ສື່ລາຍງານ ຣີລ ມາດຣິດ ຕິດຕໍ່ ທາບທາມມູຣິນໂຢ ຄຸມທີມແລ້ວ

ສື່ລາຍງານ ຣີລ ມາດຣິດ ຕິດຕໍ່ ທາບທາມມູຣິນໂຢ ຄຸມທີມແລ້ວ - advert banner 728 90 728x90 - ສື່ລາຍງານ ຣີລ ມາດຣິດ ຕິດຕໍ່ ທາບທາມມູຣິນໂຢ ຄຸມທີມແລ້ວ

     ສື່​ອັງກິດ ລາຍ​ງານ​ວ່າ: ຟໍ​ເຣນຕິ​ໂນ່ ​ເປ​ເຣ ປະທານ​ສະ​ໂມ​ສອນ ຣີລ ມາດຣິດ ​ໄດ້​ຕິດ​ຕໍ່ ​ໂຊ​ເຊ່ ມູຣິນ​ໂຢ ຜູ້​ຈັດການ​ທີ​ມຫວ່າງ​ວຽກ​ເພື່ອ​ຫວນ​ກັບ​ມາ​ຄຸມ​ທີ​ມ ຣີລ ມາດຣິດ ອີກ​ຄັ້ງ ​ໂດຍ​ຫວັງ​ຈະ​ໃຫ້​ມາກ​ອບກູ້​ວິ​ກິດ​ຂອງ​ທີ​ມ ຫລັງ ຊານ​ຕິ​ອາ​ໂກ້ ​ໂຊ​ລາຣີ ​ສ້າງ​ຜົນງານ​ບໍ່​ຄ່ອຍ​ດີ​ເກີນ​ຈະ​ຮັບ​ໄດ້.

ສື່ລາຍງານ ຣີລ ມາດຣິດ ຕິດຕໍ່ ທາບທາມມູຣິນໂຢ ຄຸມທີມແລ້ວ - lattana 1 - ສື່ລາຍງານ ຣີລ ມາດຣິດ ຕິດຕໍ່ ທາບທາມມູຣິນໂຢ ຄຸມທີມແລ້ວ

      ຣີລ ມາດຣິດ ຍັກ​ໃຫຍ່​ແຫ່ງ ລາ ລີ​ກາ ສະ​ເປ​ນ ​ເປີດ​ສາກ​ທາ​ບທາມ ​ໂຊ​ເຊ່ ມູຣິນ​ໂຢ ຄູ​ຝຶກ​ຊາວ​ໂປ​ຕຸຣ​ເກດ ກັບ​ມາ​ຄຸມ​ທີ​ມ ຣີລ ມາດຣິດ ​ແທນ ຊານ​ຕິ​ອາ​ໂກ້ ​ໂຊ​ລາຣີ ຜູ້​ຈັດການ​ທີ​ມຄົນ​ປັດຈຸບັນ ທີ່​ສ້າງ​ຜົນງານ​ໄດ້​ບໍ່​ໜ້າ​ປະ​ທັບ​ໃຈ.

      ຣີລ ມາດຣິດ ກາຍ​ໝົດ​ລຸ້ນ​ແຊ້ມທຸກ​ລາຍການ​ພຽງ​ແຕ່​ອາທິດ​ດຽວ​ຫລັງ​ຈາກ​ຕົກ​ຮອບ ​ໂກ​ປາ ​ເດລ ​ເຣ ​ແລະ ຢູຟາ ​ແຊມ​ປ້ຽນລີກ. ຂະນະ​ທີ່​ໃນ​ເກ​ມລີກ​ຫາ​ກໍ​ເສຍ​ໃຫ້ ບາ​ເຊ​ໂລ​ນາ ​ໃນ​ເອລ ກລາຊິ​ໂກ້ ​ເຮັດ​ໃຫ້​ຕອນ​ນີ້​ພວກ​ເຂົາ​ຢູ່​ອັນ​ດັບ 3 ມີ​ພຽງ 48 ຄະ​ແນນ​ຕາມ​ຫລັງ ບາ​ເຊ​​ໂລ​ນາ ​ເຖິງ 12 ຄະ​ແນນ ​ໂອກ​າດ​ແຊງ​ເປັນ​ແຊ້ມ​ເລີ່​ມບໍ່​ມີ​ວີ່​ແວວ.

      ສຳລັບ​ຕອນ​ນີ້ມີ​ລາຍ​ງານ​ລະບຸ​ວ່າ: ຟໍ​ເຣນຕິ​ໂນ່ ​ເປ​ເຣ ປະທານ​ສະ​ໂມ​ສອນ ຣີລ ມາດຣິດ ​ໄດ້​ມີ​ການ​ຕິດ​ຕໍ່​ທາ​ບທາມ ມູຣິນ​ໂຢ ​ເຊິ່ງ​ເຄີຍ​ຄຸມ​ທີ​ມ​ແຫ່ງ​ຖິ່ນ​ຊານ​ຕິ​ອາ​ໂກ້ ​ເບ​ນາວ​ເບ​ວ 3 ລະດູ​ການ ກ່ອນ​ຈະ​ແຍກ​ທາງ​ກັນ​ໃນ​ປີ 2013 ​ແລະ ມີ​ຄວາມ​ເປັນ​ໄປ​ໄດ້​ວ່າ ມູຣິນ​ໂຢ ຈະ​ເຂົ້າມາ​ຮັບ​ຕຳ​ແໜ່​ງສຳຄັນ​ໃນ​ລະດູ​ການ​ນີ້.

ສື່ລາຍງານ ຣີລ ມາດຣິດ ຕິດຕໍ່ ທາບທາມມູຣິນໂຢ ຄຸມທີມແລ້ວ - 1 1 - ສື່ລາຍງານ ຣີລ ມາດຣິດ ຕິດຕໍ່ ທາບທາມມູຣິນໂຢ ຄຸມທີມແລ້ວ

      ທັງ​ນີ້ ຣາມ່ອນ ກັລ​ເດຣອນ ອະດີດ​ຜູ້​ບໍລິຫານ ຣີລ ມາດຣິດ ຢືນຢັນ​ວ່າ ມູຣິນ​ໂຢ ຄື​ຄົນ​ເກັ່ງ​ເບີ​ໜຶ່ງ​ທີ່​ຈະ​ເຂົ້າມາ​ເຮັດ​ໜ້າ​ທີ່​ແທນ ​ໂຊ​ລາຣີ ​ເຊິ່ງກຳລັງ​ຕົກ​ຢູ່​ພາຍ​ໃຕ້​ຄວາມ​ກົດ​ດັນ​ຢ່າງ​ໜັກ ຫລັງ​ຈາກ​ນຳ​ທີ​ມຕົກ​ຮອບ 16 ທີ​ມສຸດ​ທ້າຍ ​ແຊມ​ປ້ຽນລີກ ​ໃນ​ວັນ​ທີ 5 ມີນາ​ຜ່ານ​ມາ.