ງານວາງສະແດງດ້ານໂລຈິສຕິກ ຈະຈັດຂຶ້ນກາງເດືອນສິງຫານີ້ ທີ່ບາງກອກປະເທດໄທ

- Logistics - ງານວາງສະແດງດ້ານໂລຈິສຕິກ ຈະຈັດຂຶ້ນກາງເດືອນສິງຫານີ້ ທີ່ບາງກອກປະເທດໄທ
- Untitled design - ງານວາງສະແດງດ້ານໂລຈິສຕິກ ຈະຈັດຂຶ້ນກາງເດືອນສິງຫານີ້ ທີ່ບາງກອກປະເທດໄທ

 

- Logistics 1024x681 - ງານວາງສະແດງດ້ານໂລຈິສຕິກ ຈະຈັດຂຶ້ນກາງເດືອນສິງຫານີ້ ທີ່ບາງກອກປະເທດໄທ          ທ້າຍອາທິດຜ່ານມານີ້, ທ່ານ ນາງ ຍານີ ສີມີໄຊ ອັກຄະຣາຊະທູດ ທີ່ປຶກສາ ຝ່າຍການຄ້າ ສຳນັກງານສົ່ງເສີມການຄ້າຕ່າງປະເທດ ສະຖານເອກອັກຄະຣາຊະ ທູດແຫ່ງຣາຊະອານາຈັກໄທ ປະຈຳ ສປປ ລາວ, ທ່ານ ສົມພອນ ພະສະຫວັດ ຮອງປະທານ Lao International Freight Forwarders Associatio (LIFFA) ແລະ ຮອງ ກຳມະການຜູ້ຈັດການບໍລິສັດ Lao Freight Forwarder Co, ທ່ານ ວິສານ ສັນທະເສດ ປະທານ ສະມາພັນຜູ້ໃຫ້ບໍລິການ Logistics ໄທ ແລະ ທ່ານນາງ ດວງລັດ ອຸດົມສົມພອນ ຜູ້ຈັດການອາວຸໂສ-ສ່ວນງານທຸລະກິດ ບໍລິສັດຣິດ ເທຣດເດັກຊ ຈຳກັດ ໄດ້ຖະແຫລງຕໍ່ສື່ມວນຊົນລາວວ່າ: ໃນລະຫວ່າງວັນທີ 16-18 ສິງຫານີ້, ຈະມີ ງານວາງສະແດງສິນຄ້າດ້ານໂລຈິສຕິກ (Logistics) ແລະ ຄົມ ມະນາຄົມຂົນສົ່ງລະຫວ່າງປະເທດ ຂຶ້ນທີ່ສູນວາງສະແດງສິນຄ້າໄບເທັກ, ບາງກອກ ປະເທດໄທ,  ຊຶ່ງຖືເປັນງານໃຫຍ່ ໃນພູມີພາກອາຊຽນ ທີ່ຄວບຄຸມຫຼາຍຂະແໜງການຢ່າງຄົບວົງຈອນ, ພາຍໃຕ້ຫົວຂໍ້: “ຕໍ່ຍອດເຄືອຂ່າຍອາຊຽນ+6 ຍົກລະດັບທຸລະກິດໃຫ້ເຕີບໂຕຢ່າງຍືນຍົງ”, ຊຶ່ງຈະມີການວາງສະແດງການໃຫ້ບໍລິການດ້ານ Logistics ຈາກຜູ້ປະກອບການ ແລະ ສິນຄ້າຊັ້ນນຳຫຼາຍກວ່າ 415 ຍີ່ຫໍ້, ຈາກ 25 ປະເທດ. ນອກນັ້ນ ຍັງເປັນເວທີປຶກສາຫາລືທຸກລະກິດຂອງຜູ້ປະກອບການໂລຈິສຕິກທັງທາງບົກ, ທາງທະເລ  ແລະ ທາງອາກາດ ແລະ ຂະແໜງອຸດສາຫະກຳຕ່າງໆຈາກທົ່ວພູມີພາກ.

ທ່ານນາງ ຍານີ ກ່າວວ່າ: ລາວ ແລະ ໄທ ໄດ້ມີການພົວພັນດ້ານການຄ້າມາຍາວນານ, ຊຶ່ງໄທເປັນຄູ່ຄ້າອັນດັບໜຶ່ງຂອງລາວ ໃນໄລຍະ 5 ປີຜ່ານມາ (2012-2016) ມີມູນຄ່າສະເລ່ຍປະມານ 5.393 ລ້ານກວ່າໂດລາສະຫະລັດ ແລະ  ມີອັດຕາການຂະຫຍາຍຕົວສະເລ່ຍ 5% ຕໍ່ປີ, ໃນປີ 2016 ການຄ້າ ໄທ-ລາວ ລວມຫລາຍກວ່າ ມີມູນຄ່າ 5.871 ລ້ານກວ່າໂດລາສະຫະລັດ, ເພີ່ມຂຶ້ນຈາກໄລຍະເວລາດຽວກັນຂອງປີຜ່ານມາ 2,86% ແລະ ໄທນຳເຂົ້າສິນຄ້າຈາກລາວເພີ່ມຂຶ້ນເກືອບ 30% ຈາກຂໍ້ມູນດັ່ງກ່າວເຫັນວ່າ ການພັດທະນາຄວາມຮ່ວມມືດ້ານການຂົນສົ່ງ ແລະ ໂລຈິສຕິກເພີ່ມສູງຂຶ້ນ ໂດຍສະເພາະການສ້າງເຄືອຂ່າຍລະຫວ່າງຜູ້ປະກອບການໃນພູມີພາກ ເພື່ອເຊື່ອມໂຍງລະບົບ Logistics ແບບຄົບວົງຈອນ ທັງການຂົນສົ່ງການຈັດການສິນຄ້າ ແລະ ການເຊື່ອມໂຍງກັບສາຍເຮືອ.

