ລິສເຕີຣີນໃຫ້ປະໂຫຍດຫລາຍກ່ວາເປັນນ້ຳຢາບ້ວນປາກ
ລິສເຕີຣີນ ເປັນທີ່ຮູ້ຈັກກັນທົ່ວໄປວ່າເປັນນຳ້ຢາບ້ວນປາກ, ແຕ່ຍັງມີອີກຫລາຍຢ່າງທີ່ບາງຄົນອາດຮູ້ ຫລື ອາດຈະບໍ່ຮູ້ກໍມີ ເພາະວ່າລິສເຕີຣີນມີສ່ວນປະສົມທີ່ສາມາດເອົາມາຊ່ວຍເຮົາໄດ້ຫລາຍໆເລື່ອງດັ່ງນີ້ :
1. ໃຊ້ແຊ່ຕີນ : ແຊ່ຕີນໃນລິສເຕີຣີນປະມານເຄິ່ງຊົ່ວໂມງຈະຊ່ວຍກຳຈັດເຊື້ອລາທີ່ຢູ່ໃນຕີນ ແລະ ຊ່ວຍກຳຈັດກິ່ນເໝັນຢູ່ຕີນ ຫລື ການໝັກໝົມຂອງແບັກທີເຣຍຢູ່ຕີນໄດ້.
2. ກຳຈັດກິ່ນຂີ້ເຫຍື້ອ : ໃຊ້ຜ້າ ຫລື ເຈ້ຍປຽກຈຸ່ມລິສເຕີຣີນແລ້ວໃສ່ລົງໄປໃນກົ້ນຖັງຂີ້ເຫຍື້ອ ຈະຊ່ວຍດັບກິ່ນຂອງຖັງຂີ້ເຫຍື້ອໄດ້.
3. ກຳຈັດເຫັບ – ໝັດ : ພຽງແຕ່ປະສົມລິສເຕີຣີນລົງໃນນຳ້ຢາສຳລັບອາບນຳ້ໃຫ້ໝາ ຈະຊ່ວຍກຳຈັດເຫັບ ແລະ ໝັດໄດ້.
4. ກຳຈັດສິວ : ລອງໃຊ້ລິສເຕີຣີນລ້າງໜ້າບໍລິເວນທີ່ມີສິວຂຶ້ນໃນຕອນເຊົ້າ ແລະ ກ່ອນນອນ ຈະພົບວ່າສິວນັ້ນຫາຍໄປໄວກ່ວາປົກກະຕິ.
5. ກຳຈັດຂີ້ຄັນແຄ : ເທລິສເຕີຣີນໃສ່ຜ້າ ແລ້ວເຊັດຫົວປະໄວ້ປະມານ 10 ນາທີ ແລ້ວລ້າງອອກ ຈະຊ່ວຍກຳຈັດຂີ້ຄັນແຄໃຫ້ເຊົາຂາດ.
6. ເຊັດໜ້າຈໍ : ໃຊ້ລິສເຕີຣີນເທໃສ່ຜ້າແລ້ວເຊັດໜ້າຈໍໂທລະພາບ, ຈໍຄອມພິວເຕີ ຈະສະອາດດີຂຶ້ນ.
7. ແກ້ອາການຄັນ : ທາລິສເຕີຣີນລົງໃສ່ບໍລິເວນທີ່ຖືກແມງໄມ້ກັດຕອດ ຫລື ແພ້ຫຍ້າ ເຊິ່ງອາການຄັນເຫລົ່ານີ້ຈະຫລຸດຜ່ອນລົງໄດ້.
8. ກຳຈັດກິ່ນຂີ້ເຕົ່າ : ໃຊ້ສຳລີຈຸ່ມລິສເຕີຣີນແລ້ວເຊັດຂີ້ແຮ້ ເຊິ່ງຈະຊ່ວຍປ້ອງກັນບໍ່ໃຫ້ເກີດກິ່ນຂີ້ເຕົ່າໄດ້ເປັນຢ່າງດີ.
9. ໃຊ້ລ້າງແປງຖູແຂ້ວ : ເທລິສເຕີຣີນປະສົມນຳ້ໃນຈອກ ແລ້ວແຊ່ແປງຖູແຂ້ວປະໄວ້ປະມານ 30 ນາທີ ຈະຊ່ວຍກຳຈັດຄາບເຊື້ອພະຍາດຈາກແປງຖູແຂ້ວໄດ້.
