ກອງປະຊຸມສາມັນຄົບຄະນະກຳມະ ການສູນກາງແນວລາວສ້າງຊາດຄັ້ງທີ 4 ສະໄຫມທີ 10 ຈະ​ໄຂ​ຂຶ້ນ​ໃນ​ວັນ​ທີ 12-13 ມີນາ​ນີ້

ກອງປະຊຸມສາມັນຄົບຄະນະກຳມະ ການສູນກາງແນວລາວສ້າງຊາດຄັ້ງທີ 4 ສະໄຫມທີ 10 ຈະ​ໄຂ​ຂຶ້ນ​ໃນ​ວັນ​ທີ 12-13 ມີນາ​ນີ້ - advert banner 728 90 728x90 - ກອງປະຊຸມສາມັນຄົບຄະນະກຳມະ ການສູນກາງແນວລາວສ້າງຊາດຄັ້ງທີ 4 ສະໄຫມທີ 10 ຈະ​ໄຂ​ຂຶ້ນ​ໃນ​ວັນ​ທີ 12-13 ມີນາ​ນີ້

    ໃນວັນທີ 4 ມີນານີ້, ສູນກາງແນວລາວສ້າງຊາດ ໄດ້ຈັດພິທີຖະ​ແຫລງຂ່າວຕໍ່​ສື່​ມວນ​ຊົນ​ລາວ​ວ່າ: ກອງປະຊຸມສາມັນຄົບຄະນະກໍາມະການສູນກາງແນວລາວສ້າງຊາດຄັ້ງທີ 4 ສະໄຫມທີ 10 ຈະ​ເປີດ​ຂຶ້ນ​ໃນ​ວັນ​ທີ 12-13 ມີນາ​ນີ້ ທີ່​ນະຄອນຫລວງ​ວຽງ​ຈັນ ຕາມລະບຽບ ແລະ ກົດຫມາຍວ່າດ້ວຍແນວລາວສ້າງຊາດທີ່ລະບຸໄວ້ໃນຫມວດທີ 6, ມາດຕາທີ 29, 32 ແລະ 33 ກ່ຽວກັບການດໍາເນີນກອງປະຊຸມສະໄຫມສາມັນຂອງຄະນະກໍາມະການສູນກາງແນວລາວສ້າງຊາດ ​ແລະ ຂໍ້ຕົກລົງວ່າດ້ວຍການອະນຸມັດເປີດກອງປະຊຸມດັ່ງກ່າວ​ຂອງຄະນະກໍາມະການສູນກາງແນວລາວສ້າງຊາດ ເລກທີ 06.

ກອງປະຊຸມສາມັນຄົບຄະນະກຳມະ ການສູນກາງແນວລາວສ້າງຊາດຄັ້ງທີ 4 ສະໄຫມທີ 10 ຈະ​ໄຂ​ຂຶ້ນ​ໃນ​ວັນ​ທີ 12-13 ມີນາ​ນີ້ - lattana 1 - ກອງປະຊຸມສາມັນຄົບຄະນະກຳມະ ການສູນກາງແນວລາວສ້າງຊາດຄັ້ງທີ 4 ສະໄຫມທີ 10 ຈະ​ໄຂ​ຂຶ້ນ​ໃນ​ວັນ​ທີ 12-13 ມີນາ​ນີ້

     ກອງປະຊຸມຄັ້ງສຳຄັນ​ນີ້ຈະໄຂຂຶ້ນຢ່າງເປັນທາງການ ຢູ່ສູນຝຶກອົບຮົມຮ່ວມມືລາວ-ຢີ່ປຸ່ນ ຫລື ITCT ພາຍໃຕ້ການເປັນປະທານຂອງທ່ານ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ ໂດຍຈະມີບັນດາສະຫາຍກໍາມະການສູນກາງແນວລາວສ້າງຊາດ​ເຂົ້າຮ່ວມ 219 ຄົນທີ່ເປັນຕົວແທນໃຫ້ແກ່ປະຊາຊົນນບັນດາເຜົ່າ, ຊັ້ນຄົນ, ສາສະຫນາ,ແລະ ຊາວລາວທີ່ດໍາຊີວິດຢູ່ຕ່າງປະເທດ, ພ້ອມດ້ວຍຜູ້ຕາງຫນ້າບັນດາພາກສ່ວນກ່ຽວຂ້ອງເຂົ້າຮ່ວມນຳ​ດ້ວຍ.

      ໃນກອງປະຊຸມ​ໄດ້ຮັບຟັງການເຜີຍແຜ່ ຮ່າງບົດສະຫລຸບຕີລາຄາການເຄື່ອນໄຫວວຽກງານແນວລາວປະຈໍາປີ 2018, ແລະ ທິດທາງແຜນການປີ 2019 ເພື່ອຢັ້ງຢືນເຖິງຜົນສໍາເລັດ, ດ້ານດີ, ດ້ານອ່ອນ, ແລະ ຂໍ້ຄົງຄ້າງ ເພື່ອພ້ອມກັນປັບປຸງແກ້ໄຂໃຫ້ນັບມື້ດີຂຶ້ນ. ນອກນີ້ ຍັງຈະໄດ້ຮັບຟັງການປະກອບຄໍາເຫັນຈາກກໍາມະການສູນກາງແນວລາວສ້າງຊາດ, ອົງການຈັດຕັ້ງພາຄີ, ແນວລາວສ້າງຊາດແຂວງ, ນະຄອນຫລວງໃນຫລາຍຫົວຂໍ້ທີ່ພົວພັນເຖິງການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ 10 ຂອງແນວລາວສ້າງຊາດ ໂດຍສະເພາະແມ່ນການຈັດຕັ້ງປະຕິບັດແຜນງານ ເພື່ອພັດທະນາອົງການແນວລາວສ້າງຊາດໃນໄລຍະ 1 ປີຜ່ານມາ ໃນຂົງເຂດຄວາມຮັບຜິດຊອບຂອງກໍາມະການສູນກາງແນວລາວສ້າງຊາດແຕ່ລະຂັ້ນ ແລະ ກໍາມະການສູນກາງແນວລາວສ້າງຊາດຢູ່ຕ່າງປະເທດ, ຈະພິຈາລະນາຮັບຮອງເອົາບຸກຄະລາກອນ ເພື່ອບັນຈຸເຂົ້າໃນຄະນະກໍາມະການສູນກາງແນວລາວສ້າງຊາດເພີ່ມຕື່ມ ແລະ ທັງປ່ຽນແທນຈໍານວນໜຶ່ງ ລວມເຖິງວຽກງານສໍາຄັນຕ່າງໆອີກຈໍານວນຫນຶ່ງ.

ກອງປະຊຸມສາມັນຄົບຄະນະກຳມະ ການສູນກາງແນວລາວສ້າງຊາດຄັ້ງທີ 4 ສະໄຫມທີ 10 ຈະ​ໄຂ​ຂຶ້ນ​ໃນ​ວັນ​ທີ 12-13 ມີນາ​ນີ້ - 1 1 - ກອງປະຊຸມສາມັນຄົບຄະນະກຳມະ ການສູນກາງແນວລາວສ້າງຊາດຄັ້ງທີ 4 ສະໄຫມທີ 10 ຈະ​ໄຂ​ຂຶ້ນ​ໃນ​ວັນ​ທີ 12-13 ມີນາ​ນີ້