- Wave100S AD to Website 2020 0 - ງານວາງສະແດງດ້ານໂລຈິສຕິກ ຈະຈັດຂຶ້ນກາງເດືອນສິງຫານີ້ ທີ່ບາງກອກປະເທດໄທ

ທ່ານ ສົມພອນ ພະສະຫວັດ ໃຫ້ຮູ້ວ່າ: ບໍລິສັດ Lao Freight Forwarder Co. ຮ່ວມໃຫ້ຂໍ້ມູນສຳຄັນຂອງການເຊື່ອມໂຍງທາງດ້ານໂລຈິສຕິກລະຫວ່າງປະເທດ ຊຶ່ງ ສປປ ລາວ ມີການເຊື່ອມໂຍງເຄືອຂ່າຍເສັ້ນທາງເສດຖະກິດ ແລະຂົນສົ່ງແບບ “Landlink” ຊຶ່ງເຊື່ອມ ຕໍ່ທາງບົກກັບປະເທດເພື່ອນບ້ານດ້ວຍເສັ້ນທາງ ລະບຽງເສດຖະກິດຕາເວັນຕົກ-ຕາເວັນອອກ ລະຫວ່າງມຽນມາ, ໄທ, ຫວຽດນາມ, ໂດຍມີຂົວມິດຕະພາບແຫ່ງທີ 2 ເປັນຈຸດເຊື່ອມໄທ-ລາວ ເຮັດໃຫ້ ສປປ ລາວ ມີທາງອອກສູ່ທະເລຜ່ານທ່າເຮືອແຫຼມສະບັງຂອງໄທ ແລະທ່າເຮືອດານັງ ຂອງຫວຽດນາມ ແລະ ແນວລະບຽງເສດຖະກິດເໜືອ-ໃຕ້  ຊຶ່ງຈະພັດທະນາການເຊື່ອມຈາກທະເລຈີນໃຕ້ ໄປສູ່ມະຫາສະໝຸດອິນເດຍ ເສັ້ນ ທາງເສດຖະກິດນີ້ຈະກາຍເປັນປັດໄຈສຳຄັນໃນການຂະຫຍາຍມູນຄ່າທາງການຄ້າໃຫ້ກັບ ສປປ ລາວ-ໄທ ແລະ ໃນລະດັບພູມີພາກໃຫ້ເຕີບໂຕສູງຂຶ້ນ ລວມທັງເປັນເສັ້ນທາງການຂົນສົ່ງທີ່ໜ້າ ຕິດຕາມຫຼາຍທີ່ສຸດສາຍໜຶ່ງໃນພູມີພາກອາຊີ, ທັງນີ້ ຈະເຫັນໄດ້ວ່ານອກຈາກເສັ້ນທາງຂົນ ສົ່ງທາງເສດຖະກິດແລ້ວ, ນະໂຍບາຍສົ່ງເສີມການຄ້າ ແລະ ການລົງທຶນຂອງທັງສອງປະເທດຍັງ ເປີດໂອກາດໃຫ້ຜູ້ປະກອບການລາວ-ໄທ ໄດ້ຮ່ວມມື ແລະ ສ້າງພັນທະມິດທາງການຄ້າກັນຫຼາຍຂຶ້ນ ໂດຍສະເພາະໃນເຂດເສດຖະກິດພິເສດ ແລະ ສະເພາະຕ່າງໆຂອງ ສປປ ລາວ.

- WhatsApp Image 2020 05 27 at 5 - ງານວາງສະແດງດ້ານໂລຈິສຕິກ ຈະຈັດຂຶ້ນກາງເດືອນສິງຫານີ້ ທີ່ບາງກອກປະເທດໄທ
- WhatsApp Image 2020 05 27 at 5 - ງານວາງສະແດງດ້ານໂລຈິສຕິກ ຈະຈັດຂຶ້ນກາງເດືອນສິງຫານີ້ ທີ່ບາງກອກປະເທດໄທ
error: Alert: ເນື້ອຫາຂ່າວມີລິຂະສິດ !!