ແມນຢູ ຮັບໄປແລ້ວ 20 ລ້ານເອີໂຣ ຫລັງເຂ່ຍ ເປແອສເຊ ຕົກຮອບ ແຊມປ້ຽນລີກ

ແມນຢູ ຮັບໄປແລ້ວ 20 ລ້ານເອີໂຣ ຫລັງເຂ່ຍ ເປແອສເຊ ຕົກຮອບ ແຊມປ້ຽນລີກ - advert banner 728 90 728x90 - ແມນຢູ ຮັບໄປແລ້ວ 20 ລ້ານເອີໂຣ ຫລັງເຂ່ຍ ເປແອສເຊ ຕົກຮອບ ແຊມປ້ຽນລີກ

      ປະຕູ​ຈາກລູກ​ຈຸດ​ໂທດ​ຂອງ ມາຣຄັສ ​ແຣຊຟອດ ​ໃນ​ຊ່ວງ​ທົດ​ເວລາ​ບາດ​ເຈັບ ນອກຈາກ​ຈະ​ເຮັດ​ໃຫ້ ​ແມນ​ເຊັສ​ເຕີ ຢູ​ໄນ​ເຕັດ ຜ່ານ​ເຂົ້າຮອບ 8 ທີ​ມສຸດ​ທ້າຍ​ໄດ້​ສຳ​ເລັດ​ແລ້ວ ຍັງ​ມີ​ການ​ເປີດ​ເຜີຍ​ອີກ​ວ່າ ທັບ​ແມນ​ຢູ ຈະ​ຮັບ​ລາຍ​ໄດ້​ເຂົ້າສູ່​ສະ​ໂມ​ສອນ​ເພີ່ມ​ອີກ 10,5 ລ້ານ​ເອີ​ໂຣ ອີກ​ທັງ​ຖ້າ​ຜ່ານ​ເຂົ້າສູ່​ຮອບ​ເລິກໆ​ເຂົ້າ​ໄປ​ອີກ ​ເງິນ​ລາງວັນ​ຈະ​ໄດ້​ເພີ່ມ​ຂຶ້ນ​ເລື້ອຍໆ.

     ຢ້ອນ​ກັບ​ໄປ​ໃນ​ເດືອນ​ກຸມພາ ​ການ​ແຂ່ງຂັນ​ຢູ່​ສະໜາມ​ໂອລ ​ແທບ​ຟອດ, ​ແມນ​ເຊັສ​ເຕີ ຢູ​ໄນ​ເຕັດ ​ເປີດ​ບ້ານ​ເສຍ​ໃຫ້ ​ເປ​ແອ​ສ​ເຊ ​ໄປ 0-2 ​ໃນຢູຟາ ​ແຊມ​ປ້ຽນລີກ ຮອບ 16 ທີ​ມ ນັດ​ທຳ​ອິດ ຈົນ​ເຮັດ​ໃຫ້​ຫລາຍ​ຝ່າຍ​ເບິ່ງ​ວ່າ​ໂອກາດ​ທີ່ ​ແມນ​ຢູ ຈະ​ຕົກ​ຮອບ​ນີ້​ຂ້ອນ​ຂ້າງ​ສູງ ​ເນື່ອງ​ຈາກ​ໃນ​ອະດີດ​ບໍ່​ເຄີຍ​ມີ​ທີ​ມ​ໃດ​ພິກ​ກັບ​ມາ​ເຂົ້າຮອບ​ໄດ້ ຖ້າ​ເກ​ມທຳ​ອິດ​ເສຍ​ໃນ​ບ້ານ​ຕົນ​ເອງ​ສອງ​ປະຕູ ຫລື ​ເກີນ​ສອງ​ປະຕູ​ຂຶ້ນ​ໄປ.

     ​ແຕ່​ວ່າ ລູກ​ທີ​ມຂອງ ​ໂອ​ເລ່ ກຸນ​ນາ ​ໂຊ​ລຊາ ສ້າງ​ປາກົດການ​ດ້ວຍ​ການ​ບຸກ​ເອົາ​ຊະນະ ປາຣີ ​ແຊງ​ແຊກ​ແມງ ​ໄດ້ 3-1 ​ໂດຍ​ໄດ້​ສອງ​ປະຕູ​ຈາກ ​ໂຣ​ເມ​ລູ ລູກາ​ກູ ​ແລະ ອີກ​ໜຶ່ງ​ລູກ​ຈາກລູກ​ຈຸດ​ໂທດຂອງ ມາຣຄັສ ​ແຣຊຟອດ ​ໃນ​ຊ່ວງ​ທົດ​ເວລາ​ບາດ​ເຈັບ ສົ່ງ​ຜົນ​ໃຫ້​ຄະ​ແນນ​ລວມສອງ​ນັດ ສະ​ເໝີ​ກັນ 3-3 ​ແຕ່​ທີ​ມດັງ​ຈາກ​ອັງກິດ​ຜ່ານ​ເຂົ້າຮອບ 8 ທີ​ມສຸດ​ທ້າຍ​ດ້ວຍ​ກົດ​ປະຕູ​ທີ​ມຢາມ.

