ເສດຖະກິດອາຊີອາດເຕີບໃຫຍ່ຫລາຍທີ່ສຸດໃນໂລກ

- advert banner 728 90 728x90 - ເສດຖະກິດອາຊີອາດເຕີບໃຫຍ່ຫລາຍທີ່ສຸດໃນໂລກ

       ບໍລິສັດ​ໄນ ​ແຟຣງ ​ເວລ ​​ເປີດ​ເຜີຍ​ລາຍ​ງານ​ຄວາມ​ໝັ້ນຄົງ​ປະຈຳ​ປີ 2019 ​ໃນ​ວັນ​ທີ 6 ມີນາ​ນີ້ ພົບ​ວ່າ: ຈຳນວນ​ມະຫາ​ເສດຖີ​ອາຊີ​ຈະ​ເພີ່ມ​ຂຶ້ນ 27% ມາ​ຢູ່ 1.003 ລະຫວ່າງ​ປີ 2018-2022 ຫລື 1 ​ໃນ 3 ຂອງ​ປະຊາກອນ​ມະຫາ​ເສດຖີ​ລວມທົ່ວ​ໂລກ ​ເຊິ່ງມີ​ຢູ່ 2.696 ຄົນ. ຂະນະ​ທີ່​ອັດຕາ​ການ​ເຕີບ​ໃຫຍ່​ຂອງ​ມະຫາ​ເສດຖີ​ຢູ່​ອາ​ເມ​ລິ​ກາ​ເໜືອ ​ແລະ ​ເອີຣົບ ມີ​ຢູ່ 17% ​ແລະ 18% ຕາມ​ລຳດັບ.

- lattana 1 - ເສດຖະກິດອາຊີອາດເຕີບໃຫຍ່ຫລາຍທີ່ສຸດໃນໂລກ

     ນອກຈາກ​ນັ້ນ, ລາຍ​ງານ​ລະບຸ​ວ່າ: ອາຊີ​ຈະ​ເປັນ​ພາກພື້ນທີ່​ມີ “ອະພິ​ມະຫາ​ເສດຖີ” (ບຸກຄົນ​ທີ່​ມີ​ຊັບ​ສິນ​ສຸດທິ 30 ລ້ານ​ໂດ​ລາ​ສະຫະລັດ​ຂຶ້ນ​ໄປ) ​ເພີ່ມ​ຂຶ້ນຫລາຍ​ທີ່​ສຸດ ​ໂດຍ​ຄາດ​ວ່າ​ອິນ​ເດຍຈະ​ມີ​ຈຳນວນ​ອະພິ​ມະຫາ​ເສດຖີ​ເພີ່ມ​ຂຶ້ນຫລາຍ​ທີ່​ສຸດ​ໃນ​ໂລກ ມີ​ຢູ່ 39%, ຖັດມາ​ແມ່ນ​ຟີ​ລິບ​ປິນ 38% ​ແລະ ຈີນ 35%.

      ​ເຖິງ​ຢ່າງ​ໃດ​ກໍ​ຕາມ, ​ເຖິງ​ວ່າ​ກຸ່ມ​ຄົນ​ລວຍ​ຈະ​ຍິ່ງ​ລວຍ​ຂຶ້ນ, ​ແຕ່​ມີ​ທ່າ​ອ່ຽງວ່າ​ຈະ​ລົງທຶນ​ຢ່າງ​ລະມັດລະວັງ​ຫລາຍ​ຂຶ້ນ​ເຊັ່ນ​ກັນ, ມີ​ມະຫາ​ເສດຖີ​ຈຳນວນ​ຫລາຍ​ຂຶ້ນ​ໃນ​ອາຊີ​ທີ່​ມີ​ແຜນ​ຈະ​ຮັກສາ​ຄວາມ​ໝັ້ນຄົງ​ຂອງ​ຕົນ​ດ້ວຍ​ເງິນສົດ ​ແລະ ຫລຸດ​ການ​ລົງທຶນ​ໃນ​ຊັບ​ສິນ ​ເຊິ່ງມີ​ຄວາມ​ສ່ຽງ​ຈາກ​ທິດ​ທາງ​ໃນ​ຕະຫລາດ​ເຊັ່ນ: ຄຳ ຫລື ພັນທະບັດ.

      ລາຍ​ງານ​ຂອງ​ໄນ ​ແຟຣງ ພົບ​ວ່າ: ອະສັງຫາລິມະ​ຊັບ​ຍັງ​ຄົງ​ເປັນ​ແຫ​ລ່ງລົງທຶນ​ຕົ້ນຕໍ​ຂອງ​ມະຫາ​ເສດຖີ​ໃນ​ອາຊີ ​ໂດຍ​ຄິດ​ເປັນ​ອັດຕາ​ສ່ວນ​ປະມານ 23% ຂອງ​ຊັບ​ສິນ​ທັງ​ໝົດ ​ເຊິ່ງສູງ​ກວ່າ​ຄ່າ​ສະ​ເລ່ຍທົ່ວ​ໂລກ​​ເລັກ​ໜ້ອຍ.