ເຜົາຜານໄຂມັນໄດ້ຫລາຍກ່ວາຈາກການແລ່ນຊ້າ – ແລ່ນໄວ

     ຖ້າຖາມວ່າແລ່ນຊ້າ ຫລື ແລ່ນໄວແບບໃດໄດ້ຜົນຫລາຍກ່ວາກັນ ກໍຕ້ອງເບິ່ງວ່າເປົ້າໝາຍຂອງຜູ້ແລ່ນຕ້ອງການສິ່ງໃດຫລາຍກ່ວາກັນ ຫາກຕ້ອງການຫລຸດໄຂມັນໃນຮ່າງກາຍກໍຄວນແລ່ນຊ້າໆ ເພື່ອໃຫ້ຮ່າງກາຍໄດ້ເຜົາຜານເອົາໄຂມັນມາໃຊ້ໄດ້ຫລາຍ (ແຕ່ຕ້ອງໃຊ້ເວລາໃຫ້ຫລາຍພໍ), ແຕ່ຖ້າເບິ່ງເຖິງເລື່ອງກ້າມຊີ້ນ ແລະ ຄວາມຮັດແໜ້ນຂອງຮ່າງກາຍ ການແລ່ນໄວໆກໍຈະໃຫ້ຜົນດ້ານນີ້ຫລາຍກ່ວາ ຈາກເຫດຜົນດັ່ງກ່າວຜູ້ຮູ້ສ່ວນຫລາຍຈຶ່ງເອົາຂໍ້ດີຂອງ ທັງສອງການແລ່ນມາແນະນຳ ຄື ການຝຶກແບບຊ້າສະຫລັບໄວ ເພື່ອໃຫ້ຮ່າງກາຍໄດ້ທັງການເຜົາຜານໄຂມັນ ແລະ ໄດ້ຄວາມຮັດແໜ້ນຂອງຮ່າງກາຍໄປພ້ອມໆກັນ.

     ສຳຄັນທີ່ສຸດບໍ່ວ່າຈະຊ້າ ຫລື ໄວກໍຂໍໃຫ້ແລ່ນ ຖ້າຢາກໃຫ້ນຳ້ໜັກຫລຸດ ແລະ ຫລຸດໄຂມັນໄດ້ຜົນ ການແລ່ນ ຫລື ການອອກກຳລັງກາຍແບບແອໂຣບິກ ຖືເປັນສິ່ງທີ່ຈຳເປັນ ແລະ ຂາດບໍ່ໄດ້ ຫາກເລືອກການແລ່ນມາໃຊ້ເຜົາຜານໄຂມັນ ຄວນເລືອກຄວາມໄວທີ່ເຮົາເຮັດໄດ້ຢ່າງຕໍ່ເນື່ອງ ແລະ ສະໝໍ່າສະເໝີ ເຮັດຢ່າງໜ້ອຍ 40 ນາທີ 3 – 4 ເທື່ອຕໍ່ອາທິດ ແລະ ໝັ່ນປັບແຜນການແລ່ນທຸກໆ 4 ອາທິດ ໂດຍເພີ່ມຢູ່ຄວາມໜັກ, ເພີ່ມຄວາມຖີ່ ແລະ ເພີ່ມໄລຍະເວລາຕາມຄວາມແຂງແຮງຂອງຮ່າງກາຍທີ່ເພີ່ມຂຶ້ນ ຫລື ເລືອກການແລ່ນແບບຊ້າສະຫລັບໄວ ເຊິ່ງວິທີນີ້ບໍ່ວ່າຈະແລ່ນຊ້າ ຫລື ແລ່ນໄວ ທ່ານກໍສາມາດຫລຸດໄດ້ຕາມເປົ້າໝາຍໂດຍບໍ່ຍາກ.