ສະພາກາຊາດໄທມອບເຄື່ອງຊ່ວຍເຫຼືອ ໃຫ້ອົງການກາແດງລາວ

ສະພາກາຊາດໄທມອບເຄື່ອງຊ່ວຍເຫຼືອ ໃຫ້ອົງການກາແດງລາວ - advert banner 728 90 728x90 - ສະພາກາຊາດໄທມອບເຄື່ອງຊ່ວຍເຫຼືອ ໃຫ້ອົງການກາແດງລາວ

ພິທີມອບ-ຮັບເຄື່ອງຊ່ວຍເຫຼືອຈາກສະພາກາຊາດໄທ ໃຫ້ກັບອົງການກາແດງລາວ ໄດ້ຈັດຂຶ້ນໃນວັນທີ 5 ມີນານີ້ ທີ່ນະຄອນຫຼວງວຽງຈັນ ລະຫວ່າງທ່ານ ກາວີ ພອນສຸດທິ ຫົວໜ້າກອງຊ່ວຍເຫຼືອບັນເທົາທຸກ ອົງການກາແດງລາວ ແລະ ທ່ານ ພົນໂທ ອຳນາດ ບາລີ ຜູ້ອຳນວຍການສຳນັກງານບັນເທົາທຸກສະພາກາຊາດໄທ, ມີ​ທ່ານ ຄໍາ​ຮຸ່ງ ​ເຮືອງ​ວົງ​ສີ ປະທານ​ອົງການ​ກາ​ແດງ​ລາວ​ເຂົ້າ​ຮ່ວມ. ​ເຄື່ອງ​ທີ່​ນໍາ​ມາ​ມອບ​ຄັ້ງ​ນີ້ປະກອບ​ມີ: ​ເຮືອອາ​ລູມີນຽມ 3 ລໍາ, ຈັກ​ເຮືອ 3 ໜ່ວຍ, ຄອມ​ພິວ​ເຕີ​ຕັ້ງ​ໂຕະ 55 ຊຸດ, ພັດ​ລົມ​ຕັ້ງ​ໂຕະ 3 ໜ່ວຍ, ​ເຄື່ອງນຸ່ງ​ຫົ່ມ 244 ​ແກັດ ​ແລະ ຢາ​ຖູ​ແຂ້ວ 21 ​ແກັດ ລວມມູນ​ຄ່າ​ທັງໝົດ 103.372 ໂດລາສະຫະລັດ ເພື່ອ​​ເປັນ​ສ່ວນ​ໜຶ່ງ​ໃນ​ການເສີມ​ຂະຫຍາຍ​ການ​ພົວພັນ​ຮ່ວມ​ມືລະຫວ່າງ​ກາ​ແດງ​ສອງ​ປະ​ເທດ​ໃຫ້​ມີ​ຄວາມ​ແໜ້ນ​ແຟ້ນຍິ່ງ​ຂຶ້ນ, ທັງເປັນການປະຕິບັດຕາມການຮ່ວມມື ໄລຍະປີ 2019 ຫາປີ 2022 ທີ່ໄດ້ລົງ​ນາມ​ຮ່ວມ​ກັນ ​ແລະ ການ​ຊ່ວຍ​ເຫລືອ​ດັ່ງກ່າວຍັງເປັນການກຽມຄວາມພ້ອມ ເພື່ອຮັບມືກັບໄພພິບັດທີ່ອາດເກີດຂຶ້ນ ແລະ ຊ່ວຍເຫຼືອປະຊາຊົນຜູ້ທຸກຍາກຂາດເຂີນ ແລະ ຜູ້ປະສົບໄພພິບັດຕ່າງໆ.

ສະພາກາຊາດໄທມອບເຄື່ອງຊ່ວຍເຫຼືອ ໃຫ້ອົງການກາແດງລາວ - lattana 1 - ສະພາກາຊາດໄທມອບເຄື່ອງຊ່ວຍເຫຼືອ ໃຫ້ອົງການກາແດງລາວ

ຜ່ານມາສະພາກາຊາດໄທໄດ້ໃຫ້ການຊ່ວຍເຫຼືອປະຊາຊົນລາວຕະຫຼອດມາ ໂດຍສະເພາະໄພພິບັດນໍ້າຖ້ວມຢູ່ເມືອງສະໜາມໄຊ ແຂວງອັດຕະປື​ໃນ​ລະດູຝົນ​ຜ່ານ​ມາ ໂດຍໄດ້ມອບເຮືອກູ້ໄພ 3 ລໍາ, ຈັກເຮືອ 3 ໜ່ວຍ ແລະ ເຄື່ອງບັນເທົາທຸກອີກຈໍານວນໜຶ່ງ ລວມມູນຄ່າເກືອບ 10 ລ້ານບາດ (ສະກຸນເງິນໄທ).

ສະພາກາຊາດໄທມອບເຄື່ອງຊ່ວຍເຫຼືອ ໃຫ້ອົງການກາແດງລາວ - 1 1 - ສະພາກາຊາດໄທມອບເຄື່ອງຊ່ວຍເຫຼືອ ໃຫ້ອົງການກາແດງລາວ