະພາ​ຄອງ​ເກດ ​ໂດຍ​ລະບຸ​ວ່າ: ຕ້ອງການ​ຍົກ​ເລີກ​ການ​ໃຫ້​ສິດພິ​ເສດ​ທາງ​ການ​ຄ້າ​ແກ່​ອິນ​ເດຍ ​ເຊິ່ງພາຍ​ໃຕ້​ຂໍ້​ຕົກລົງ​ດ້ານ​ສິດ​ພິ​ເສດ​ທາງ​ການຄ້າ​ນີ້ ຊ່ວຍ​ໃຫ້​ອິນ​ເດຍສົ່ງ​ອອກ​ສິນຄ້າ​ປະ​ເພດ​ຕ່າງໆ​ເຂົ້າອາ​ເມ​ລິ​ກາ​ໄດ້​ໂດຍ​ບໍ່​ເສຍ​ພາສີ​ມູນ​ຄ່າ 5,6 ພັນ​ລ້ານ​ໂດ​ລາ ພ້ອມ​ໃຫ້​ເຫດຜົນ​ຈະ​ຍົກ​ເລີກ​ໃຫ້​ສິດ​ພິ​ເສດ​ທາງ​ການ​ຄ້າ ​ເພາະ​ອິນ​ເດຍບໍ່​ໄດ້​ດຳ​ເນີນ​ນະ​ໂຍບາຍ​ເປີດ​ກວ້າງ ​ເພື່ອ​ໃຫ້​ບໍລິສັດ​ອາ​ເມ​ລິ​ກາ​ເຂົ້າຕະຫລາດ​ອິນ​ເດຍຢ່າງ​ສົມ​ເຫດ​ສົມ​ຜົນ ​ແລະ ​ເທົ່າ​ທຽມ.

- lattana 1 - ທ່ານ ທຣຳ ຂູ່ຍົກເລີກໃຫ້ສິດພິເສດ ທາງການຄ້າແກ່ອິນເດຍ

      ນອກຈາກ​ນີ້, ປະທານາທິບໍດີ ທຣຳ ​ເຊິ່ງ​ໃຫ້​ຄຳ​ໝັ້ນວ່າ​ຈະ​ຫລຸດ​ການ​ຂາດດູນ​ການ​ຄ້າ​ກັບ​ບັນດາ​ປະ​ເທດ​ຄູ່​ຄ້າ​ໃຫ້​ໄດ້ ຮຽກຮ້ອງ​ອີກ​ຄັ້ງ​ໃຫ້​ສະພາ​ຄອງ​ເກດ ຂຶ້ນພາສີ​ສິນຄ້າ​ນຳ​ເຂົ້າຈາກ​ອິນ​ເດຍ.

      ທັງ​ນີ້, ສຳນັກງານ​ຜູ້​ແທນ​ການ​ຄ້າ​ຂອງ​ອາ​ເມ​ລິ​ກາ (USTR) ລະບຸ​ວ່າ: ອາ​ເມ​ລິ​ກາ​ຂາດດູນ​ການ​ຄ້າ​ຕໍ່​ອິນ​ເດຍທັງ​ໃນ​ສ່ວນ​ຂອງ​ສິນຄ້າ ​ແລະ ການ​ບໍລິການ​ໃນ​ປີ 2017 ມູນ​ຄ່າ 27,3 ພັນ​ລ້ານ​ໂດ​ລາ ​ໂດຍ​ອິນ​ເດຍ ​ເປັນ​ປະ​ເທດ​ທີ່​ໄດ້​ຮັບ​ຜົນ​ປະ​ໂຫຍ​ດຫລາຍ​ທີ່​ສຸດ​ຈາກ​ໂຄງການ​ໃຫ້​ສິດ​ພິ​ເສດ​ດ້ານ​ພາສີ (GSP) ຂອງ​ອາ​ເມ​ລິ​ກາ ​ເຊິ່ງຖ້າ​ລັດຖະບານ​ອາ​ເມ​ລິ​ກາ​ຍົກ​ເລີກ​ສິດ​ພິ​ເສດ​ດ້ານ​ນີ້​ແກ່​ອິນ​ເດຍ ຈະ​ຖື​ເປັນ​ການ​ລົງທຶນ​ປະ​ເທດ​ຄູ່​ຄ້າ​ຄື​ອິນ​ເດຍຮຸນ​ແຮງ​ທີ່​ສຸດ ນັບ​ແຕ່​ທ່ານ ທຣຳ ກ້າວ​ຂຶ້ນມາ​ເປັນ​ປະທານາທິບໍດີ.