ທຳລາຍ​ສິ່ງ​ກີດຂວາງ​ແປງ​ທາງ​ໃຫ້​ແມ່ຍິງ​ກ້າວ​ຂຶ້ນ

- advert banner 728 90 728x90 - ທຳລາຍ​ສິ່ງ​ກີດຂວາງ​ແປງ​ທາງ​ໃຫ້​ແມ່ຍິງ​ກ້າວ​ຂຶ້ນ
- lattana 1 - ທຳລາຍ​ສິ່ງ​ກີດຂວາງ​ແປງ​ທາງ​ໃຫ້​ແມ່ຍິງ​ກ້າວ​ຂຶ້ນ

# ວິ​ເສດ ສະ​ແຫວ​ງສຶກສາ

ບົດນີ້ອອກມາຖືກກັບວັນແມ່ຍິງສາກົນປານຈັບໃສ່ ດັ່ງນັ້ນເນື້ອໃຈຄວາມຈຶ່ງຂໍກ້ຽວໆວຽນໆ. ຢູ່ກັບສັດຕີເພດທີ່ມີຈຳນວນເຄິ່ງໜຶ່ງ ຂອງປະຊາກອນໂລກວ່າຢູ່ ໃນບາງປະເທດນັ້ນເຂົາມີວິທີປົກປ້ອງແມ່ຍິງຈາກທຸກຮູບການຈຳແຍກໄດ້ແນວໃດເຊັ່ນຢູ່ອິນໂດເນເຊຍ ຂ່າວໃຫຍ່ໄຟ ແຮງເມື່ອປະມານສີ່ປີປາຍ ຜ່ານມາ (ໜັງສືພິມ The Nation ສະບັບວັນທີ 29 ທັນວາ 2014) ໄດ້ໃຫ້ຮູ້ວ່າ ທ່ານ ເຈຍໂຈ ກູໂມໂລ (Tjahjo Kumolo)ລັດຖະມົນ ຕີກະຊວງພາຍໃນໄດ້ໃຫ້ ຄວາມໝັ້ນສັນຍາວ່າຈະພະຍາຍາມຍຸດຕິການກວດເຊັກ ພົມມະຈາລີ (ຄວາມບໍລິສຸດ ຫລື ຄວາມເປັນສາວສົດ) ຂອງນັກສຶກສາຍິງທີ່ສອບ ເສັງເຂົ້າສະຖາບັນການປົກ ຄອງທີ່ຜະລິດພະນັກງານກໍ ຄືບັນດານັກປົກຄອງທ້ອງຖິ່ນໃນທົ່ວປະເທດ.

ຜູ້ຂຽນຂໍອະທິບາຍຕີກວ່າ ໃນໄລຍະຜ່ານມາ ນັກສຶກສາຍິ່ງທີ່ຈະສາມາດເສັງຜ່ານເຂົ້າ, ສະຖາບັນອັນຊົງກຽດນີ້ ບໍ່ພຽງແຕ່ຕ້ອງສອນຜ່ານວິຊາຕ່າງໆຄືຜູ້ຊາຍຍັງ ຕ້ອງໄດ້ຜ່ານອີກຂໍ້ສອບໜຶ່ງ ພິເສດນັ້ນ ກໍຄື “ຂໍ້ສອບພົມມາຈາລີ” ວ່າຍັງບໍລິສຸດ ຢູ່ຫລືໄດ້ຜ່ານຜູ້ຊາຍມາແລ້ວ.