ແມນຢູ ຮັບໄປແລ້ວ 20 ລ້ານເອີໂຣ ຫລັງເຂ່ຍ ເປແອສເຊ ຕົກຮອບ ແຊມປ້ຽນລີກ - 1 1 - ແມນຢູ ຮັບໄປແລ້ວ 20 ລ້ານເອີໂຣ ຫລັງເຂ່ຍ ເປແອສເຊ ຕົກຮອບ ແຊມປ້ຽນລີກ
ແມນຢູ ຮັບໄປແລ້ວ 20 ລ້ານເອີໂຣ ຫລັງເຂ່ຍ ເປແອສເຊ ຕົກຮອບ ແຊມປ້ຽນລີກ - lattana 1 - ແມນຢູ ຮັບໄປແລ້ວ 20 ລ້ານເອີໂຣ ຫລັງເຂ່ຍ ເປແອສເຊ ຕົກຮອບ ແຊມປ້ຽນລີກ

     ​ຫລັງ​ຈາກ​ຜ່ານ​ເຂົ້າສູ່​ຮອບ​ກ່ອນ​ຮອງ​ຊະນະ​ເລີດ​ແລ້ວ ມີ​ການ​ເປີດ​ເຜີຍ​ວ່າ ປະຕູ​ຂອງ ​ແຣຊຟອດ ​ໃນ​ຊ່ວງ​ທົດ​ເວລາ​ບາດ​ເຈັບ ​ເຮັດ​ໃຫ້ ​ແມນ​ເຊັສ​ເຕີ ຢູ​ໄນ​ເຕັດ ຈະ​ໄດ້​ຮັບ​ເງິນ​ເຖິງ 10,5 ລ້ານ​ເອີ​ໂຣ ຈາກ​ການ​ເຂົ້າຮອບ 8 ທີ​ມສຸດ​ທ້າຍ ​ເຊິ່ງຫລາຍ​ກວ່າ​ຄັ້ງທີ່​ພວກ​ເຂົາ​ຜ່ານ​ເຂົ້າສູ່​ຮອບ 16 ທີ​ມ 1 ລ້ານ​ເອີ​ໂຣ ​ແລະ ຖ້າ ​ແມນ​ເຊັສ​ເຕີ ຢູ​ໄນ​ເຕັດ ຍັງ​ສາມາດ​ຮັກສາ​ຟອມຮ້ອນ​ແຮງ​ຕໍ່​ເນື່ອງ ​ແລະ ຜ່ານ​ເຂົ້າຮອບ​ຮອງ​ຊະນະ​ເລີດ​ໄດ້ ​ເງິນ​ລາງວັນ​ຈະ​ເພີ່ມ​ຂຶ້ນ​ໄປ​ໂດຍ​ຈະ​ໄດ້​ຮັບ​ເພີ່ມ​ອີກ 12 ລ້ານ​ເອີ​ໂຣ ອີກ​ທັງ​ຖ້າ​ຜ່ານ​ເຂົ້າສູ່​ຮອບ​ຊີງ​ຊະນະ​ເລີດ ຈະ​ໄດ້​ເງິນ​ອີກ​ຢ່າງ​ໜ້ອຍ 15 ລ້ານ​ເອີ​ໂຣ ​ແລະ ຈະ​ໄດ້​ເພີ່ມ​ອີກ 4 ລ້ານ​ເອີ​ໂຣ ລວມ​ເປັນ 19 ລ້ານ​ເອີ​ໂຣ ຖ້າ​ຄວ້າ​ແຊ້ມ​ໄດ້​ສຳ​ເລັດ.

       ທັງ​ນີ້ ສະຫະພັນ​ບານ​ເຕະ​ເອີຣົບ ຫລື ຢູຟາ ​ໄດ້​ປະກາດ​ໃນ​ປີຜ່ານມາ​ວ່າ ທີ​ມ​ໃດ​ທີ່​ຜ່ານ​ເຂົ້າຮອບ​ໄດ້​ໃນ​ແຕ່ລະ​ຮອບ​ຈະ​ໄດ້​ຮັບ​ເງິນຕາ​ມ​ແຕ່​ທີ່​ຕົນ​ເອງ​ຜ່ານ​ໄດ້​ໃນ​ຮອບ​ນັ້ນໆ ​ເຊິ່ງໝາຍ​ຄວາມ​ວ່າ ມາ​ຮອດ​ປັດຈຸບັນ ​ແມນ​ເຊັສ​ເຕີ ຢູ​ໄນ​ເຕັດ ຈະ​ໄດ້​ຮັບ​ເງິນ​ລາງວັນ​ລວມຈາກ​ການ​ທີ່​ໄດ້​ເຂົ້າຮອບ 16 ທີ​ມ ​ແລະ 8 ທີ​ມສຸດ​ທ້າຍ​ໃນ​ລາຍການ​ນີ້​ແລ້ວ 20 ລ້ານ​ເອີ​ໂຣ.

error: Content is protected !!