ສະຫລອງໃຫ້ປະຢັດ - advert banner 728 90 728x90 - ສະຫລອງໃຫ້ປະຢັດ

ໂດຍ: ທ່ຽງທຳ

ສະບາຍດີເພື່ອນຜູ້ອ່ານ ທີ່ຮັກແພງ, ຜ່ານມານີ້ ພວກເຮົາກໍຈະໄດ້ເຫັນ, ໄດ້ຮ່ວມບໍ່ວ່າງານຫຍັງມື້ສຳຄັນໃດໆ ກໍມັກຈະຖືເອົາການສະເຫລີມ ສະຫລອງດ້ວຍການຈັດງານລ້ຽງສ້າງສັນເປັນໃຫຍ່, ຕັ້ງວົງເຫລົ້າ, ວົງເບຍດື່ມກັນຢ່າງຟຸມເຟືອຍ, ບໍ່ເມົາບໍ່ເມື່ອ, ບໍ່ຮູ້ເລີກຮູ້ລາ, ກໍ່ໃຫ້ເກີດບັນຫາຫຍໍ້ທໍ້ຫລາຍອັນຕາມມາໂດຍສະ  ເພາະບັນຫາອຸປະຕິເຫດສ່ວນໃຫຍ່ກໍມັກຈະເກີດຂຶ້ນຍ້ອນຄວາມມືນເມົາຂາດສະຕິເຄົາ ລົບລະບຽບກົດໝາຍພາໃຫ້ ສູນເສຍຊີວິດ ແລະ ວັດຖຸເງິນຄຳຍ້ອນນ້ຳເມົາ.

ໃນຕໍ່ໜ້ານີ້ກໍອາດຈະມີຫລາຍບຸນຫລາຍງານ ແລະ ມໍ່ໆນີ້ກໍແມ່ນວັນແມ່ຍິງສາກົນ,   ດັ່ງນັ້ນເຮົາຄວນຄຳນຶງ ວ່າຈະສະຫລອງແນວໃດໃຫ້ມີຄວາມໝາຍ ແລະ ພໍດີ, ພໍງາມ, ຮັບປະກັນໄດ້ເນື້ອໃນ, ມີບັນຍາກາດເບີກບານມ່ວນ ຊື່ນ,  ປະຢັດວັດຖຸເງິນຄຳ, ໃນສະພາບບ້ານເມືອງເຮົາກໍຕົກ  ຢູ່ໃນຄວາມຫຍຸ້ງຍາກທາງດ້ານເສດຖະກິດ-ການເງິນ, ພວກເຮົາຕ້ອງເປັນເຈົ້າການຮັດສາຍແອວເພື່ອສາມາດ ຜ່ານຜ່າອຸປະສັກ ດັ່ງກ່າວ ແລະ ໃນຂະນະດຽວກັນປີ ໃໝ່ ລາວກໍຍັບເຂົ້າມາແລ້ວ, ພຽງເດືອນປາຍພວກເຮົາກໍຈະໄດ້ ພ້ອມກັນສະເຫລີມສະຫລອງ ແລະ ຈາກນັ້ນກໍແມ່ນງານ   ບຸນປະເພນີ  ແລະ  ວັນປະຫວັດ ສາດສຳຄັນຕ່າງໆ. ກໍຈະໝູນວຽນມາບັນຈົບຄົບຮອບອີກ ວາລະໜຶ່ງກໍເປັນໂອກາດໃຫ້ ແກ່ການສະເຫລີມສະຫລອງ ເຊັ່ນດຽວກັນ.

ເພາະສະນັ້ນຖ້າພວກເຮົາ  ບໍ່ມີສະຕິຕໍ່ການສະຫລອງດັ່ງກ່າວກໍຈະເປັນສ່ວນເຮັດໃຫ້  ພວກເຮົາສູນເສຍວັດຖຸເງິນຄຳ ໄປຢ່າງຫລວງຫລາຍຄືຜ່ານມາຫລາຍຄົນກໍຈະສັງເກດເຫັນວ່າພວກເຮົາສະຫລອງ ກັນຂ້ອນຂ້າງໜັກໜ່ວງໄປໃນແງ່ຫລິ້ນກິນຟູມເຟືອຍ, ດື່ມອັນນັ້ນກິນອັນນີ້ຢ່າງຂາດສະຕິ ແລະ ຮ້າຍແຮງໄປ ກວ່ານັ້ນຍັງກໍ່ໃຫ້ເກີດສະພາບຫຍໍ້ທໍ້ຕ່າງໆ ຕາມມາ, ໂດຍ ສະເພາະບັນຫາອຸປະຕິເຫດ ແລະ ໄພສັງຄົມອື່ນໆ.

ສະຫລອງໃຫ້ປະຢັດ - 1 1 - ສະຫລອງໃຫ້ປະຢັດ
ສະຫລອງໃຫ້ປະຢັດ - lattana 1 - ສະຫລອງໃຫ້ປະຢັດ

ດັ່ງນັ້ນມັນເຖິງເວລາ ແລ້ວທີ່ພວກເຮົາຈະຕ້ອງໄດ້  ຄຳນຶງເຖິງວັດທະນະທຳການ  ກິນດື່ມ, ອັນດີງາມຂອງຊາດລາວເຮົາ./.

ສະຫລອງໃຫ້ປະຢັດ - 33254 - ສະຫລອງໃຫ້ປະຢັດ
error: Content is protected !!