4 ວິທີພັດທະນາຕົນເອງໂດຍບໍ່ຕ້ອງໃຊ້ເງິນຫລາຍ

4 ວິທີພັດທະນາຕົນເອງໂດຍບໍ່ຕ້ອງໃຊ້ເງິນຫລາຍ - advert banner 728 90 728x90 - 4 ວິທີພັດທະນາຕົນເອງໂດຍບໍ່ຕ້ອງໃຊ້ເງິນຫລາຍ

    1. ອ່ານໜັງສື : ຍຸກນີ້ເປັນຍຸກທີ່ຜູ້ຮູ້ລະດັບອາຈານຫລາຍທ່ານນິຍົມອອກໜັງສືທັງເພື່ອແບ່ງປັນ, ແຈກຢາຍຄວາມຮູ້ ຫລື ແມ່ນແຕ່ໂຄສະນາຫລັກສູດສຳມະນາ ເຮັດໃຫ້ເຮົາໄດ້ຜົນປະໂຫຍດໃນການເພີ່ມພູນຄວາມຮູ້ຂອງເຮົາບໍ່ສິ້ນສຸດ ເຊິ່ງປະໂຫຍດທີ່ໄດ້ກໍມີຫລາຍດ້ານ ຄື :

4 ວິທີພັດທະນາຕົນເອງໂດຍບໍ່ຕ້ອງໃຊ້ເງິນຫລາຍ - new3 - 4 ວິທີພັດທະນາຕົນເອງໂດຍບໍ່ຕ້ອງໃຊ້ເງິນຫລາຍ
4 ວິທີພັດທະນາຕົນເອງໂດຍບໍ່ຕ້ອງໃຊ້ເງິນຫລາຍ - 050603 2019 - 4 ວິທີພັດທະນາຕົນເອງໂດຍບໍ່ຕ້ອງໃຊ້ເງິນຫລາຍ

     – ອ່ານເພື່ອພັດທະນາການຄິດ : ໜັງສືທີ່ມີແຕ່ໂຕໜັງສື ເຊັ່ນ : ໜັງສືວິຊາການ, ໜັງສືຄວາມຮູ້ສະເພາະຕ່າງໆ ຫລື ແມ່ນແຕ່ໜັງສືນິຍາຍ, ເລື່ອງສັ້ນ ສາມາດພັດທະນາລະບົບສະໝອງ ແລະ ຂະບວນການຄິດໄດ້ ໂດຍສະເພາະແມ່ນການອ່ານນິຍາຍຈະເຮັດໃຫ້ເກີດຂະບວນການຄິດວິເຄາະຢ່າງເປັນລະບົບ ເຊິ່ງເປັນຜົນຕໍ່ເນື່ອງເຖິງການຄິດສ້າງສັນ ເພາະນິຍາຍມີແຕ່ໂຕໜັງສືເຕັມໄປໝົດ ເຮັດໃຫ້ຕ້ອງຈິນຕະນາການອອກມາເປັນພາບ, ເປັນເລື່ອງລາວ ເຮັດໃຫ້ສະໝອງພັດທະນາໄດ້ຢ່າງຕໍ່ເນື່ອງ.

