ສ.ເກົາຫລີ ຕົກລົງ​ຊ່ວຍເຫລືອ​ແຂວງ​ອັດ​ຕະປື 12 ລ້ານ​ໂດ​ລາ​ເພື່ອປັບປຸງຊີວິດການເປັນຢູ່ຂອງປະຊາຊົນ

- advert banner 728 90 728x90 - ສ.ເກົາຫລີ ຕົກລົງ​ຊ່ວຍເຫລືອ​ແຂວງ​ອັດ​ຕະປື 12 ລ້ານ​ໂດ​ລາ​ເພື່ອປັບປຸງຊີວິດການເປັນຢູ່ຂອງປະຊາຊົນ

      ລັດຖະບານ ສ.ເກົາຫລີ ​ໄດ້​ຕົກລົງສືບຕໍ່ຊ່ວຍເຫລືອປັບປຸງ ແລະ ຟື້ນຟູຊີວິດການເປັນຢູ່ຂອງປະຊາຊົນຜູ້ທີ່ໄດ້ຮັບຜົນກະທົບ າກສັນເຂື່ອນເຊປຽນ-ເຊນ້ຳນ້ອຍແຕກ ຢູ່ເມືອງສະໜາມໄຊ ແຂວງ ອັດຕະປື ໃນປີຜ່ານມາ ເປັນຈຳນວນເງິນ 12 ລ້ານໂດລາສະຫະລັດ, ໃນນັ້ນ ຈະ​ສຸມ​ໃສ່ 5 ຂະແໜງການຕົ້ນຕໍ​ຄື: ດ້ານສາທາລະນະສຸກ, ການປົກປ້ອງເດັກນ້ອຍ, ການສຶກສາ, ຊ່ວຍປັບປຸງຊີວິການເປັນຢູ່ຂອງປະຊາຊົນ ແລະ ການຄຸ້ມຄອງຄວາມສ່ຽງດ້ານໄພພິບັດ ເປັນໄລຍະເວລາ 5 ປີ (2019-2023) ເຊິ່ງຈະເລີ່ມຈັດຕັ້ງປະຕິບັດນັບ​ແຕ່ເດືອນພຶດສະພາ​ເປັນຕົ້ນ​ໄປ. ທ່ານເອກອັກຄະລັດຖະທູດ ສ.ເກົາຫລີ ປະຈຳ ສປປ ລາວ ​ໄດ້​ຢືນຢັນ​ຕໍ່​ສື່​ມວນ​ຊົນ​ລາວ ໃນວັນທີ 5 ມີນານີ້ ກ່ຽວ​ກັບ​ການ​ຕົກລົງ​ດັ່ງກ່າວ.

- lattana 1 - ສ.ເກົາຫລີ ຕົກລົງ​ຊ່ວຍເຫລືອ​ແຂວງ​ອັດ​ຕະປື 12 ລ້ານ​ໂດ​ລາ​ເພື່ອປັບປຸງຊີວິດການເປັນຢູ່ຂອງປະຊາຊົນ

ທ່ານ​ທູດ​ກ່າວ​ວ່າ: ພາຍຫລັງເກີດເຫດການດັ່ງກ່າວ, ລັດຖະບານ ສ.ເກົາຫລີ ໄດ້ຈັດສົ່ງທີມງານກູ້ໄພສຸກເສີນມາຊ່ວຍເຫລືອຈຳນວນ 3 ຄັ້ງຕິດຕໍ່ກັນ, ພ້ອມທັງໄດ້ນຳ​ເອົາວັດຖຸ, ເງິນທີ່​ຈຳ​ເປັນ ແລະ ເຂົ້າສານຈຳນວນ 1.000 ໂຕນ ໄປຊ່ວຍເຫລືອບັນເທົາທຸກແກ່ປະຊາຊົນຜູ້ທີ່ໄດ້ຮັບຜົນກະທົບຈາກ​ໄພພິບັດດັ່ງກ່າວ. ນອກຈາກນີ້, ຍັງມີບໍລິສັດ SKEC ໃຫ້ການຊ່ວຍເຫລືອ 10 ລ້ານໂດລາສະຫະລັດ, ບໍລິສັດ KOWEPO ຊ່ວຍ 1 ລ້ານໂດລາສະຫະລັດ, ບໍລິສັດ RATCH 166.000 ໂດລາສະຫະລັດ, ບໍລິສັດ LHSE 12.500 ໂດລາສະຫະລັດ, ບໍລິສັດ PNPC 1,2 ລ້ານໂດລາສະຫະລັດ. ພ້ອມນີ້ ຍັງໄດ້ຊ່ວຍເຫລືອໃນການຝຶກອົບຮົມເພື່ອປົກປ້ອງເດັກ ໂດຍມີອົງການທີ່ບໍ່ສັງກັດລັດຖະບານ ແລະ ອົງການຈັດຕັ້ງສາກົນເຂົ້າຮ່ວມ.

ທ່ານຢ້ຳວ່າ: ປະຊາຊົນເກົາຫລີ ຮູ້ສຶກເສຍໃຈຕໍ່ເຫດການ​ໄພພິບັດ​ອັນ​ຮ້າຍ​ແຮງ​ນີ້ ເຊິ່ງປັດຈຸບັນ ລັດຖະບານ ສ.ເກົາຫລີ ກຳລັງຂຶ້ນແຜນຫລາຍຢ່າງ ເພື່ອແນໃສ່ຟື້ນຟູຊີວິດການເປັນຢູ່ຂອງປະຊາຊົນໃນເຂດດັ່ງກ່າວ ​ແລະ ຈະເພີ່ມງົບປະມານການຊ່ວຍເຫລືອລ້າທາງດ້ານການພັດທະນາ (ODA) ແກ່ ສປປ ລາວ ຕື່ມອີກ.