ຖ້າບໍ່ຜ່ານຂໍ້ສອບກໍຢ່າ ຫວັງວ່າຈະສາມາດເຂົ້າສຶກສາຢູ່ສະຖາບັນນີ້ໄດ້ ທ່ານ ລັດຖະມົນຕີພາຍໃນເວົ້າວ່າ ເປັນໜ້າເສຍດາຍທີ່ແມ່ຍິງເກ່ງຫລາຍໆຄົນບໍ່ສາມາດ ເຂົ້າສຶກສາຢູ່ສະຖາບັນນີ້ ໄດ້ພຽງແຕ່ຍ້ອນ “ບໍ່ບໍລິສຸດ” ທ່ານກ່າວວ່າ ຄວາມບໍລິສຸດບໍ່ຄວນເອົາມາເປັນມາດຕະຖານໃຫ້ແມ່ຍິງຕ້ອງຜ່ານ, ເພາະການເສຍເຫຍື່ອພົມມະຈາລີນັ້ນເກີດມາຈາກຫລາຍສາເຫດ.

ກ່ຽວກັບບັນຫານີ້ກໍມີ ຂ່າວຊ້ອນມາຈາກອົງການ ຕິດຕາມເລື່ອງສິດທິມະນຸດ ຢູ່ນິວຢອກທີ່ກ່າວຫາ ອິນໂດ ເນເຊຍ ວ່າແມ່ຍິງທີ່ສອບເຂົ້າ ເປັນເຈົ້າໜ້າທີ່ຕຳຫລວດນັ້ນ ຍັງຕ້ອງໄດ້ຜ່ານການກວດ ສອບເລື່ອງຄວາມສົດຄວາມສາວ ແຕ່ເລື່ອງນີ້ທາງສຳ ນັກງານຕຳຫລວດແຫງຊາດ ອິນໂດເນເຊຍ ໄດ້ປະຕິເສດ ເປັນຝືນເປັນໄຟໄປແລ້ວໂດຍ ບອກວ່າ ເປັນການກວດເຊັກ ສຸຂະພາບຈະເລີນພັນເບິ່ງ ຄວາມສ່ຽງເປັນມະເຮັງປາກມົດລູກເພື່ອຫາວິທີແກ້ໄຂ.

ທີ່ປະເທດ ອາຣາບີ ຊາອຸດິນ, ປີ 2017 ຖືໄດ້ວ່າ ເປັນ “ປີຄຳ” ສຳລັບສິດທິຂອງ ແມ່ຍິງໃນປະເທດນີ້ເພາະແມ່ຍິງໄດ້ຮັບສິດຂັບລົດ ແລະ ເຂົ້າຊົມກິລາໄດ້ ເຊິ່ງເມື່ອກ່ອນສິດດັ່ງກ່າວນີ້ ແມ່ຍິງຍື້ ບໍ່ເຖິງເດັດຂາດ.

ເມື່ອໄດ້ຮັບສິດຂັບລົດ ເອງໄດ້ແນ່ນອນການສອນ ການຮຽນຂັບລົດກໍເປັນວິຊາ ບູມຂຶ້ນທັນທີ.  ມະຫາວິທະຍາໄລ ແຫ່ງຊາດໄດ້ກະໂດດ ອອກມາຂານຮັບສ້າງພະແນກການສອບວິຊາຂັບລົດນັກສຶກສາຍິງ ເຊິ່ງມີຈຳນວນ ທັງໝົດກວ່າ 60.000 ຄົນ ທີ່ສຶກສາຢູ່ມະຫາວິຍາໄລ ແຫງຊາດໃນນະຄອນຫລວງ ແລະ ໃນບັນດາແຂວງທ້ອງຖິ່ນ.

ສ່ວນບໍລິສັດຜະລິດລົດນິສັນ, ລົດເຊັບວະໂຣເລັກ ແລະ ລົດຟອດ ນັ້ນຕ່າງກໍພາ ກັນຊົມເຊີຍໂອກາດຄ່າຂອງແມ່ຍິງ ອາຣາບີ ຊາອຸດິດ ເຊິ່ງ ໃນຕົວຈິງກໍແມ່ນໂອກາດຄ່າຂອງບໍລິສັດຜະລິດລົດຊຸມນີ້ ຄືກັນຫັນລະ.