 – ອ່ານເພື່ອຕື່ມຄວາມຮູ້ໃນເລື່ອງທີ່ເຮົາສົນໃຈ :  ເລື່ອງໆດຽວກັນ, ແຕ່ຄົນຂຽນຄົນລະຄົນ ບາງເທື່ອຈະມີແງ່ມຸມທີ່ໜ້າສົນໃຈແຕກຕ່າງກັນ ເຊັ່ນ : ກ້າສົນໃຈເລື່ອງຫຸ້ນ ກໍຈະມີລາຍລະອຽດຂອງຫຸ້ນໃນຫລາຍໆແງ່ມຸມ ເຊິ່ງໜັງສືຂອງອາຈານຫລາຍໆທ່ານກໍມາແບ່ງປັນໃນດ້ານຄວາມຄິດ. ການອ່ານໜັງສືແມ່ນການອ່ານຄວາມຄິດທີ່ເຮົາສາມາດຄັດຈ້ອນໄລຍະເວລາໃນການລອງຜິດລອງຖືກ ແລະ ປິດຮູຮົ່ວທີ່ເຄີຍຜິດພາດມາແລ້ວໄດ້ຢ່າງວ່ອງໄວ. ອ່ານເປັນ, ອ່ານຫລາຍ, ອ່ານສິ່ງທີ່ມີປະໂຫຍດ ຊີວິດກໍປ່ຽນແປງໄປໃນທາງທີ່ດີຂຶ້ນໄດ້.

     2.  ເບິ່ງຊ່ອງຢູທູບທີ່ມີປະໂຫຍດ: ມີຊ່ອງຢູທູບທີ່ມີປະໂຫຍດຈຳນວນຫລວງຫລາຍ ບໍ່ວ່າຈະແມ່ນຊ່ອງຢູທູບທີ່ຝຶກພາສາອັງກິດ, ພາສາຕ່າງປະເທດຕ່າງໆ, How to ຕ່າງໆ, ບໍ່ວ່າຈະແມ່ນການຂາຍ, ວຽກງານສີມື, ແຕ້ມຮູບ, ຄອມພິວເຕີ, ປູກໝາກ ນາວ, ແຕ່ງລົດ, ພັດທະນາຕົນເອງ, ພັດທະນາແນວຄິດ, ວິຊາການດ້ານຕ່າງໆຫລວງຫລາຍ. ສິ່ງສຳຄັນແມ່ນຟຣີ ເພາະຄົນທີ່ມາແບ່ງປັນຖືຄະຕິວ່າຍິ່ງໃຫ້ຍິ່ງໄດ້ຜົນປະໂຫຍດຂອງເຮົາກໍແມ່ນເຮົາໄດ້ເບິ່ງຂອງຟຣີ (ບາງຄົນອາດຈະບອກວ່າບໍ່ຟຣີ ເພາະຕ້ອງເສຍຄ່າອິນເຕີເນັດ, ຄ່າໄຟຟ້າ).

     3. ຕິດຕາມເວັບໄຊ ແລະ Fanpageຈາກໄອດໍ້ ຫລື ອົງກອນທີ່ເຮົາສົນໃຈ : ຫລາຍໆທ່ານໄດ້ມາຂຽນ ແລະ ຖ່າຍທອດໃຫ້ອ່ານກັນທາງເວັບໄຊ ແລະ ອັບລົງເຟສບຸກ ທັງເລື່ອງການເງິນ, ອາຊີບທີ່ສົນໃຈ ແລະອື່ນໆ ຄືກັບໄດ້ຕື່ມສະໝອງທຸກມື້, ບາງທ່ານກໍຂຽນສ້າງຄວາມປະທັບໃຈ, ບາງທ່ານກໍໃຫ້ຄຳແນະນຳດີໆ ເຊິ່ງໄດ້ຂໍ້ມູນຂ່າວສານຈາກເວັບໄຊ ຫລື ເຟສບຸກ ລວມທັງການສຳມະນາຟຣີ, ໜັງສືຟຣີ ຫລື ຄວາມຮູ້ແບ່ງປັນຟຣີ, ແນວຄິດທີ່ເອົາມາພັດທະນາຕົນເອງໄດ້ກໍມີຫລາຍ ເຊິ່ງບາງເທື່ອໂລກອອນລາຍກໍໃຫ້ປະໂຫຍດມະຫາສານຫາກເລືອກຮັບໃນສິ່ງທີ່ເປັນບວກ.

