ດາວຮຸ່ງ ບາເຊໂລນາ ປະກາດແຍກທາງກັບທີມຮຽບຮ້ອຍແລ້ວ

ດາວຮຸ່ງ ບາເຊໂລນາ ປະກາດແຍກທາງກັບທີມຮຽບຮ້ອຍແລ້ວ - advert banner 728 90 728x90 - ດາວຮຸ່ງ ບາເຊໂລນາ ປະກາດແຍກທາງກັບທີມຮຽບຮ້ອຍແລ້ວ

      ​ເຊຣກີ້ ຊາມ​ເປ ມິດ​ຟິລ​ຊາວ​ສະ​ເປ​ນ ​ແຍກ​ທາງ​ກັບ ບາ​ເຊ​ໂລ​ນາ ຮຽບຮ້ອຍ, ຄາດ​ກຽມ​ໄປ​ຫາ​ກິນ​ໃນ​ລີກ​ຍີ່ປຸ່ນ​ກັບ ວິລ​ເຊ​ລ ​ໂກ​ເບ.

      ບາ​ເຊ​ໂລ​ນາ ຍອດ​ສະ​ໂມ​ສອນ​ບານ​ເຕະ​ໃນ​ ລາ​ລີ​ກາ ສະ​ເປ​ນ ປະກາດ​ຢືນຢັນ​ໃນ​ວັນ​ທີ 4 ມີນາ​ວ່າ: ​ໄດ້​ຍົກ​ເລີກ​ສັນຍາ​ທີ່​ເຫລືອ​ອີກ 4​ ​ເດືອນ​ກັບ ​ເຊຣກີ້ ຊາມ​ເປ ກອງ​ກາງ​ຕົວ​ຮັບ​ຊາວ​ສະ​ເປ​ນ ​ແລ້ວ ​ໂດຍ​​ເປັນ​ການ​ຕົກລົງ​ດ້ວຍ​ຄວາມ​ເຫັນ​ພ້ອມ​ຂອງ​ທັງ​ສອງ​ຝ່າຍ.

      ຊາມ​ເປ ຢູ່​ກັບ ບາ​ເຊ​ໂລ​ນາ ມາ​ແຕ່​ອາຍຸ 6 ປີ ​ແລະ ຖື​ເປັນ​ອີກ​ໜຶ່ງ​ຜົນ​ຜະລິດ​ຈາກ ລາ ມາ​ເຊຍ ​ແຕ່​ຈາກ​ບັນຫາ​ບາດ​ເຈັບ​ລົບ​ກວນ ​ແລະ ​ເກືອບ​ບໍ່​ມີ​ໂອກາດ​ໂຊ​ຝີ​ຕີນ ນັບ​ແຕ່​ກ້າວ​ຂຶ້ນສູ່​ທີ​ມຊຸດ​ໃຫຍ່​ໃນ​ປີ 2014 ​ເຮັດ​ໃຫ້​ຫລ້າ​ສຸດ ດາວ​ເຕະ​​ໄວ 24 ປີ ​ເລືອກ​ແຍກ​ທາງ​ກັບ​ສະ​ໂມ​ສອນ​ຮຽບຮ້ອຍ ​ໂດຍ​ລະດູ​ການ​ນີ້ ລາວ​ໄດ້​ລົງ​ຫລິ້ນພຽງ​ນັດ​ດຽວ​ເທົ່າ​ນັ້ນ ​ເຊິ່ງ​ເປັນ​ເກ​ມ ​ໂກ​ປາ ​ເດລ ​ເຣ ​ໃນ​ທ້າຍ​ເດືອນ​ຕຸລາ​ປີ​ກ່ອນ.

ດາວຮຸ່ງ ບາເຊໂລນາ ປະກາດແຍກທາງກັບທີມຮຽບຮ້ອຍແລ້ວ - lattana 1 - ດາວຮຸ່ງ ບາເຊໂລນາ ປະກາດແຍກທາງກັບທີມຮຽບຮ້ອຍແລ້ວ
ດາວຮຸ່ງ ບາເຊໂລນາ ປະກາດແຍກທາງກັບທີມຮຽບຮ້ອຍແລ້ວ - 1 1 - ດາວຮຸ່ງ ບາເຊໂລນາ ປະກາດແຍກທາງກັບທີມຮຽບຮ້ອຍແລ້ວ

       ​ເຊື່ອ​ກັນ​ວ່າ ຊາມ​ເປ ກຽມ​ຈະ​ເຊັນ​ສັນຍາ​ຍ້າຍ​ໄປ​ຫລິ້ນກັບ ວິສ​ເຊ​ລ ​ໂກ​ເບ ສະ​ໂມ​ສອນ​ດັງ​ໃນ ​ເຈ​ລີກ ຍີ່ປຸ່ນ ​ເຊິ່ງນັ້ນຈະ​ເຮັດ​ໃຫ້​ລາວ​ໄດ້​ຢູ່​ຮ່ວມ​ກັບ​ທີ​ມອະດີດ​ສອງ​ນັກ​ເຕະ​ດັງ ບາ​ຊາ ຄື ​ອັນ​ເດ​ຣ ອິ​ເນຍສຕ້າ ​ແລະ ດາ​ບິດ ບີ​ຢາ.

error: Content is protected !!