ທາງມະຫາວິທະຍາໄລແຫ່ງຊາດ ອາຣາບິ ຊາອຸດິດ ເຊື່ອວ່າ ພຽງແຕ່ໃຫ້ສິດແມ່ຍິງຂັບລົດຢ່າງດຽວກໍຈະ ເຮັດໃຫ້ບົດບາດຂອງແມ່ຍິງ ຂອງປະເທດນີ້ເຂົ້າສູ່ຕະຫລາດແຮງງານໄດ້ຫລາຍ ຂຶ້ນ ແລະ ຕະຫລາດລົດກໍ ຈະເບັ່ງບານເປັນເງົາຕາມຕົວຢ່າງແນ່ນອນ.

ຢູ່ປະເທດລີບັງຫລື ເລບານອນ, ເມື່ອສອງປີກ່ອນນີ້, ກອງປະຊຸມສະພາຜູ້ແທນ ລາສະດອນ ໄດ້ຕົກລົງຍົກ ເລີກກົດໝາຍເອົາປຽບແມ່ຍິງທີ່ປະຕິບັດມາເປັນເວລາ ຫລາຍທົດສະວັດແລ້ວ. ກົດ ໝາຍສະບັບລ້າຫລັງທີ່ຖືກຍົກເລິກນີ້ໄດ້ກຳນົດຍົກເວັ້ນ ໂທດຜູ້ຊາຍທີ່ຂົ່ມຂືນແມ່ຍິງ ຖ້າຜູ້ກ່ຽວຍອມແຕ່ງດອງ ກັບເຫຍື່ອ.

ເວົ້າໃຫ້ເຂົ້າໃຈງ່າຍໆ ກໍຄືວ່າກົດໝາຍດັ່ງກ່າວອະນຸ ຍາດໃຫ້ຜູ້ຊາຍໄຖ່ບາບດ້ວຍ ການແຕງດອງກັບຍິງທີ່ຕົນ ໄດ້ຂົ່ມຂືນ. ເມື່ອກົດໝາຍດັ່ງກ່າວຖືກຍົກເລີກແລ້ວ, ໂທດ ຂົ່ມຂືນກໍເປັນໂທດຂົ່ມຂືນ, ເປັນຄະດີອາຍາບໍ່ສາມາດ ຈະໄຖ່ໄດ້ດ້ວຍຮູບການໃດໆທັງສິ້ນ.

ຂ່າວບອກວ່າ ປະເທດລີ ບັງເປັນປະເທດ ທີ່ຫລ້າໝູ່ໃນເຂດຕາເວັນອອກກາງເພາະກ່ອນໜ້ານັ້ນ ປະເທດຊອກດາ ນີ (ຈໍແດນ) ກໍໄດ້ຍົກເລີກກົດໝາຍລັກສະນະດຽວກັນນີ້. ປະເທດອື່ນໆ ທີ່ໄດ້ຍ່ອງກົດໝາຍປະເທດນີ້ຖິ້ມລົງຖັງຂີ້ເຫຍື້ອມາແລ້ວກໍມີເອຍິບ (1999), ມາຣົກ (1914) ຕຸນີຊີ (ເດືອນກໍລະກົດ 2017) ກ່ອນລີບັງ 1 ເດືອນ.

ໃນເຂດອາຊຽນຂອງພວກເຮົາກໍມີບາງປະເທດໄດ້ຍົກເລີກນະໂຍບາຍຍົກເວັ້ນໂທດສຳລັບຜູ້ຂົ່ມຂືນທີ່ຍອມແຕ່ງດອງກັບເຫຍື່ອຂອງຕົນເຊັ່ນກັນ. ນີ້ຄືສ້ຽວໜຶ່ງ ຂອງບັນຫາການຈຳແນກ, ການລະເມີດສິດທິຂອງແມ່ຍິງທີ່ບາງປະເທດເຮັດໄດ້./.