     4. ລົມກັບຜູ້ຮູ້ແທ້ : ບາງເທື່ອທີ່ເຮົາສົນໃຈເລື່ອງໃດເລື່ອງໜຶ່ງຢ່າງຈິງຈັງ ມັກຈະມີແຮງດຶງດູດໃຫ້ເຮົາເຂົ້າໄປໃນເຄືອຂ່າຍຂອງຄົນທີ່ສົນໃຈເລື່ອງດຽວກັນ ແລ້ວເຮັດໃຫ້ເຮົາໄດ້ຮູ້ຈັກກັບຄົນຫລາຍຂຶ້ນ ລວມທັງຜູ້ຮູ້ແທ້ໆທີ່ເຮົາສາມາດຂໍຄວາມຮູ້ ຫລື ຢ່າງໜ້ອຍກໍໄດ້ແລກປ່ຽນ, ໂອ້ລົມ ຫລື ຟັງຄວາມຄິດເຫັນ ແລ້ວເອົາມາໃຊ້ພັດທະນາໂຕເອງໄດ້.

     ຕໍ່ໄປນີ້ແມ່ນເຕັກນິກເລັກໆນ້ອຍໆທີ່ສາມາດເອົາໄປໃຊ້ເປັນຫລັກການໃນການພັດທະນາຕົນເອງໃນຂັ້ນ ເລີ່ມຕົ້ນແບບງ່າຍໆ ເຊິ່ງທ່ານສາມາດເອົາໄປລອງປະຕິບັດໄດ້ ດັ່ງນີ້:

4 ວິທີພັດທະນາຕົນເອງໂດຍບໍ່ຕ້ອງໃຊ້ເງິນຫລາຍ - lattana 1 - 4 ວິທີພັດທະນາຕົນເອງໂດຍບໍ່ຕ້ອງໃຊ້ເງິນຫລາຍ

    – ບໍ່ມີເງິນ ກໍຫາຂອງຟຣີພັດທະນາຄວາມຮູ້ໄດ້, ດຸໝັ່ນ ແລະ ປະຢັດ.

    – ບໍ່ມີເວລາ ກໍຫລຸດເວລາຫລິ້ນໂລກອອນລາຍເພື່ອຄວາມບັນເທີງປະມານມື້ລະຊົ່ວໂມງ, ຫລຸດການໄປສັງສັນກັບໝູ່ລົງແດ່ ເປັນຕົ້ນ.

 – ບໍ່ມີຄວາມຮູ້ ກໍຄົ້ນຫາໄດ້ ທັງໜັງສື, ອິນເຕີເນັດ, ໂອ້ລົມກັບຄົນເກັ່ງໆ, ໝູ່ທີ່ສົນໃຈໃນສິ່ງດຽວກັນ ແລ້ວຊວນກັນພັດທະນາຕົນເອງ.

     – ບໍ່ຮູ້ຈະພັດທະນາດ້ານໃດ ກໍເລີ່ມຈາກສິ່ງທີ່ໂຕເອງມັກ, ຮັກ ແລະ ເຮັດໄດ້ແບບບໍ່ເບື່ອກ່ອນ.

     ກ້າປ່ຽນແປງ ແລ້ວລອງລຸກຂຶ້ນມາພັດທະນາຕົນເອງຈັກຢ່າງໜຶ່ງກ່ອນ ບໍ່ວ່າຈະແມ່ນດ້ານພາສາ, ວິຊາຄວາມຮູ້, ຄວາມສົນໃຈ, ສິ່ງທີ່ຮັກທີ່ມັກ ໂດຍບໍ່ຕ້ອງລໍຖ້າໃຫ້ມີໂອກາດເຂົ້າມາກ່ອນ ເພາະໂອກາດທີ່ເຂົ້າມາອາດຈະມາພຽງຊົ່ວຄາວ ຫລື ມາບໍ່ດົນ ຖ້າບໍ່ພ້ອມໂອກາດນັ້ນກໍຈະລອຍຈາກທ່ານໄປໄດ້ຄືກັນ.

error: Content is protected !!